晴舍 佐敦

晴舍 評價 相片

第一次行入佐敦德成街，原來這邊多了一個日本小社區，氣氛悠閒又有綠樹林蔭。

這天上完堂走進剛開業兩個禮拜的 晴舍 Hare，一邊吃著日式串燒，一邊喝手沖咖啡，度過一個寫意的下午。

我推介一定要食日本芝士年糕，必須襯熱食！原來佐敦德成街多了一座如此六本木的大樓，成個社區好高檔的感覺，好想搬來住。

餐廳剛開始試業兩個星期左右，正門入要行一條樓梯上去，另一邊門口有升降機搭。

這間摩登居酒屋有成4,000呎，室內設計都係走日系路線，空間感好夠，坐任何位置都舒服。

檯與檯之間唔會太逼，莫蘭迪綠色天花幾有情調。

影相最靚當然係窗口位呢，坐窗邊除了可以享受舒服日光，仲可以望住棵老樟樹，真係好似去左日本架。

所以這間餐廳由專業咖啡師和唎酒師一同創立，店內有好多唔同種類精品咖啡飲，亦有清酒和本地精釀啤酒，特別適合對生活品味有追求的人。

食物方面以和洋食及日式串燒為主，午市則有一些飽肚定食。

素食選擇唔算好多，不過約肉食朋友來打卡的話，一樣可以叫多款蔬菜或菇菇串燒，又有沙律和天婦羅等等。

另外要留意返，日本菜好多時會用鰹魚湯底 (日本人都好多海鮮素)，所以玉子燒和茶漬飯都唔係素食啊。

朱古力咖啡 HK$52 / 特濃咖啡通力 HK$75手機點餐的時候發現飲杯咖啡都好多要揀，所有奶啡都可以自選哥倫比亞或埃塞俄比亞咖啡豆，真係非常講究。

除了意式咖啡，店內還有冷泡、冰滴、虹吸和手沖咖啡，平時無飲開真係會睇到一頭霧水，好采我都有少少研究。

這裡可以品嘗日本傳統松屋式手沖咖啡，用高水柱和加蓋悶蒸的方式，配合深烘焙咖啡豆，呈現獨有風味。

枝豆 HK$38枝豆本身唔特別，重點其實係上面個沖繩辣辣醬，佢完全唔辣但就有鹹香有芝麻香，食落會上癮。

大啡菇 HK$38 / 秋葵 HK$18 / 蒜芯 HK$18店內食材很多都從日本進口，連串燒爐都係由日本特別訂製，蔬菜串燒都真係食得出炭火香味，尤其係個秋葵。

蒜芯我第一次食，原來有咁正的蔬菜，蔥蒜王下次行街市會特別搵下有無得賣。

日本芝士年糕 HK$38這個強烈排介超級好食，影相不要影太久，求其影兩張就即刻擺入口，流心芝士無得彈呀！入面係爆漿芝士，配煙韌年糕和黃金脆皮。

野菜天婦羅餅 HK$48形狀有趣的天婦羅賣相搶眼，原來是用各種蔬菜絲放進籃中炸出來，我吃到有菇、茄子、蘿蔔等等。

吃的時候要暴力將它拆開，不過我覺得咁樣炸出來好像比較油膩，配湯烏冬的話會更好吃。

有肉也有菜，方便約朋友飲野傾偈。

晴舍特別引入本地茶館「Teakha茶家」的手工蛋糕，每日款式可以在蛋糕櫃看到，會隨季和心情轉換，九龍區暫時只有在這裡吃到。

斑蘭戚風蛋糕 HK$55這個東南亞風情不得了，香氣十足又鬆軟的斑蘭戚風蛋糕，中間夾的原來是椰子忌廉，上面還有香口脆脆，成個配搭又會咁完美既，茶家 Teakha 的出品果然有保證。

如果你對飲咖啡或者飲清酒好有熱情，這間摩登居酒屋可以給你不一樣的體驗，好值得來試試啊。

問問大家：叫餐45分鐘後兩個餐有一個冇嚟🤬🤬🤬……追查下廚房先話整唔到🤯🤬⋯⋯請問大家會有咩反應🤬🤬🤬🤬1. 早到有枱不懂靈活調配，一定要坐bar枱（應該醒覺呢個係一個提示叫我閃）2. 想叫餐時，位客服叫我自己scan QR code。

