裕和中日美食 九龍灣

裕和中日美食 評價 相片

9月19日, 今晚嚟到九龍灣突然想食日本野, 但係又唔想食嗰d連鎖店, 搵到呢間有少少港式feel嘅日本野, 價錢唔算平不過入面都有d人, 我地就試下啦~::: 一人前 ::: $76見佢地都有好多個set, 都幾多野食咁, 就揀咗一個比較多三文魚嘅嚟試~ 一嚟到, 原來係一個便當咁, 裝住晒咁多樣野, 份量並唔多..蟹子沙律係普通野, 可幸佢個味道幾鮮, 沙律醬都多~ 但係雪得比較凍, 個雪味重咗. 另外蟹仔份量唔多, 大多都只係d菜絲…三文魚壽司望落都唔錯, 有紋理, 色澤光鮮~ 尚算厚身嘅肉地, 咬口都有, 之不過太乾, 唔夠油潤. 飯都只有酸味, 麻麻地…三文魚脆口卷之所以叫脆口, 係因為外層嘅三文魚卷住咗炸三文魚皮~ 雖然三文魚皮唔係即炸, 但係個脆口感可以接受, 加上有一小點沙律醬, 食落反而比三文魚壽司仲好d.魚翅雪場蟹肉冷拉面都算係呢個一人前嘅主食, 加上有d蟹肉絲、魚翅絲、蛋同青瓜, 份量係ok嘅~ 整體個味道唔錯, 冷面汁甜甜地幾好味, 蟹肉都係稍為凍所以冇乜味~ 但係最敗筆係魚翅同個拉麵… 魚翅好格格不入, 咪又係嗰d罐頭素翅, 加落去又唔會好味咗, 好奇怪… 拉麵作為冷麵嘅骨幹, 都預咗係用一丁嗰d貨色, 但係不特止, 個麵好硬, 又索唔到汁, 儘管冷面汁好味但係夾唔入個麵到….::: 軟殼蟹牛油果卷 ::: $42睇在d軟殼蟹腳伸晒出個壽司度, 都叫可以彌補番細細件嘅壽司, 牛油果軟熟, 加上蟹子同沙律醬, 食落味道唔錯, 有鮮味~ 軟殼蟹夠脆, 不過炸粉略為多咗d, 蟹肉都算鮮甜, 比起三文魚壽司更好食~::: 牛油魚壽司 ::: $22因為個名好特別, 又未食過, 所以叫嚟試~ 其實同平時食開嗰d魚生差唔多, 可能佢地個名嘅叫法唔同啦. 不過個色澤唔光鮮, 食落乾口, 只有雪味冇魚味, 好一般…本身諗住有咁多人食, 點都唔會差得去邊. 之不過價錢貴, 處理食物態度有問題, 好多野都未解凍晒就上枱, 以致大多都只有雪藏味… 真係一試就夠, 如果要食壽司都係食番d連鎖店穩陣d.

裕和中日美食餐單提供日本菜等推介美食位於九龍灣區，餐廳座位數未知人均消費約$0，結賬可以用現金。

您對於九龍灣餐廳「裕和中日美食」有何 comment？

裕和中日美食餐廳詳細資料：

• 裕和中日美食地址:
  九龍灣牛頭角道77號淘大商場三期地下G286-287號舖
  裕和中日美食,  
• 裕和中日美食電話:  
• 裕和中日美食價錢: $0
• 分類: 日本菜
• 座位: 未知
• 付款: 現金
• FB專頁: 裕和中日美食 Facebook

更多裕和中日美食相關資料:

• 裕和中日美食分店
• Youtube
• Facebook
• Twitter
• Google