聚滿坊粥底火鍋私房菜 佐敦
地址: 佐敦文蔚街44號地舖
最後更新:
聚滿坊粥底火鍋私房菜推介
以順德靚粥作湯底，配以每日從香港仔魚市場採購的新鮮海產，另有其他配料美食以供享用。
佐敦聚滿坊粥底火鍋私房菜
| 餐廳分店 | 聚滿坊粥底火鍋私房菜 |
|---|---|
| 地區 | 佐敦 |
| 電話訂位 | 23882848 |
| 餐單 Menu | 粵菜, 廣東, 火鍋, 粥品, 私房菜 |
| 人氣指數 | 1135 |
| 價錢幾錢 | $101-200 |
聚滿坊粥底火鍋私房菜訂位位於佐敦區，詳細地址是佐敦文蔚街44號地舖，餐廳寬敞座位數目共有40個。聚滿坊粥底火鍋私房菜幾錢？價錢優惠後人均消費大約$101-200埋單，早餐午餐晚餐聚滿坊粥底火鍋私房菜餐單包括有粵菜, 廣東, 火鍋, 粥品, 私房菜等美食，付款方式有現金付款，Booking網上訂位可以電話致電 23882848 查詢訂座。
聚滿坊粥底火鍋私房菜優惠
聚滿坊粥底火鍋私房菜 評價 相片
呢日約左3個朋友一齊食晚飯, 因為其中一個係外藉人士, 從來都未打過邊爐,而佢住嘅國家又比較少食海鮮, 所以我地帶佢來食粥底海鮮火鍋 既可以食海鮮又可以打邊爐!至於點解揀呢間? 因為年幾2年前有個藝人大肆推介呢間嘛~想試好耐喇, 今次一於帶埋朋友來試佢佐敦道落車, 行左大概10分鐘先到~入到店, 店細細, 其實都係坐得45枱人~但因為今日平日吧? 所以計埋我地成晚都只係見3枱人~咁呢, 我見佢最主要係有4個套餐的~但我地主要想食粥底海鮮火鍋, 所以撇除左泰式嗰個了~然後$368個個要訂~ 我地又冇訂到~最後我地叫左$288嗰個~店買話, 呢個D海鮮好D, 蜆變花甲, 多左元貝, 魚變龍躉, 魚滑變鮮蝦墨魚滑, 仲有丸都upgrade左~開始時, 煲入面只係米水, 冇米的~畀我地煮晒所有食材後, 最後先加米飯落去煲粥食的~店員會提供辣椒生蒜同豉油畀你調味~然後d食物就開始到, 我地就開始食了~上: 游水海中蝦真係仲識郁的! 好生猛!都幾大隻, 好鮮甜~每人有3隻~下: 日本海金蠔呢個冇咩特別, 蠔都大隻嘅, 味道正常~上:動感鮑魚真係動感嫁! 仲郁緊的!厚肉, 新鮮! 好味!呢個每人一隻。
下:新鮮海元貝呢個粒肉大大粒~跟足佢講嘅時間去整,口感岩岩好! 鮮甜!左: 貴妃蚌 右: 聖子1款都洗得好乾淨~肉質爽口彈牙~都一樣好鮮甜~每款每人一隻~上:海紅花蟹呢個每人半隻~蟹肉鮮甜~有蟹膏~SIZE係正常SIZE, 但每人只有半隻, 略嫌有D唔夠喉~下: 沙巴龍躉呢個4個人SHARE一條~魚經過開邊斬件處理~但我地覺得麻麻~一來我地幾個都唔太識吐骨,2來係魚, 大概都係蒸先最好味吧?就咁烚, 有少少腥~左: 花甲花甲鮮甜, 最後連埋粥底一齊食就最正~右: 芝麻走地雞OK, 為個粥底加添肉味一流~我諗呢度大概係半隻雞, 4個人分~左: 龍蝦丸/黑椒牛丸每人各一粒~ 黑椒牛丸黑椒味都幾香~右:秘製鮮蝦墨丸滑唔錯, 我個人有少少怕淨墨魚滑會有少少澀味~但呢度將蝦滑同墨魚滑撈埋一齊就唔會有澀味~鮮味彈牙!上: 粟米, 芋頭, 南瓜本身餐牌寫粟米羅白同南瓜的~但而家羅白就變左芋頭~其實仲好呀! 南瓜同芋頭煲耐少少就會溶~最後個粥就變左南瓜芋頭粥, 正呀!下: 美國肥牛厚切, 肉味濃~整熟左之後都唔會un~幾好食~好~ 食晒d野之後~ 到主角出場!!當食晒d野, 可以話畀店員知~店員就會行過來幫我地整個粥~成晚d精華就喺晒入面喇!