美斯餐廳 九龍城

美斯餐廳 評價 相片

去九龍城搵朋友食飯，諗落好耐冇据過扒，所以上openrice搵下附近有冇，搵搵下搵到呢間好似幾好，朋友話認得路，咁就過左黎試啦！一人叫左一份鐵板餐，我叫左西冷牛扒，朋友叫左雜扒餐。

一上黎係羅宋湯，都足料既，辣辣地，味道唔算濃郁，正正常常咁啦！暖暖地仲幾鬆軟，唔似係嘉頓，仲係可以接受。

到左出呢個已經覺得唔對路，加錢要既柑桔梳打，完全冇柑桔味囉！然後呢個出事啦，叫左7成，但有半塊完全唔紅，心諗大獲，拿拿聲食左仲紅紅地個部分，一切一咬，救命，韌到喊出黎，從未試過咁韌既7成西冷囉！仲要好多根，真係好失望。

雖然朋友個份雜扒OOKK，但我個份真係超級差超級唔好食！我諗點都冇下次架啦。

星期四，是太太的上課日，所以往後的幾個星期都會出現於九龍東區。

因為要等到九點半，我大可約下知己，輕輕吃、輕輕喝。

不過，首個星期，我並沒有意識到可以約人，而我過海後首個目的地是平日鮮有機會去的九龍城。

我巡視了一個圈，本想食泰國菜但心覺得有食友相伴會更開心，而一個人的晚餐，我最後選擇了去食，豉油西餐。

巴塞的那一名球員未成名之前，這個名字不會引起那麼大的迴響，現在因為《美斯》這兩個字，我一把《美斯餐廳》放上 FB 上，已經不斷有朋友回覆《Messi?》，在這兒，我向大家說你們錯了，這一家餐廳是 Maxi not Messi。

不是 Lionel Messi，這只是 Lion Rock Maxi，是一家舊式的豉油西餐廳，沒有足球明星，沒有阿根廷菜，來者，食鐵板，食牛扒。

食最傳統的香港式西餐，飲羅宋湯是必要的事。

美斯的羅宋湯做得很好，茄味，牛味都很濃郁，其用料亦非常之充足，羅宋湯加麵包，令我感覺是美味的開始。

我的鐵板雙併餐，是牛脷加鴕鳥扒，而我要了很傳統的燒汁，而這裡，很傳統地在你面前落汁，Saar 一聲，很有感覺。

很厚切的牛脷，口感很爽，而鴕鳥扒，味道很香，肉味亦濃，不過，若不是說明了這是鴕鳥肉，根本很難去區分，這鴕鳥扒，肉腍也許是鬆肉粉的關係，但沒有梳打味，而且又沒有令到肉質梅爛，who care，以汁伴扒，香港精神，絕對是合格中的合格。

不想飲咖啡，我特意地叫了一杯奶茶，夠濃亦夠滑，不錯。

九龍城美斯，傳統的香港式扒房，是一家值得一試的餐廳。

是日與家人逛街後去了九龍城食晚飯，最後今晚決定去食西餐鋸下扒，入到餐廳後，侍應好有效率地帶我們坐卡位，更是好迅速地送上暖水及menu。

最後我個人選擇了自選的鐵板餐，可以選擇兩款食材，更包餐湯及餐飲。

點餐不久，餐湯已經好快送上，我今晚選擇了羅宋湯，個湯都幾夠酸辣，用料都好足，雜菜都夠腍也有好香的牛肉味。

而餐包是個軟包都好新鮮鬆軟，帶點微熱。

 個鐵板都好夠熱，鐵枝上枱前已經聽到「吱吱聲」，其後我都好怕落汁後會彈到自己，所以要求店員不用幫我落汁，將汁on side 就可以。

洋蔥汁都好夠味夠濃，豬扒雖是一片但份量真是好大塊，煎得都好香好惹味。

炸帶子有兩粒，炸得都好夠脆，帶子就一般貨色，不過薯條的份量真是少了一點。

加了5元點了一碟意粉，可是不是好夠熱。

 最後餐飲點了杯凍檸檬茶，茶都好夠色味道香濃，調較都不會太甜。

最後給我的結論是食物水準不俗，都算抵食。

都是這句薯條太少未能滿足我這個大細路。

服務真是好有效率反應快，好take care 客人，又時常巡下客人枱面情況都有收下碟。

地方帶點暗都是好有情調，而且有電視看，有卡位，雖然地方不是好大，都好舒適的地方。

今晚特登同男朋友搭車落去九龍城食佢！好耐之前誤打誤撞入左去呢間食．．環境好陰暗,但係好有情調首先我嗌左個肉眼排～男朋友就嗌左個西冷，點知唔好彩就賣唒，最後嗌左肉眼XD.上主菜之前佢黎左個湯同餐包，飲左啖湯～真係咁多年都無變過。

