大家食 佐敦

大家食 評價 相片

我早兩日經過佐敦既大家食就走佐入去試下啦～～我點佐一個鹵水雞翼飯........發覺味道幾好啊..........雞翼D汁好入味.....又有D辣.......認真唔錯啊～連埋野飲都唔系好貴.....好大眾化.......D阿姐服務態度都好好......一入去就有人招呼啦.........食完仲好有禮貌甘講聲.....歡迎下次再光臨～～

今晚返學想食下其他野~最後去左正牌大家食果度食野~見佢新出左個酸辣麵~一於叫黎試試~ 飲左一啖湯~咦?正喎~很濃的湯底~落足料~配上大家食既煙韌手攪麵~好味道呢~都係連湯都飲晒~不過碟油菜就貴左d~要加$6~不過都ok喇~好好味~$28埋單~不過衛生始終都係有點兒那個......雖然已經常常抹桌~不過始終都比我見到一隻小小強......算喇~都體諒既......

因為要上堂，近這10多星期都有需要在佐敦一帶"搵食"...我一向是譚仔迷，如果唸唔到食乜，就會選擇譚仔啦；但可能他想試其他嘢，於是昨晚就入咗這間大家食．．．起初，我其實有些少"微言"，anyway，最終係幫襯呢間啦．他點了咸腩肉『村村湯鍋麵』削搖麵（$26），我則點了雲南酸辣生滾豬肉削搖麵（$16＜湯底＋麵＞+$6＜料＞）；加$4就有一杯冷或熱飲；加$4一碟油菜；另再點了特色串燒2串（@$HK7）．令我最感意外的是他的咸腩肉『村村湯鍋麵』削搖麵，湯底出奇的好味，有好濃郁的胡椒豬肚湯味道，甚至比起很多打冷店還更"胡椒"，再加上一點中國芹菜、青紅椒、洋蔥、紫菜等味道（除了洋蔥其他我都愛吃），有味得嚟唔係好"味精"．．．配合又肥又粗，很有"嚼頭"的刀削麵，頂呱呱！至於我的雲南酸辣生滾豬肉削搖麵，也是意外驚喜：出奇地酸，出奇地辣！（我已經少辣啦）但好入味，也有炸菜及中國芹菜的香味！仲有，腐孔通菜有種說不出的特別，不知是否與灼菜的湯底有關呢？至於特色串燒（豬肉），就意外的非想像那麼出色，但尚可接受哩．

其實我唔係exactly幫襯呢間鋪，而係附近(上海街)間鋪不過我餐眼見倒個「老闆」o係o個度安排d員工做野，所以肯定唔係去左假鋪....講番呢間野，其實某程度上，黎呢度都係因為見佢D麵懶係特別咁，所以先試試 = ="....其中包括「手攪麵」同埋「削搖麵」.......其實講真，我地用手「拉」麵，手「打」麵黎做噱頭就唔出奇，手「攪」麵其實係乜黎，有乜咁特別，為左進一步去了解真相，於是我就坐左o係個出菜位度，望住kitchen煮野既情況....一睇之下，原來就係拎一塊麵團，壓扁佢，再放入部機度....然後用人手轉動部機，黎壓出麵條.......(削搖麵其實即係粗d既手攪麵 =__=)即係話，如果部機係用電唔係用人手，就會叫「機攪麵」？BTW......我兩種麵都食過，但係對於呢個「削搖麵」既評價就差d... = ="我有d懷疑佢碗麵係咪煮得唔夠耐..有d硬...再加上D麵好粗.....真係要食得勁慢 ".... 而且有D「難消化」既感覺=.=....至於d"食送"，我叫左水餃....D埳係ok既，但皮厚/__\".....搞到失色不少/__\"....同樣既價錢，我相信我情願去食譚仔.....=.=".....(其實我都係因為譚仔多人，費事等，所以先黎呢間><".....)

晚餐..諗住時間不多..貪佢快所以入去..好可怕..如果唔係冇得選擇..我一定唔會去..同3個朋友去..我食番茄牛肉手攪麵冇牛肉咁制..通脹姐..都唔洗咁呀!番茄底..冇番茄味...不知所謂咁的水準$19都唔值已經記唔起朋友食左咩..因為根本唔想再諗..不過大家都覺得好可怕..記得以前大家食都可以接受的點解而家咁ga!~???係間間分店不同??但係....我都唔會再去佢的分店..簡直係陰影

大家食餐單提供港式, 粉麵, 米線等推介美食位於佐敦區，餐廳座位數未知人均消費約$50以下，結賬可以用現金。

您對於佐敦餐廳「大家食」有何 comment？

大家食餐廳詳細資料：

• 大家食地址:
  佐敦佐敦道30號地下
  Eat Together, 30 Jordan Road, Jordan
• 大家食電話:  
• 大家食價錢: $50以下
• 分類: 港式, 粉麵, 米線
• 座位: 未知
• 付款: 現金
• FB專頁: 大家食 Facebook

更多大家食相關資料:

• 大家食分店
• Youtube
• Facebook
• Twitter
• Google