VA BENE Italiano 九龍塘
最後更新:
VA BENE Italiano推介
主打薄餅，餐廳充滿意大利風情，以淺啡色為主，加上植物和白色帆布的點綴，令人感覺十分放鬆。
九龍塘VA BENE Italiano
| 餐廳分店 | VA BENE Italiano |
|---|---|
| 地區 | 九龍塘 |
| 電話訂位 | 21168055 |
| 餐單 Menu | 意大利菜,薄餅, |
| 人氣指數 | 452 |
| 價錢幾錢 | $201-400 |
VA BENE Italiano訂位
VA BENE Italiano位於九龍塘區，詳細地址是九龍塘達之路80號又一城1樓L1-34號舖，餐廳寬敞座位數目共有未知幾多個。VA BENE Italiano幾錢？價錢優惠後人均消費大約$201-400埋單，早餐午餐晚餐VA BENE Italiano餐單包括有意大利菜,薄餅等美食，付款方式有Visa,Master,AlipayHK,支付寶,現金付款，Booking網上訂位可以電話致電 21168055 查詢訂座。VA BENE Italiano優惠
VA BENE Italiano 評價 相片
同閨蜜食飯，點都要搵返間好餐廳，呢間又一城新開嘅意大利餐廳，頗有驚喜！餐廳劃分兩個區域，外邊係半開放式可望到商場嘅位置，casual啲chill啲，另外餐廳室內嘅部份可望到吧枱，燈光較暗，而且有好多舒適嘅半完梳化座位，感覺更有情調同格調。
坐低冇幾耐侍應送上麵包盤，每款都咁出色，我自己比較鍾意香草麵包同牛角包，一款感覺清夠香，另一款做得特別酥脆，牛油味香但唔會過重。
連餐前麵包都做得咁出色，令我對之後嘅食物更加期待。
防止傾偈傾到口乾，一開始就點左Marine Splash同Carnival， presentation非常吸睛，前者冰藍色嘅顏色帶嚟透心涼嘅感覺，後者有爆谷，牛奶同cream，濃厚又香滑！頭盤Warm Prawn in Olive Oil 大蝦平均排在碟上，橙白色嘅蝦肉同黃色帶蒜香嘅橄欖油望落好和諧。
同菜名一樣，蝦肉暖暖地，非常鮮甜，加上炸蒜片，係一道溫暖又出色嘅前菜。
Mediterranean Seafood Bouillabaisse 海鮮湯料非常豐富，大大隻青口、墨魚、爽彈嘅大蝦、鮮甜嘅蜆肉、仲有矜貴厚身嘅帶子，所有海鮮匯聚於小湯杯，味覺不斷被海鮮鮮甜味衝擊，地中海味濃！US Black Angus Rib Eye 呢樣真係冇得輸，同最近食過另一間勁讚嘅西餐廳有得過之而無不及！準成嘅五成熟度，外面焦香內裏軟腍，放入口濃濃嘅牛肉味同黑松露醬汁嘅香味混和，又幾夾喎！最點睛嘅係連著肉嘅少少脂肪，入口油脂香氣滿溢；重有side dish嘅薯條配上黑松露醬，香脆邪惡。
Hokkaido Sea Urchin Homemade Tagliolini 大片海膽幾乎覆蓋半碟意粉，每一口意粉都帶着海膽鮮甜味，海膽入口感覺較實淨；手作意粉挺實彈牙，加上辣椒油烹調，又辣又鮮嘅感覺在口腔不斷交織！同閨蜜食飯點可以冇甜品？點上雙色Tiramisu，浸透嘅手指餅充滿酒香同咖啡香，中層嘅mascaphone cheese 非常creamy 又輕又滑，食落好light，a perfect dessert!
