德運豬扒車仔麵 佐敦

德運豬扒車仔麵 評價 相片

因為喺佐敦附近返工一有新餐廳就會去試咁啱見到新開一間車仔麵價錢真係好平一個麵底先係十蚊 啲餸幾蚊雞就有交易所以即時入去試下 入到去大廚係一個後生仔同佢傾咗兩句發現佢對工作非常有熱誠因為係新開不停問我哋意見但係其實都幾好味唔使點改進😂😂✅蠔仔+韭菜餃+手撕雞+豬扒米粉配麻辣汁✅午餐肉+韭菜餃+手撕雞+豬扒米線配清湯佢啲餸每一個都分量十足唔會因為你叫多菜以畀少咗滿滿嘅一碗 真心好抵食❤️招牌豬扒有淹過但係調味唔會過濃豬扒外脆內軟仲好juicy 咬到肉汁😆最緊要係冇骨嘅非常方便❤️招牌手撕雞雞肉整到好嫩好滑索埋個麻辣湯 惹味又好食❤️蠔仔 份量超多性價比極高👍👍啲蠔仔仲有好香鮮味 唔會整到過熟鞋颯颯洗得好乾淨亦都唔會有沙超推薦必叫❤️自家製韭菜餃皮薄餡靚 喺幅圖都仲見到有啲韭菜嘅顏色透咗出嚟咬入去好juicy仲有湯汁❤️午餐肉廚師有煎過不過因為我鍾意食香口我認為再煎脆啲會更加好味老闆話佢會跟進 不過都唔排除有人鍾意食冇咁熱氣❤️清甜蘿蔔 夠曬林另外要讚係佢個清湯同埋辣汁味道夠濃配埋啲菜嚟食簡直一流加上價錢真係好平份量夠曬大對學生來講簡直應該稱為食堂叫夠38蚊就有嘢飲 超抵

行過見到$38送熱飲.比個價錢吸引左入去.味道唔錯大家可以值得試下.下次黎帶咪d朋友黎試下其他餸今次試左幾樣餸好飽！試唔到第二d餸.好可惜想在食.但係大份多餸到真係食唔到其他唯有下次在試

佐敦真係有好多抵食選擇，而講到抵食又點少得港式嘅平民美食：車仔麵！今次隨意行過，經過呢間全新開張嘅德運豬扒車仔麵，餐廳光猛企理，一於試試！炸雞翼雞翼即叫即炸，每碟4隻，夠晒香脆，但就略嫌雞翼細隻咗少少。

A姐之選：牛筋腩、手撕雞、豬紅、豬皮幼面（+沙嗲汁）車仔麵嘅配料有成47款選擇，真係花多眼亂。

牛筋腩炆得入味，筋同腩各佔一半，唔錯；手撕雞份量多，滿足；豬皮乾淨爽口，索晒沙嗲汁，惹味；豬紅唔會一夾就醒，但又非常滑溜，抵讚。

M佬之選：爽脆豬耳、西洋菜、小花菇、自製貢丸、魚片角米粉（+辣汁）至於我就揀咗帶有麻辣味嘅豬耳，非常爽脆；西洋菜新鮮鮮甜；小花菇炆得入味；貢丸大大粒，好有口感。

（記住Like同Share畀朋友）

大大份豬扒麵盡可以搭配吾同餸幾有創意.咬落去塊豬扒真係好香出面未食過咁正炸豬扒多數都係麵粉炸出黎.呢個好有特別溝埋落啲湯度塊炸豬扒鎖住吸細D湯噶味道真系不得了口感一流好正食完都返尋味.環境吾錯Kol打卡勝地

好耐冇食豬扒麵啦⋯⋯心血來潮睇吓附近有乜嘢豬扒食見到白加士街開咗間新嘅豬扒麵店喎就等我今日試吓先未入去 職員姐姐已經係咁打招呼邀請我哋入去食話叫我哋試吓佢哋啲秘製豬扒學生同埋醫護人員都有折扣㗎～～不妨一試老闆話特別推介佢哋嘅炸豬扒雞中翼 同埋自製韭菜餃款式多籮籮～價錢都好公道今次我就叫晒佢啲招牌菜嚟試下先！再加西洋菜增加膳食纖維果然冇介紹錯 佢哋嘅秘製醬汁鹵得非常入味雖然豬扒有少少過鹹 不過浸耐咗入啲湯度沖淡少少 反而中和咗 同時令到個湯底更加香濃厚厚的無加鬆肉粉嘅豬扒加杯凍OT 正呀

德運豬扒車仔麵餐單提供港式, 車仔麵等推介美食位於佐敦區，餐廳座位數38人均消費約$50以下，結賬可以用AlipayHK,支付寶,現金,八達通,微信支付，Booking訂位可以電話致電 23583133 查詢。

您對於佐敦餐廳「德運豬扒車仔麵」有何 comment？

德運豬扒車仔麵餐廳詳細資料：

• 德運豬扒車仔麵地址:
  佐敦白加士街83號地舖
  德運豬扒車仔麵, G/ F,83 Parkes Street, Jordan
• 德運豬扒車仔麵電話: 23583133
• 德運豬扒車仔麵價錢: $50以下
• 分類: 港式, 車仔麵
• 座位: 38
• 付款: AlipayHK,支付寶,現金,八達通,微信支付
• FB專頁: 德運豬扒車仔麵 Facebook

更多德運豬扒車仔麵相關資料:

• 德運豬扒車仔麵分店
• Youtube
• Facebook
• Twitter
• Google