我問如果自己唔識點會點，佢話可以叫佢哋！（不過再冇問咁需唔需要幫我）3. Scan咗個code發現餐牌最尾兩項係一樣但係冇我想叫個餐，跟餐牌不符😠又叫位客服嚟幫我落單4. 跟餐咖啡☕️上先⋯⋯跟住個烏冬餐+另叫咖啡上埋……………之後先後追問三次另一個餐，從來冇人主動跟進或回覆🔥🔥開始🔥🔥🔥起（第一日轉新餐牌是管理及廚房的問題而非客人的責任）結果唔使問係好嬲地表達完意見之後走……兩個人只有一個人食咗嘢……….想點呢？！？！最後佢仲話請我哋食呢餐…….真係多謝晒😑

同好友係地鐵站內search緊有乜新食肆，偶然滑到去晴舍，相片見環境唔錯，決定一試。

間中都會行過德成街（去食腸粉😁😁），原來晴舍係位於一個新樓盤嘅一樓，唔怪得喺地鐵站同埋樓下會見到好多樓盤經紀。

由於我哋下晝三點幾先至嚟到，所以過咗午餐時間，只好點甜品及飲品。

原味窩夫呢度嘅窩夫質地偏向結實，似係響超市買嘅急凍窩夫一樣，味道偏甜，但個雪糕個味道卻又偏淡，同好友研究咗好耐，啡色嗰個係唔係咖啡雪糕嚟🤣🤣😅😅。

抹茶芝士蛋糕呢個芝士蛋糕唔算好creamy，抹茶味唔夠濃，有進步嘅空間。

飲品方面分別叫咗 O.M.G. Juice 同埋Vargin Mojito。

好友話個杯OMG 幾好飲，orange溝mango溝grapefruit，味道濃郁。

另外個杯 , mint 加 lime 加 soda water 味道尚可。

呢度空間感好闊落，樓底頗高，枱同枱之間又有一段距離，如果好似我哋咁坐喺窗邊，望住出面棵大樹，真係好舒服好寫意🤗🤗。

考完試同啲同學食餐好！上openrice見到呢間新餐廳， 望到餐廳嘅外型，吸引到我哋去試一試。

餐廳環境比預期中差，望到個外型會諗住裏面嘅環境都會好好，但同普通茶餐廳冇分別！兩個人嗌左雞扒定食同埋廣島蠔定食。

兩碟飯好快就上枱，飯偏濕， 雞扒可以但唔突出。

炸蠔就冇咩味道。

而兩碟飯都跟一碟類似特製醬汁，但個人認為個味道麻麻地。

跟餐有兩杯嘢飲，嘢飲OK，如果可以大杯啲就更好！人均消費百幾蚊，整體來講一個lunch嘅價錢過$100 ，就會要求有返少少質素！但係呢間餐廳性價比唔突出，要考慮吓俾唔俾多次機會呢間餐廳！

100蚊左右一個set  unch,  價錢唔係問題，到到cafe差唔多，但魚生份量好少，感到完全唔值。

個虎蝦天婦羅鍋燒烏冬，1）竟然係無味清湯？！2）好好一隻天婦羅，浸落湯到，濕晒，夾到上黎，皮肉分開？！重要又係無味既。

3）有舊雞肉係烏冬到，白烚無味，健身餐呀？！worst中之worst! 活受罪！4）有件小唐菜，煮到黃色既…成件事似一個唔識煮野食既人係屋企煮比你。

重唔好提要排隊等位入黎食… 樓下話岩岩開張，「歡迎指導」排隊system混亂，大把位話留比book左台既人，等左25分鐘都無見人出現。

。

唯一可讚：空間大，可以慢慢傾吓偈。

祝你搵到愛你既客人，生意興隆🙏🏻

晴舍餐單提供日本菜, 居酒屋等推介美食位於佐敦區，餐廳座位數80人均消費約$201-400，結賬可以用Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付，Booking訂位可以電話致電 23830180 查詢。

您對於佐敦餐廳「晴舍」有何 comment？

晴舍餐廳詳細資料：

• 晴舍地址:
  佐敦德成街2號本木1樓
  Hare, 1/ F, Arbour,2 Tak Shing Street, Jordan
• 晴舍電話: 23830180
• 晴舍價錢: $201-400
• 分類: 日本菜, 居酒屋
• 座位: 80
• 付款: Visa,Master,AlipayHK,支付寶,現金,AE,銀聯,JCB,Apple,Pay,Google,Pay,微信支付
• FB專頁: 晴舍 Facebook

更多晴舍相關資料:

• 晴舍分店
• Youtube
• Facebook
• Twitter
• Google