Va Bene Itaaliano係又一城新開嘅一間意大利餐廳，朋友之前喺度食過佢地嘅SemiLunch Buffet話唔錯，今年成年冇出國，慳左唔少錢，所以星仔生日就食豪少少黎哩度晚飯同佢慶祝。
Va Bene走中高檔路線，座位分左店外同店內，店內座位比較寧靜舒服，店外座位可以透過商場嘅落地玻璃睇倒出面嘅景色，加上樓底高，感覺就開揚啲冇咁焗促。
Menu菜式都幾多選擇，前菜、Pizza、主菜、海鮮、意粉、甜品都好多款揀。
麵包盤 落完單侍應就送黎一個麵包盤，入面有四款唔多麵包。
麵包送上黎仲係暖暖地，配意大利黑醋食味道唔錯。
意大利凍肉及芝士分享拼盤($168) 哩個拼盤好豐富，入面各有四款唔同火腿同芝士，另外仲有多士、酸瓜、鵝肝醬同果乾，用黎餸酒就最啱，幾個人淨係食哩個拼盤都可以飲成晚。
芝士方面除左帶鹹味嘅藍芝士，中間哩款Taleggio芝士我都鍾意，因為佢口感比較腍，似食緊半融嘅芝士咁。
火腿方面當然首推哩款24個月風乾巴馬火腿，口感油潤，鹹度亦啱啱好。
海洋浪花($68) 高身哩杯係由檸檬汁同西柚汁溝成嘅mocktail，成杯冰藍色真係好鬼靚，因為加左熱情果糖漿，所以係以酸甜味為主，唔會飲倒西柚汁嘅澀味。
狂歡嘉年華($58) 矮身哩杯係朱古力奶上面加左忌廉同爆谷，飲落奶味唔會太重，朱古力味都幾濃，上面嘅爆谷就最好盡快食，唔係就會好快浸腍左。
意大利紅蝦鮮番茄醬意粉($268) 意粉用左新鮮番茄醬做底，上面再放左兩隻紅蝦。
紅蝦雖然唔算大隻，但肉質都爽彈，新鮮番茄醬味道冇現成茄汁咁甜，味道比較清新開胃，意粉軟硬度啱啱好，仲有少少彈口，意粉中間都見倒有唔少番茄粒。
鹽焗原條意大利鱸魚配焗薯角($298) 意大利鱸魚上枱時係俾塊綠色嘅皮包住，侍應會喺你面前打開塊綠色皮，帶啲神秘感。
哩塊綠色皮其實係乾左嘅鹽，鱸魚有成隻前臂咁長，食之前加以加少少檸檬汁。
鱸魚本身已經起左魚骨，所以唔怕哽骨。
肉質唔會太腍或者太鞋，帶少少鹹味都幾好食。
鱸魚本身係配左焗薯角，雖然冇炸薯角咁香口，但薯味都好香同感覺會比較健康冇咁熱氣。
美國安格斯肉眼($298/350g) 350g嘅肉眼差唔多有成塊面咁大，足夠兩個人食。
肉眼我揀左五成熟，表面有好靚嘅網紋，切開中間啲肉仲係玫紅色但就唔會有血水流出。
肉眼好腍完全冇筋，淨係邊位有少少肥膏，就咁蘸少少粗鹽已經好好食，比起好多餐廳嘅扒都好食。
自家製提拉米穌($128) 哩個Tiramisu雖然有喺menu寫明係for sharing，但真係冇諗到佢咁大份，係出面一碟正常焗飯咁大碟，其實三四個人都夠食Tiramisu面頭有一半鋪左朱古力粉，下面其實都係一樣，口感好濕軟，咖啡味都夠重，非常好食。
總結，每一樣食物都好有水準，份量都好足，唔會係兩啖就食完貨仔，絕對唔係淨係食環境嘅餐廳，價錢方面綜觀食物質素份量同環境唔算貴，侍應亦會主動換碟，用黎慶生或者特別日子一定唔會失望。
同閨蜜太耐冇見，想找間餐廳又可慢慢坐，又可以嘆下高質菜式，選了又一城的VA BENE Italiano，非常期待。
餐廳係半開放式，我們選了坐入面卡位，比較寧靜，可以暢談，而且燈光夠柔和，環境設計感覺優雅。
店員介紹了幾款signature dishes, 我地點完菜後，先送上三款不同餐包，可配上橄欖油和意大利黑醋食用。
頭盤叫了香草慢煮大蝦，大蝦伴以橄欖油慢煮，重點係有微微檸檬清香，估唔到檸檬味同橄欖油咁夾，將彈牙的蝦放在法包上，再加了炸蒜片，再沾滿橄欖油一齊食，真係好夾。
食住海鮮，好想叫杯飲品餸，叫咗一杯海洋浪花$68，有啲西柚香味，以梳打汽水為主，清新解渴。
主菜叫了名貴的波士頓龍蝦扁意粉，上枱時非常驚喜，一大隻龍蝦尾，而且意粉內仲有多件龍蝦肉，即係話多於一隻龍蝦的份量，今次真係啖啖肉，意粉也沾滿龍蝦醬汁，非常濃郁的鮮味。
另外叫了黑松露智利鱸魚Baked Chilean Sea Bass, 賣相非常有創意，錫紙包住成隻餃子樣，店員幫忙打開錫紙，打開熱㷫㷫，聞到陣陣黑松露香味，鱸魚魚味夠鮮，肉質彈牙，而且面層鋪了松露片，伴埋一齊食，令魚味更提鮮，旁邊還有清甜的紅蘿蔔絲，增加了清甜味道。
