又一村花園俱樂部地錦廳 九龍塘
最後更新:
又一村花園俱樂部地錦廳推介
小朋友生日，簡簡單單黎左會所食個西餐晚餐！不嬲佢嘅嘢食都唔錯，價錢又合理！意粉、扒飯、仲叫左個乳鴿好好味，外脆內軟，味道又香口仲好入味！佢嘅咖啡係冇得輸嘅總括黎講，係大人小朋友都會喜愛嘅餐廳！
九龍塘又一村花園俱樂部地錦廳
| 餐廳分店 | 又一村花園俱樂部地錦廳 |
|---|---|
| 地區 | 九龍塘 |
| 電話訂位 | 23974311 |
| 餐單 Menu | 順德菜, 西式 |
| 人氣指數 | 928 |
| 價錢幾錢 | $51-100 |
又一村花園俱樂部地錦廳訂位位於九龍塘區，詳細地址是九龍塘又一村高槐路7號又一村花園俱樂部地下，餐廳寬敞座位數目共有未知幾多個。又一村花園俱樂部地錦廳幾錢？價錢優惠後人均消費大約$51-100埋單，早餐午餐晚餐又一村花園俱樂部地錦廳餐單包括有順德菜, 西式等美食，付款方式有現金付款，Booking網上訂位可以電話致電 23974311 查詢訂座。
又一村花園俱樂部地錦廳優惠
又一村花園俱樂部地錦廳 評價 相片
小朋友生日，簡簡單單黎左會所食個西餐晚餐！不嬲佢嘅嘢食都唔錯，價錢又合理！意粉、扒飯、仲叫左個乳鴿好好味，外脆內軟，味道又香口仲好入味！佢嘅咖啡係冇得輸嘅總括黎講，係大人小朋友都會喜愛嘅餐廳！
由於呢度唔落味精夠晒健康屋企人好鍾意成日來呢度食我哋通常都會叫焗豬扒飯同埋炸雞翼焗豬扒飯已經炒左底上邊夠多芝士而且塊豬扒幾大 而且入邊仲有番茄紅蘿蔔洋蔥三樣嘢加埋好好味炸雞翼夠晒香脆不過味道就淡左少少食嘅時候加啲鹽都好啲另外佢嘅蜜桃茶都好飲仲有叫咗個雲吞雖然佢係西餐廳但係都有中菜食冇人會推薦雲吞水餃牛筋三樣都味道好出色
工作關係，出入咗幾次又一村會所，可能個人摺摺哋，好少入呢啲地方食嘢，都幾新鮮。
餐廳人人入得，價錢都係正常，一個午餐都係60蚊到80蚊左右，不過問題在於點畀錢，因為只有會員先可以畀，而且眼見似乎無人現兜兜畀，個個都係指下個鼻，細節就唔知喇…早餐食過一次，叫咗個司華力腸+粟米早餐，味道真係一般般啦，自己都整得到嗰種囉。
個咖啡就幾好嘅，用咖啡機整係同即沖有啲唔同。
(成日都可以聽到架機啲聲) 至於中午，食過一次個肉醬意大利粉，比一般茶餐廳係好食少少嘅，夠熱，不過肉醬味唔算好特別，啲意粉亦只係正常貨仔，相比起上嚟長沙灣間「瘋了」啲粉仲好食啲。
(有興趣可以望望我嗰篇食評)。
可能係會所啦，服務就無得彈嘅，而且西餐廳都可以叫到好多中國嘢食(???)菜肉包呀，粥品都有，焗飯之類都有得食，簡單嚟講就係服務區內有錢人的「快餐」選擇囉…不過我係佢哋，近近哋去又一食啦，又一啲餐廳都好食啲…
今早到又一城寫字樓後就自己到又一村會吃早飯。
點了腿蛋三文治。
麵包鬆口。
火腿非常之入味香口，蛋，不用說，一流！香脆清單的一餐。
值得試一試！
完咗教會崇拜，我哋一行九個大人兩個細路，原先打算到又一村花園俱樂部中菜廳飲茶，點知座無虛席，外面頃盆大雨咁，退而求其次，唯有落下面嘅西餐廳Verbena Café啦，朋友話依度西餐都OK嘅，所以就一字排開大長枱，坐好睇餐牌準備叫嘢食。
