椰子樹泰國餐廳 佐敦

椰子樹泰國餐廳 評價 相片

上星期去左Bangkok🇹🇭泰菜實在太美味了仍然念念不忘有朋友約食飯 食乜好呢？即刻諗起食泰菜巳解我懷念泰菜之苦當然問問朋友有冇好介紹啦！朋友立即推介椰子樹泰國餐廳🏝咁就不妨去試吓啦！我的必食之選當然就係泰式生蝦🦐 又新鮮又肥大肉厚 醬汁又掂 我搶食左半碟再黎鹽燒烏頭🐟 燒得剛剛好 仍然保留魚嘅肉汁 魚肉亦肥大但不會過 肥 加埋醬汁 簡直一絕紫蘇芒果脆炸筍殻魚筍殼魚就真係食得多 好有心機咁起肉再炸再加埋芒果紫蘇 外脆內軟 咖哩大蜆加蒜蓉包🍞咖哩與蒜蓉包當然係絕配啦 鬆脆好味 好鬼正 炒椰菜苗🥬略為細碟左小小及菜苗不夠幼嫩 芒果糯米飯🥭一餐飯嘅完結點可以冇甜品呢？ 不過今次芒果就唔夠甜 糯米飯亦硬左小小 加油改進吧過總括而言 : 的確係一間直得一去再去嘅餐廳 而且環境舒服 三五知已傾計好地方✌👍

六點多，全場唔夠四個客，我兩個人隨意坐，叫埋嘢食，老闆走嚟問係咪加到六個，我話唔係但食完好快走，佢得我一句話人人食完都走㗎啦。

結果我兩個走時全場六個人都冇。

坐邊，唔係問題，咁嘅態度，仲已經加一，貼錢買難受！冇下次

世界級難題莫過於今日食咩好返工外食黨其其日日諗食咩都有啲難但自從食左呢間椰子樹 我地office嘅人幾乎每個星期都有黎報到 haha最大嘅原因就緊係因為佢抵食而且好味啦價錢由48起跳 講真呢個價錢平時除左茶記都食唔到啲乜 仲要包一支椰青水 很好呢我係到食過太陽蛋肉碎飯，小小辣，但肉碎炒得超香！超好送飯 個人係幾鐘意呢個飯嘅！另外食過牛油果沙律 啲菜苦嘅... 強烈唔建議大家嗌呢個 至於泰式豬頸肉撈檬 不過不失 佢嘅豬頸肉其實燒得唔夠香 但整體可接受最後仲食過一個咖哩雞扒飯 咖啡汁好香 濃度適中 唔會太水 岩岩好可以掛住雞扒上面 所以推介嘅！服務態度唔錯 而且多位🤣

今日八號風球都係呢間食完先搭地鐵返屋企～ 😆 一般係同同事lunch過來食 係佐敦 呢間算係比較平同埋 質素都比較高嘅泰國嘢～平時lunch 有分星期一至五 有AB set可以揀 48蚊包埋椰青水～撈檬好好味 但係唔記得叫走蔥🤣 如果唔食蔥要記得提前叫走蔥 不然要夾好耐😭海南雞飯都好正 有同事超鍾意食😆豬頸肉真係好好味 超鍾意食～😙之所以咁鍾意來呢間係 第一 係因為價錢ok 第二係好味 最重要嘅第三係因為 佢會送coupon呀🥳🥳🥳 每次食超過兩百都會送二十蚊coupon 超過一百送十蚊。

相當於九折～ 🤣

同同學去上堂前係樓下哩間泰國菜館EE肚先，店員見我地二人，分別先後尤說我們不如叫個2人套餐食，但我們唔想食得太飽以免一陣間上堂時瞓著覺，於是我地各自叫了自己想食的東西便算，我叫的是豬扒冬陰湯金邊粉，問落單的店員塊豬扒是否香芧豬扒定系咩豬扒，個店員答應該係。

。

過左十分鐘左右，一碗小湯送上，應該是餐牌上的是日例湯吧，我們分左黎飲，第一啖飲落去，味道百感交雜，唔知點形容好，我和同學都猜不到當中加了什麼，只飲到當中有魚露和胡椒的味道，跟住送上一小碟菜心、炭燒豬頸肉和白食反，豬頸肉味道一般，無太特別，然後叫的豬扒冬陰湯金邊粉也到了，份量是普通一人正常的份量，唔算太大碗，食完也只是剛剛好夠飽，至於塊豬扒，食唔出有香芧的味道，只是普通醃製過的豬扒然後拎去炸左變成吉列豬扒，但又連埋金邊粉浸住一起上，黎到都食唔到鬆脆的口感了，至於個湯，味道一般，好淡、而且酸味重過辣味，金邊粉就正正常常，無特別，如果話今晚食的是泰國菜的話，本人就不太認同了。

椰子樹泰國餐廳餐單提供泰國菜, 粉麵, 米線, 咖喱等推介美食位於佐敦區，餐廳座位數未知人均消費約$101-200，結賬可以用AlipayHK,支付寶,現金,八達通，Booking訂位可以電話致電 26611222 查詢。

您對於佐敦餐廳「椰子樹泰國餐廳」有何 comment？

椰子樹泰國餐廳餐廳詳細資料：

• 椰子樹泰國餐廳地址:
  佐敦德興街2號地舖
  Coconut Tree Thai Restaurant, G/ F,2 Tak Hing Street, Jordan
• 椰子樹泰國餐廳電話: 26611222
• 椰子樹泰國餐廳價錢: $101-200
• 分類: 泰國菜, 粉麵, 米線, 咖喱
• 座位: 未知
• 付款: AlipayHK,支付寶,現金,八達通
• FB專頁: 椰子樹泰國餐廳 Facebook

更多椰子樹泰國餐廳相關資料:

• 椰子樹泰國餐廳分店
• Youtube
• Facebook
• Twitter
• Google