再來一份美國安格斯肉眼扒350g 只係$298，扒的質素好高，燒得剛剛好，叫了五成，保留肉質的牛肉味，肉質好腍，加上肉汁非常夾，旁邊的車厘茄一解牛扒的膩口感覺。
飲品叫了杯甜蜜蜜，以鮮草莓打制而成，還有橙汁，檸檬汁，最有gimmick 係面層的棉花糖，店員講解要將竹籤拔走，令棉花糖跌落杯內，令原本酸味味的飲品更昇華，好Magic ,另外叫了杯Va Bene Tonic雪糕咖啡，咖啡味濃郁，連冰塊都用了咖啡製成，真係原汁原味。
甜品叫咗法式焦糖燉蛋$108 ，面層有脆脆焦糖，好香脆，燉蛋好滑，有啲吉士打香味。
這間餐廳服務質素相當好，店員服務殷勤，悉心介紹招牌菜，時常露出笑容。
今年生日無得外遊， 好友決定揾間靚D嘅餐廳和我食birthday lunch，佢最後揀左又一城Va Bene Italiano, 意大利文是Very Good的意思，果然真是沒有令我們失望。
餐廳分店外和店內座位，店外寬敞開揚，空間感十足，店內裝潢Classic高尚，燈光柔和，非常有氣氛，令人心情放鬆。
食意大利菜又怎能缺少美酒呢？但因為我們是食lunch的緣故，都係揀2杯精緻的cocktail比較適合。
La Farfalls$118~以靚靚蝴蝶架吊住杯cocktail,真係呃左唔少like, cocktail以whisky, peach puree, almond syrup, lemon juice, prosecco和icing sugar組成，有果香味，亦帶有Wisky的香醇酒香，酸酸的很易入口。
IL Va Bene$118~以Coffee infused, campari, whisky, honey,dry vermouth和Chocolate bitter調配而成， 苦澀中帶甜味，亦有咖啡香味，好特別。
麵包盤~店員首先奉上暖笠笠的餐包，自家製餐包有4款，最喜歡鬆軟的牛角包和香草包，配上橄欖油和意大利香醋已很美味。
Beef Carpaccio$168~除了主角生牛肉外，還有蛋白碎，蛋黄碎，大大片的松露。
生牛肉口感又軟又腍，入口即溶，牛味好香好濃，配以甘甜的火箭菜和極香的松露真係好好味呀！Blue Mussels$228~藍青口雖然細細隻，但肉質飽滿鲜甜，配以香草蕃茄汁，酸酸地帶微辣，提昇青口的鮮味，好正！US Black Angus Ribeye(350g)$298~表面有好香的炭燒味，肉質軟腍有咬口，肉汁豐富，牛味非常濃郁，好美味！Lobster Linguine$298~龍蝦肉質爽彈結實，鲜甜美味，真係啖啖肉，好正呀！扁意粉口感幼滑彈牙，軟硬適中，每一條意粉都沾滿帶有香濃蕃茄，香草和龍蝦鲜甜味的醬汁，勁好味。
Creme Brulee$128~燉蛋口感細腻柔滑，蛋味和奶味香濃，表面薄薄脆脆的一層焦糖非常可口，好好味啊！
疫情關係都少咗出街食，一出去當然要食好啲！搵到嚟呢間係又一城嘅意大利餐廳，上網查Va Bene意大利文解作優秀，食過果然好得！食物好多元化，仲有推出半自助午餐同甜品tea set蕃茄香檸烤八爪魚$158八爪魚好爽彈，配合埋酸酸地嘅蕃茄同香檸好開胃Va Bene 黑松露多重芝士薄餅$198黑松露控同芝士控必點！好香菌菇味，而且用上唔同嘅芝士如ricotta,padano等令芝士味道更豐富，批底亦夠曬薄脆，推介！波士頓龍蝦扁意粉$298蕃茄汁有超香濃龍蝦味，扁意粉硬度剛好，索曬啲汁食好滋味，除咗龍蝦有得肉食外本身亦有龍蝦粒混係意粉入面，真係食到停唔到口法式燒春雞$228燒到外皮脆脆地，入面啲肉都夠嫩滑，唔錯自家製提拉米蘇$128意大利甜品當然要點啦，估佢唔到咁大份！一半灑上可可粉做到黑白分明好特別，食落入口即化，好啱一班人share食飲品都做到好精美：海洋浪花$68賣相吸引，飲落好fresh狂歡嘉年華$58少少苦嘅朱古力加上香甜爆谷，好夾