點知見對面枱一籠二籠有點心食，再問問侍應，哦，原來晌西餐廳都可以剔樓上中菜廳嘅點心，結果，我哋就晌西餐廳食點心！因為人多坐長枱實在好唔方便，所以，剔點心時索性起孖兩邊頭尾都各款點心放一籠！點心紙唔算好多嘢食，叫OK啦，數數埋埋蒸、炸、腸粉連甜品都有四十幾款，價錢就由小點$13到特點$32，以一間中檔酒樓計都可接受。
環境方面，由於係西餐廳，全是活動式木枱為主，方便組合不同大細長枱，裝修普通，啡色杏色為主調，配以布梳化椅，比起中菜廳燈光當然比較柔和，但嘈雜嘅人聲就跟中菜廳不惶多讓。
而客路就大多數係附近又一村嘅有錢人，所以，見到侍應同大部份客都好熟，有傾有講，我哋依枱成枱生客又無話好冷待我哋，只係點到即止，唔會講多兩句啫。
點心叫咗9款嘢：蠔皇叉燒包、薑蔥牛柏葉、沙律明蝦角、瑤柱珍珠雞、咖喱蒸魷魚、鮮竹牛肉球、羅漢齋腸粉、鮮竹鯪魚球、金粟墨魚餅，點心質素中規中矩，好食唔講得，好差又未算，就係平凡咗D。
最好食嘅，我就覺得係個咖喱蒸魷魚，好入味，魷魚唔韌；最麻麻，首推沙律明蝦角，上到枱已經唔熱，醮點嘅都係普通嘅沙律醬，仲要係大點添！粉麵其實西餐廳本身個餐牌都幾多樣化，唔止西式食物，有湯粉麵，有唔同地方嘅嘢食，不過我哋就只係揀咗兩個炒粉飯麵：瑞士汁乾炒牛河、香蒜雞粒帶子炒飯。
前者河粉同牛肉都炒得唔錯，河粉唔油，食完唔會一碟油晌碟底，牛肉軟腍，係個味似普通乾牛河，唔太覺有瑞士汁個種甜味，但整體都係好食嘅；而後者炒飯底未夠乾身，香蒜味亦都哩得弱，雞粒、帶子粒份量唔多，相比之下，哩個炒飯就差咗D喇！茶芥上面中菜廳同依度西餐廳都唔收加一，而茶芥依度就唔收，相信因為依度以西餐廳形式經營，無收茶芥哩回事，不過上面中菜廳就唔知收唔收，我估應該要啩！又一村會所雖然話只招待會員，不過出出入入無限制，訂枱都可以唔使係會員，不過俾錢時就一定要個會員出現俾錢，如果無現身唔使旨意有得走，佢哋話點都要等到個會員哩埋單喎！事後問番，入會（個人會藉）要成$500,000喎，仲要年年交年費$750，都幾甘，就算買二手會藉我估都要二、三十萬啦！下次再去真係要睇真D個會所仲有D咩嘢設施提供俾會員先。
但食嘢就未必再哩，因為又要麻煩人哩找數，位置比較吊腳，食物又唔係話特別好，價錢又唔算抵，環境無話係會所就靜局D，同出面嘅酒樓一樣「嘈嘈貢」，唯一係近教會啫！
又一村花園俱樂部地錦廳餐單提供順德菜, 西式等推介美食位於九龍塘區，餐廳座位數未知人均消費約$51-100，結賬可以用現金，Booking訂位可以電話致電 23974311 查詢。
您對於九龍塘餐廳「又一村花園俱樂部地錦廳」有何 comment？
又一村花園俱樂部地錦廳餐廳詳細資料：
- 又一村花園俱樂部地錦廳地址: 九龍塘又一村高槐路7號又一村花園俱樂部地下 Verbena Cafe, G/ F, Yau Yat Chuen Garden City Club,7 Cassia Road, Kowloon Tong
- 又一村花園俱樂部地錦廳電話: 23974311
- 又一村花園俱樂部地錦廳價錢: $51-100
- 分類: 順德菜, 西式
- 座位: 未知
- 付款: 現金
- FB專頁: 又一村花園俱樂部地錦廳 Facebook
更多又一村花園俱樂部地錦廳相關資料:
香港餐廳2026推介9月