加上煲溶晒嘅南瓜同芋頭~不過呢, 我個人建議就唔好落蔥喇~因為店員整嗰陣有問我地食唔食蔥, 咁我地都食, 就叫佢落啦~但食嗰陣先知, 原來有埋蔥白~咁樣蔥味太勁了, 會蓋過左個粥嘅味道~留意返, 套餐唔包飲品的~汽水每罐$10, 值得一提嘅係佢枝飲管~中段係可伸縮延長的~我地都覺得好得意, 一齊打左個結先飲最後埋單走個陣, 我地先喺門口見到呢張進食指引寫得好清楚每樣食材煮幾耐~建議店可以每張枱都放一張呀!咁就唔洗我地下下都問店員呢樣要整幾耐啦總括來講, 價錢ok啦~ 唔算好貴~當然你如果識自己買自己喺屋企整會平d啦~但如果你唔想整, 想舒舒服服坐喺好晒有得食~呢度係好好嘅選擇呀!呢度d海鮮真係好新鮮好鮮甜!你見我成篇野樣樣都打"鮮甜"就知啦
其實只是一般海鮮，不知點解吹到咁大，去街市買自己烚/蒸熟仲好！😡🤬食到一肚氣，伙計粗聲粗氣，不憂做咁款，地方又迫，成日怕被人撞，吾該都無聲成日左攝右攝放低食物，問佢野又嫌食客煩咁，打去訂位又話‘係咁難訂架啦，多人呀麻...’....咩態度？！海鮮鮮甜？！不覺囉⋯⋯咩海鮮都好只要未死都甜架啦！！....既然無特別但最主要是受氣真是好不值👎🏻👎🏻👎🏻出面大把選擇！各位睇清睇楚先去食！不然包你食到一肚氣！
我訂了6點半, 去到不斷叫我落呢樣,落個樣,每5至10分鐘就叫我快D食把鍋內食物食完, 我地2人都未能食完 ,店員又叫你快D落食物, 當時我真的忍唔住問佢,你們那麼趕時間叫我們快快把食物食完,你們是否想我7點半食完交枱嗎。
店員話不是呀,是怕我地唔識落食物。
。
天呀。
我不是小朋友。
比店員狂迫我地快食情況下,我7:35 已經走人,食火鍋食得最辛苦既一次。
佢地分兩輪,6:30 0r 8:30 ,不明店員為什麼要咁樣做。
幾年前見過歐錦棠介紹過呢間喺渡船角既粥底火鍋配料多又抵食，之後一直想去，訂過幾次枱都滿座，無意中見到訂枱網有呢間訂，仲有折添～ 不過只可以揀$198嘅特惠版有16款食材其中有七款海鮮，包括：鮑魚、海蝦、花蟹、蠔、魷魚、魚、蜆，仲非常新鮮，鮑魚仲識郁㗎！ 2個人一條魚，一隻蟹，分量好好。
雞件嫩滑，魚滑都好鮮味~ 食曬所有野，店員會將粥底加飯煮成粥，吸收哂海鮮精華超鮮甜，仲好窩心咁比埋脆卜卜既油條～食埋個粥真係捧住個肚走，好滿足！
聽講呢間好受歡迎，所以一早訂左位，仲訂左個星級餐~D海鮮全部都好新鮮, 鮑魚上枱既時候仲識郁~全部都好有鮮味, 淥一淥好快食得~牛肉都唔錯~貝類海鮮鮮甜~食晒D海鮮之後, 就要食埋個粥底啦, 職員都話前面唔好食咁耐, 因為一直加水D粥會冇咁好味~不過我地加左兩次D粥都好入味, 有晒海鮮鮮味, 加埋南瓜粒非常perfect~仲有店送的油炸鬼粒好match
聚滿坊粥底火鍋私房菜餐單提供粵菜, 廣東, 火鍋, 粥品, 私房菜等推介美食位於佐敦區，餐廳座位數40人均消費約$101-200，結賬可以用現金，Booking訂位可以電話致電 23882848 查詢。
您對於佐敦餐廳「聚滿坊粥底火鍋私房菜」有何 comment？
聚滿坊粥底火鍋私房菜餐廳詳細資料：
- 聚滿坊粥底火鍋私房菜地址: 佐敦文蔚街44號地舖 聚滿坊粥底火鍋私房菜, G/ F,44 Man Wai Street, Jordan
- 聚滿坊粥底火鍋私房菜電話: 23882848
- 聚滿坊粥底火鍋私房菜價錢: $101-200
- 分類: 粵菜, 廣東, 火鍋, 粥品, 私房菜
- 座位: 40
- 付款: 現金
- FB專頁: 聚滿坊粥底火鍋私房菜 Facebook
更多聚滿坊粥底火鍋私房菜相關資料:
香港餐廳2026推介10月