光榮冰室 九龍灣

光榮冰室 評價 相片

以前中學生時期，一大班人去茶餐廳食午餐，硬係唔明白點解咁多人叫雜扒煎蛋🍳飯。

心想都係一塊肉隨便加個醬汁，咁就盛宴$3040蚊！幾年後終於都明白點解咁多人鐘意叫呢D「雜扒飯」😂，因為廚師廚藝好，都可以好好味！話說之前我又去左光榮冰室食Lunch，之前就食過叉燒滑蛋飯，但都好似唔夠喉，今次就試下佢既招牌「三眼仔扒飯」。

最吸睛一定係佢果三隻半熟太陽🌞蛋，中間半熟，蛋汁一篤即流😍！豬排🥩輕輕炸過，非常香口，配埋佢既咖哩汁，除咗有獨特嘅香辣味外，仲有落過少少椰奶，所以比一般咖哩香滑👍🏻！飯份量都多，食落都算唔錯，難怪咁多人都食呢碟飯！最近疫情嚴重，餐廳指餐廳員工不懂普通話所以於門外張貼「不招待中國遊客」，但被人指責，又比無聊人指歧視中國遊客，指不公平對待！但我覺得每家店舖都有自己規矩，更何況現時疫情嚴重！多謝老闆員工為香港人付出🙏🏻，係疫境中幫助大家！大家返工附近有光榮冰室，不妨叫個外賣支持下！

今日放lunch黎呢度幫襯，支持一下～差唔多1PM果陣，大概等左15分鐘，比想像中快～蔥油雞扒飯 $48叫左少飯都系好多飯👉🏻👈🏻 雞扒有2、3塊，份量好多。

蔥油幾惹味不過好鹹呀😂 略嫌上臺果陣已經唔熱😢 蒜榮汁吉列魚飯 拼漢堡扒 $48炸魚既炸粉唔適中，有魚味，不過漢堡麻麻地，整體唔推薦～凍檸茶 跟餐茶味幾濃，不過有少少檸檬苦澀味～～凍奶茶 跟餐朋友話好正😂😂😂⚠️凍熱飲同價⚠️店員姨姨們都好好禮貌，好好人呀💕

先講個位置好方便 係九龍灣羅湖橋經商場過工業區就到！個門口細得制哈哈⋯⋯星期日朝早係工業區都好多人食！黎到梗係叫32蚊招牌早餐啦！成個餐就係普通茶餐廳早餐！但係味道真心喜岀望外！個炒蛋好正好特別 係成個餐嘅亮點！32蚊早餐有沙嗲牛肉麵 用岀前一丁！係用一丁呀！！冷熱飲同價 夏天咁熱梗係飲凍野啦！跟住最緊要係夠曬香港人加油嘅精神！好多有質素嘅人一齊食！啲嘢都份外好食！坐都幾好坐 幾闊落 阿姐服務又幾好！各位加油幫襯自己人餐廳！

成為密友之愛心早餐 😂為了支持有色良心名店，每日都幫襯早餐，之前一路食$22蚊通粉餐貪佢平靚正，涷飲又唔駛加錢😋 早排就轉咗食$28蚊麵餐可以揀兩款餸，仲要轉辛辣麵唔駛加錢，試問坊間有邊檔係咁痴線🤣 呢兩日開始發現些少悶，轉戰$36魚柳餐包涷飲，真心兩塊鬆脆魚柳，無乜邊檔茶記肯咁重本，配埋最出色既薯香味三角薯餅，仲有好夠味既涷齋啡少甜少冰，完全係為懷著痛苦身軀返工既上班族，注入正能量，咁既配撘至係真正既Good Morning囉

有時係會突然想食下冰室（好似成日都會㗎），搵間好冰室都唔容易。

係九龍灣megabox以外，都可以有其他選擇嘅。

呢排嘅茶餐廳都唔係唔顯眼，唔打開門路過係唔知係餐廳嚟。

入到去都滿滿，環境就一般，有啲似細個一排椅係學校小食店食嘅感覺。

除左有常餐都係午餐快飯豬扒麵係幾正喎，豬扒煎得夠哂香，肉係嫩，容易咬，公仔麵無得輸。

多士普通左啲，滑炒得好滑，係正嘅朋友食嘅快飯都係唔錯佢話幾好，蒜蓉豬扒扎肉飯。

最後來杯熱奶茶，沖得滑，夠茶味。

光榮冰室餐單提供港式, 茶餐廳, 冰室等推介美食位於九龍灣區，餐廳座位數未知人均消費約$50以下，結賬可以用現金。

您對於九龍灣餐廳「光榮冰室」有何 comment？

光榮冰室餐廳詳細資料：

• 光榮冰室地址:
  九龍灣宏開道15號九龍灣工業中心地下4號舖
  光榮冰室, Shop4, G/ F, Kowloon Bay Industrial Centre,15 Wang Hoi Road, Kowloon Bay
• 光榮冰室電話:  
• 光榮冰室價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 光榮冰室 Facebook

更多光榮冰室相關資料:

• 光榮冰室分店
• Youtube
• Facebook
• Twitter
• Google