泰村泰國菜館 佐敦

泰村泰國菜館 評價 相片

上次同個fd去左食..本身都系上網搵..咁岩果日睇雜誌有張免費1碟生蝦既優惠券真系好岩..去到同個fd都冇咩點睇價錢..果日仲要系去既人1人送1隻焗蠔..都幾好味我地2個女仔都叫左6碟既食..樣樣都好好味到比錢果陣300蚊唔使已經okay..真系唔算貴

9月29日同亞婆亞媽和男朋友去伊利沙伯探完亞公,跟住搭VAN仔去佐敦搵野食.我地落車時亞媽話想去食金山,不過實在係太多人等梗,咁岩我又好想食泰國野喎~咪走左去對面間泰菜館,亞媽開頭望入去話好少客,都唔知好唔好食,但我一向都唔會理環境有幾多客,覺得咩都要試下嘛,所以我就叫左佢地入去喇~入到去個環境都好整齊,周圍都有電視睇(最岩我地D電視迷),枱與枱之間有好多空間,就算坐爆都唔會覺得好逼.每枱客人坐低都會有一兜泰式蝦片送,我地都覺得好好食(唔係因為肚餓,係真的好味喎),我地點左既食物如下:1)串燒(雞同豬各3串)因是日初一所以唔食牛肉,下次再去食燒得岩岩好,D肉唔會太實,加埋個醬好好味,不過比起其他野食,佢就普通左D!>>>$48(半打)2)生蝦其實之前成日都食生蝦,不過都無試過覺得特別好食,但今次D蝦既肉實彈牙,又大隻又好新鮮,連我亞婆都話正,食完又食(佢不嬲都唔好生野架)>>>$72/10隻(物超所值)3)炒泰苗鍾意食淋菜既人唔岩食,除左我男友,我地3個都覺得好鮮嫩又爽口>>>$484)焗蜆(連已烘多士)嘩~呢個真係好好食,外型又特別,嚮呢度真係好難以筆墨形容,個汁好正,不過少左D,食既時候係要將D蜆放落塊多士上面一齊食架!D多士又烘到岩岩好>>>$785)菠蘿炒飯以前D人成日都會話個菠蘿用完又用,但呢度我覺得無咁做囉,因為我盛飯既時候用匙篤過個菠蘿謗,真係有菠蘿汁出架,D飯又沾有菠蘿汁既味道,個炒飯入面D料都好多,我地每人盛到一碗大既,都係好味架!!不過對我黎講甜左D~~材料包括八爪魚,青口,提子乾,蝦等等....>>>$786)泰式拼盤有蝦餅,魚餅,春捲,炸南瓜條,荷葉雞,雞翼等...睇落去好似好熱氣咁,但其實一D都唔油膩,全部都整得剛剛好,隨碟有兩種醬跟埋,一個甜D一個酸辣D,兩個都幾好食,不過我地大多選擇返點生蝦附有既醬汁.>>>$887)蒜茸焗蠔呢個係送既,可能因為新張關係所以送比我地食,不過一D都唔求其,又香又多汁,薯蒜份量適中,一D都唔膩,我地睇個偵錢都係四五十蚊,有4隻,都唔係好貴.總括樣樣野都好有水準,一定會再黎,有加一服務費,全程四百幾蚊.(以上價錢是大概,因為我無記性唔記得左,不過最多差幾蚊,唔會差好遠)不過都有一樣唔好既,就係未試過有人主動加水,每次都要叫囉!!個水杯又細左D囉!我地飲好多水架,所以都唔好意思成日叫人加水~~

有日同阿媽行完隔離既永安, 好肚餓. 行過吳松街, 見到有間泰國餐廳. 個裝修睇黎都幾好, 而且又冇乜人, 所以入去試試.由於餐廳都幾大同冇乜人而且d凳又唔係放得密, 所以坐得好舒服. 間餐廳又好似好新. 服務又好喎. 不過最唔好就係d燈唔係好光, 都幾暗. 可能拍拖黎既會覺得浪漫既...好, 由於勁肚餓, 所以叫左4個.1. 馬拉盞通菜好味.2. 酸辣鳳爪嘩! 勁好味. 好入味. 掂! 3. 炸蝦餅夠香口. 炸得好! 4. 炒飯 (唔記得叫乜名, 但一定唔係菠蘿)好大碟, 好味道.我仲叫左杯珍多冰. 好鬼大杯又好高. 又夠凍, 完全可以解渴~ 由於每樣野都幾大碟, 而且又多碟, 雖然我同阿媽都勁食得, 但真係食唔哂. 佢見我地食完, 仲好細心問係咪可以上甜品. 無錯, 我係冇叫甜品. 原來係送既!我真係頂唔順, 所以只係要左一份黎睇下係乜東東. 原來係椰汁榚2細件同埋2個細細粒既糯米滋. 幾香架. 食落都不錯. 可惜我好飽, 唔係一定ko佢~可能由於新開, 所以d伙計都幾得閒, 不過會周圍行, 唔會偷懶. 個老闆係我地俾錢埋單個時仲俾張9折咭我地, 話新開, 請多d幫襯. 一睇張單, 先至200多d. 簡直就係抵到爛啦~唔好講笑, 得閒行開個頭真係要再食多次. 搞到我而家都有d餓...

泰村泰國菜館餐單提供泰國菜等推介美食位於佐敦區，餐廳座位數未知人均消費約$51-100，結賬可以用現金。

您對於佐敦餐廳「泰村泰國菜館」有何 comment？

泰村泰國菜館餐廳詳細資料：

• 泰村泰國菜館地址:
  佐敦吳松街69-73號金寶大廈地下
  泰村泰國菜館, G/ F, Kam Po Street,69-73 Woosung Street, Jordan
• 泰村泰國菜館電話:  
• 泰村泰國菜館價錢: $51-100
• 分類: 泰國菜
• 座位: 未知
• 付款: 現金
• FB專頁: 泰村泰國菜館 Facebook

更多泰村泰國菜館相關資料:

• 泰村泰國菜館分店
• Youtube
• Facebook
• Twitter
• Google