大茶飯 佐敦

大茶飯 評價 相片

琴晚同老公去咗佐敦嗰邊買嘢就順便係嗰邊食埋晚飯。

經過見到呢間既晚飯幾吸引就決定入去試下。

是日晚餐有成6款咁多,仲要個個名聽落都好好味咁, 真係好難揀。

不過我地兩個都係鍾意食蝦, 叫左一個金銀蒜籠仔蒸蝦飯同上湯海中蝦伊麵。

先來伊麵, 麵煮得剛好, 唔會太過軟身, 配著上湯獻汁吃, 麵條吸收了上湯的味道, 好味! 蝦的肉質很好, 吃得出是新鮮蝦, 而且蝦有特別醃製過, 醃得仲好入味, 食落非常惹味!個蒸蝦飯係連籠一齊上, 飯面鋪滿蝦, 真係睇見都開心~ 個飯望落好吸引, 粒粒分明, 飯入面仲有其他配料, 個蒸飯吸收左其他材料的味道食落又係好好味~ 但係我覺得個飯濕左少少, 如果可以再乾爽d就更perfect啦~ 蝦又係新鮮好味, 食到d質素好的蝦, 老公同我都覺得好滿足~而且呢餐都唔算貴, 真係好食兼抵食!

之前睇過週刊介紹呢間大茶飯, 覺得佢個名好有氣勢 (同佐敦個feel好夾 哈哈), 啲食物介紹又好吸引, 就把呢間餐廳記低落黎。

今日同男友去開佐敦附近, 我即刻提議要去呢度試下~ 我地比較早去, 大約6點零啦, 唔使點等位, 但坐落就見到人流開始多, 走嗰陣出面仲有人等位, 好彩我地早到啫。

我地叫咗個茄茸黑毛豬焗飯(週刊有介紹!), 燉湯(都係週刊介紹), 同店內推介的煲仔翅。

先上燉湯, 唔記得叫咩名, 但有雞腳之類, 好足料。

飲落個湯好濃, 絕對係夠哂火侯, 好味~茄茸黑毛豬焗飯個賣相好吸引, 茄汁鋪滿個飯面, 啱哂我呢個茄汁怪~ 個黑毛豬扒係驚喜之處, 食落好嫩滑, 一啲都唔似坊間其他豬扒飯塊豬扒會好”鞋”。

個豬扒同個茄汁夾埋好好食, 呢個飯我下次一定會再叫~個煲仔翅上嗰陣我同男朋友都嚇咗一跳, 因為完全唔expect佢真係會有一排翅係裏面, 以為頂多係啲碎翅。

真係估唔到呢個翅係咁貨真價實, 即刻覺得個煲仔翅好抵 哈哈。

除咗嗰排翅, 其他材料好似雞絲都好足, 由頭食到尾啖啖都有料~ 湯底個味校得啱啱好, 濃淡恰宜, 掂呀~我覺得大茶飯絕對係一間有誠意的茶餐廳, 用料好但價錢公道。

一定會將佢列入我的常去餐廳名單之中~

朋友看報紙推介即管試試!奇遇1:去到張張台都有人,個食店亞嬸叫我地去最埋一張仲有2個位, 但好窄. 咁我地見有張台食完就走, 就示意等嗰張台, 個亞嬸就系到自言自語講左一輪野. 嚇親.奇遇2:我地叫1個$38午市套餐豬脛肉炒烏冬, 有餐湯及餐飲, 另1個$46咖哩雞飯, 烏冬OK, 但多油, 咖哩雞飯一般, 吃完飯叫亞嬸比杯水, 等左一陣都冇, 以為佢唔記得, 叫另一個男侍應比杯水, 個亞嬸竟然話大聲話冇杯! 唔系麻, 我就同侍應講麻煩佢幫我加D水在我隻飲過奶茶的杯度. 個侍應都好好人幫我洗一洗隻杯至加水. 奇遇3:差不多想走時, 隔離台有個男士叫了個午餐"咖哩雞飯", 我們才知咖哩雞飯有午餐, 落單時個亞嬸明知我地叫都唔講聲有午市套餐, 一般都提一提客人有套餐啦, 個亞嬸好衰囉! 咁既食市都有 山長水遠遇著個奇人

大茶飯餐單提供港式, 粉麵, 米線, 咖喱, 茶餐廳, 冰室等推介美食位於佐敦區，餐廳座位數未知人均消費約$50以下，結賬可以用現金。

您對於佐敦餐廳「大茶飯」有何 comment？

大茶飯餐廳詳細資料：

• 大茶飯地址:
  佐敦吳松街23號地舖
  Big Rice Restaurant, G/ F,23 Woosung Street, Jordan
• 大茶飯電話:  
• 大茶飯價錢: $50以下
• 分類: 港式, 粉麵, 米線, 咖喱, 茶餐廳, 冰室
• 座位: 未知
• 付款: 現金
• FB專頁: 大茶飯 Facebook

更多大茶飯相關資料:

• 大茶飯分店
• Youtube
• Facebook
• Twitter
• Google