手作鮮芋站 九龍城

手作鮮芋站 評價 相片

咁熱既天氣 食完飯想係九龍城搵杯嘢飲 得呢間鋪頭依然營業!!! 二話不說即刻揀咗兩杯～1. 青檸四季春 清爽既青檸味 配搭純潔既四季春 係解膩之選🤤 唔鍾意飲甜嘢既人可以選擇呢款😆2. 提子椰果酸奶酪 第一啖已經飲到滿滿既提子味 仲要好似食緊一杯杯既yogurt咁😍 杯底加埋椰果 簡直係一次過有三重口感🥶 鍾意食乳酪既人 大推酸奶酪系列🤍見到其實仲有小食試 不過真係食唔落🥹 有機會下次路過一定會試埋多士同啲台灣小食！

突然想食芋泥，專登去呢間到買係外賣店，不設堂食長髮女店員對答無表情、無笑容全情態度敷衍落單完全多謝唔該都無句，就咁行開左直情連落好單未都唔知？呢啲都算買完，就咁放低入芋泥吐司就咁喺客人手上拎張單一句多謝唔該都無繼續係零笑容、零唔該、零多謝體驗很差點了芋泥奶凍吐司芋泥的份量一般，奶凍不凍，咬落口感奇怪，奶凍偏硬奶凍同芋泥都無乜味吐司普通，沒有烤過勝在算厚$42 定價不算好抵食同樣價錢的其他店舖 可以食到滿滿更多芋泥總而言之，不會再光顧

今次嚟到九龍城經過呢間專賣芋泥/芋圓小食/飲品既鋪頭～之前飲過佢地既飲品覺得都唔錯 今次就買咗吐司試下👀✨芋泥奶凍吐司💲 42每次見到啲嘢限量發售 就會忍唔住衝去買🫣 呢個都唔例外🤣 見到鋪頭唯一一樣係限量發售就衝咗 無考慮過究竟會唔會鍾意食😹😹😹比想像中大份 好墜手 奶凍超厚切 如果一個人食晒可以當一餐👀 味道方面 其實我本身對芋泥製品無咩特別興趣 所以可能有bias🫣 芋泥幾順滑 唔太甜 啱我口味 但係奶凍硬咗啲 奶味亦欠奉👀 多士烘到脆脆地 理應會做到冰火交融既感覺 但係因為我衰 攤凍咗先食🥲🥲 無個種感覺之餘 聞落好大陣烘過既多士味 （唔知大家明唔明😹）搶曬入面啲芋泥/奶凍味 成件事唔係好夾🫣 可能鹹味多士會出色啲🥲

行開九龍城，又熱又口乾，就搵下有冇啲未幫襯過既台式飲品店試下。

估唔到近近地又搵到間💛店又未試過。

店舖位於九龍城廣場對面，好易搵到 。

店舖除左有台式飲品外，仲有台式小食等。

見到不少食評都推薦芋泥飲品，但又唔想太飽想留番個肚食飯 就簡簡單單簡左奶蓋四季春（$26） 一試。

美中不足是不能走冰，惟有簡少甜少冰好了。

店員動作好快，等唔洗5分鐘就有。

味道方面， 四季春茶味比較淡， 也許國少甜關係味道尚可。

而奶蓋的芝士味幾香濃， 但又唔會太膩。

整體都唔錯

作為芋泥控見到呢間小店以鮮芋 (Taro) 為名一定要來試下佢嘅芋泥製品 😛今次點咗芋泥奶凍吐司套餐( 即加配任何飲品減 $8 )飲品點咗芋泥麻薯鮮牛奶芋泥奶凍吐司芋頭味好濃唔會太甜，啱啱怕甜嘅我 ～芋泥係順泥嗰隻，好順滑無棵粒感奶凍嘅奶味亦都好重吐司嘅包裝整得非常有心思芋泥麻薯鮮牛奶有 5 種甜度揀，分別係：100%全糖75%七分50%半糖25%微糖0%無糖自己點咗25%微甜個人嚟講非常鍾意呢個甜度真係微微嘅甜完全保留到鮮奶本身嘅奶味👍

手作鮮芋站餐單提供台灣菜, 台式飲品等推介美食位於九龍城區，餐廳座位數未知人均消費約$50以下，結賬可以用Visa,Master,AlipayHK,支付寶,現金,Apple,Pay,Google,Pay,微信支付，Booking訂位可以電話致電 52029833 查詢。

您對於九龍城餐廳「手作鮮芋站」有何 comment？

手作鮮芋站餐廳詳細資料：

• 手作鮮芋站地址:
  九龍城賈柄達道113號地下17號舖
  Taro Station, Shop17, G/ F,113 Carpenter Road, Kowloon City
• 手作鮮芋站電話: 52029833
• 手作鮮芋站價錢: $50以下
• 分類: 台灣菜, 台式飲品
• 座位: 未知
• 付款: Visa,Master,AlipayHK,支付寶,現金,Apple,Pay,Google,Pay,微信支付
• FB專頁: 手作鮮芋站 Facebook

更多手作鮮芋站相關資料:

• 手作鮮芋站分店
• Youtube
• Facebook
• Twitter
• Google