味道非常之濃郁，絕無偷工減料!!咁之後再食包啦，哇！熱辣辣,真係熱到辣手架，正！首先唔好理佢新唔新鮮，至少起碼佢會考慮到客人會鐘意食熱辣辣既餐包～其他大部份餐廳都係求其比個凍冰冰既餐包你．．．．呢度加分！之後飲完湯無耐就上菜～一黎到我男朋友呆唒．因為真係好厚好大塊！但唯一要彈下既真係野飲，我叫左杯檸檬茶小甜（+＄２），我男朋友就要左杯果汁芒果汁（+＄４），杯０Ｔ我叫小甜．．但我飲落去直情係無甜味，得茶味．ＮＯＧＯＯＤ！而杯芒果汁都係個Ｄ濃縮液開稀，好大陣個Ｄ人造味，麻麻地！但整體黎講我真係比笑臉！因為其他野都好好！連服務態度都係～臨尾我地埋單佢都會講：多謝唒２位，下次再黎啦！個感覺比我係好好，絕對有下次！感想；我同我呢位大大食既男朋友都捧住個肚走人，１個餐只係＄８０＄８２．２個加埋都只係＄１６２蚊，真係超值！我好希望呢間餐廳唔好關門大吉，因為呢Ｄ老字號真係賣少見少．．祝長做長有！大家快Ｄ去試下啦

好耐之前到九龍城食飯, 留意到美斯餐廳, 但一直未有機會嘗試. 今天終於有機會光顧.是晚約7:45pm到達, 店內只有2台客人, 十分冷清. 店員帶友人和我到一卡位坐下. 看過餐牌後, 發覺價錢真係好便宜, 是日晚餐只是$5x, 如果晚餐款式唔啱, 其它餐都係$6080.友人和我要了鐵板紐西蘭肉眼牛扒($68)和鐵板美斯什扒($68), 餐湯都點了忌廉湯, 餐茶都要了凍檸茶(凍飲+$2).忌廉湯 好濃郁的忌廉湯, 好好味, 是我近來喝過最好的.鐵板紐西蘭肉眼牛扒 當侍應送上時, 友人和我不約而同地說了一聲 " 嘩! 好大份", 有成2塊牛扒呀. 雖然唔係用上好靚的肉, 但最少唔係梳打粉牛扒, 味道都ok.鐵板美斯什扒 有牛舌, 腸仔, 煙肉, 牛扒和豬扒, 雖然無肉眼扒咁今我們驚喜,但份量都十足, 味道同樣ok, 不過都係個肉眼扒低食d. 不過小朋友應該會喜歡呢個什扒餐.凍檸茶 全晚唯一唔滿意的是凍檸茶, 檸檬好似放在入雪櫃好耐, d檸檬味被雪櫃吸晒, 最後全杯只有點茶味.整體2個鐵板餐都係低食又大份, 味道都ok, 不過食完後, 都發覺個鐵板剩番好多油係度, 所以要扣番d分. 如果肯俾多少少錢($10 左右), 咁就第尾牛扒味道會好d. 不過呢d老牌餐廳, 愈來愈少了, 希望大家都支持下啦.

美斯餐廳餐單提供港式等推介美食位於九龍城區，餐廳座位數未知人均消費約$51-100，結賬可以用現金。

您對於九龍城餐廳「美斯餐廳」有何 comment？

美斯餐廳餐廳詳細資料：

• 美斯餐廳地址:
  九龍城衙前圍道34號地下
  美斯餐廳,  
• 美斯餐廳電話:  
• 美斯餐廳價錢: $51-100
• 分類: 港式
• 座位: 未知
• 付款: 現金
• FB專頁: 美斯餐廳 Facebook

更多美斯餐廳相關資料:

• 美斯餐廳分店
• Youtube
• Facebook
• Twitter
• Google