您對於九龍塘餐廳「VA BENE Italiano」有何comment？
VA BENE Italiano餐廳詳細資料：
- VA BENE Italiano地址: 九龍塘達之路80號又一城1樓L1-34號舖 VA BENE Italiano, Shop L1-34,1/ F, Festival Walk,80 Tat Chee Avenue, Kowloon Tong
- VA BENE Italiano電話: 21168055
- VA BENE Italiano價錢: $201-400
- 分類: 意大利菜,薄餅,
- 座位: 未知
- 付款: Visa,Master,AlipayHK,支付寶,現金
- FB專頁: VA BENE Italiano Facebook
更多VA BENE Italiano相關資料:
香港餐廳2023推介04月
為減低冠狀病毒病在La Porte內有任何傳播的風險，La Porte在餐廳內會盡力保持高水平的清潔及衞生標準。餐廳La Porte除了遵守預防及控制疾病的相關規例，La Porte同時建議採取以下措施*La Porte 黃, La Porte 藍, (La Porte 黃藍 等意思黃店或藍店簡稱
常見問題 FAQ:
VA BENE Italiano在餐廳內應如何確保環境衞生？
- 食物業經營者應加強對食物業處所包括廚房、食物房、洗滌間、廁所（包括水龍頭與廁所把手）和食肆座位間的清潔，定時及在有需要時應用1：99（即把1份漂白水與99 份水混和）的稀釋家用漂白水消毒，以經常保持清潔和適當維護。
- 在處理被呼吸道分泌物、嘔吐物或排泄物污染的地方，應使用 1：49（即把 1 份漂白水與 49 份水混和）的稀釋家用漂白水。
- 經常清潔消毒食物接觸面及設備，例如餐具。
- 經常清潔消毒員工或顧客的頻密接觸點，例如門柄、桌面、餐盤。
- 確保用作送遞食物的工具不可用於收集餐桌上已使用的餐具及食物殘渣，可考慮以不同顏色或標示來識別工具的不同用途。所有工具都要保持清潔和定時消毒。
餐廳廚房內VA BENE Italiano應如何確保食物衞生？
- 採用「食物安全五要點」，以正確處理食物：
- 精明選擇：選擇安全的原材料
- 保持清潔：保持雙手及用具清潔
- 生熟分開：分開生熟食物
- 煮熟食物：徹底煮熟食物
- 安全溫度：把食物存放於安全溫度
- 有需要時，提供公筷公羹。
- 避免公開展示沒有包裝的即食食物（例如烘焙食品）。
- 如使用即棄手套處理即食食物，要注意手套不能代替清洗雙手，並要正確使用。手套如有損壞、弄污或食物處理人員因暫停工作而把手套除下，便應把手套丟掉；要經常更換手套，更換時和除手套後都要清洗雙手。
對於工的個人衞生餐廳VA BENE Italiano建議是什麼？
- 工作人員須謹記：定期檢查體溫
- 工作期間，戴上口罩
- 咳嗽或打噴嚏時，要用紙巾掩蓋口鼻，並立即將已弄髒的紙巾丟入垃圾桶。然後，以梘液和清水清潔雙手
- 保持良好的個人衞生習慣（例如在處理食物前後、進行清潔之後、處理廚餘或垃圾後以及上廁所後要洗手）
- 如患有或懷疑受到傳染病感染或出現病徵，例如感冒、腹瀉、嘔吐、黃疸病、發燒、咽喉痛和腹痛，應停止處理食物。如出現呼吸道感染病徵時，應戴上外科口罩及盡早求醫
- 洗手時應以梘液和清水清潔雙手，搓手最少 20 秒，用水過清並用抹手紙弄乾。雙手洗乾淨後，不要再直接觸摸水龍頭 （例如先用抹手紙包裹著水龍頭，才把水龍頭關上）
VA BENE Italiano餐廳內大家應如何減少社交接觸？
- 為採取以下措施保持員工之間、員工與顧客之間以及顧 客之間的社交距離：
- 為顧客提供外賣選擇
- 避免搭枱或改動座位安排以減少直接面對面接觸
- 在食肆張貼告示或作廣播、或於地面加上標記、提醒顧客在排隊或等候期間保持距離
- 在服務櫃枱加設屏障，減少顧客與員工直接面對面接觸
- 鼓勵顧客使用非觸式的付款方法（例如：信用卡、手機應用程式等）
- 安排員工分批工作、休息及用膳