豐樂里 中環
最後更新:
豐樂里推介
平日午市竟然可以一個人都無，包場咁濟突然覺得book 左檯好似好傻瓜咁環境幾大，好適合傾計其實d野都ok架喎。。。而且好大份，夠曬飽肚Menu 係日日轉，新鮮感十足套餐有前菜，今日係齋。。非常清新主菜有d肥膩。。。係紅燒肉煮得好林好入味啊。。。罪惡感加倍個黎麥飯反而似普通白飯姐另一個要左菇菌意粉個大菇超爽口又唔會好寡口，其實係好食架仲有個紫薯糖水，呢個相對地就差左少少個紫薯粒好硬不過都不失為一個幾好既選擇
中環豐樂里
| 餐廳分店 | 豐樂里 |
|---|---|
| 地區 | 中環 |
| 電話訂位 | 沒有電話提供 |
| 餐單 Menu | 多國菜, 私房菜 |
| 人氣指數 | 777 |
| 價錢幾錢 | $401-800 |
豐樂里訂位位於中環區，詳細地址是中環士丹利街60號明珠行13樓全層，餐廳寬敞座位數目共有55個。豐樂里幾錢？價錢優惠後人均消費大約$401-800埋單，早餐午餐晚餐豐樂里餐單包括有多國菜, 私房菜等美食，付款方式有Visa,Master,現金付款。
豐樂里優惠
豐樂里 評價 相片
平日午市竟然可以一個人都無，包場咁濟突然覺得book 左檯好似好傻瓜咁環境幾大，好適合傾計其實d野都ok架喎。
。
而且好大份，夠曬飽肚Menu 係日日轉，新鮮感十足套餐有前菜，今日係齋。
非常清新主菜有d肥膩。
。
係紅燒肉煮得好林好入味啊。
。
罪惡感加倍個黎麥飯反而似普通白飯姐另一個要左菇菌意粉個大菇超爽口又唔會好寡口，其實係好食架仲有個紫薯糖水，呢個相對地就差左少少個紫薯粒好硬不過都不失為一個幾好既選擇
曾經午餐食過ok,某天因外國分公司同事來港作客日1天應老細要求book枱，點知由11點開始打，打左10幾次至12點幾都係飛手提再飛留言箱，上到去話full 左，就算好食這些基本野搞唔到都無話可說。
是日平安夜。
好友相聚當然係要吃頓好的！豐樂里，為友人推介，也沒多問就去了。
🤷🏼♂️我和你一樣，聞其名本以為中餐平平無奇，比比皆是，所以期望不大。
結果!!! 我！錯了！！！豐樂里是一家FUSION 餐廳如果你喜歡Fusion restaurant 嚐嚐豐樂里吧，你不會失望的！話我就就擱這了，看圖片吧！頭盤: 法川戀曲 宮保鵝肝萍翠沁涼 青蘋果蟹肉沙律湯:金湖掠影 素翅蟹肉南瓜湯主菜:松露戲鳳 松露菌燒走地雞💯錦繡田園 雲腿靈芝菇豆苗 甜品:紅莓雪影 鮮甜草莓釀燕窩紅豆蓉
小弟成日講，晌中環搵食食晏唔喺一件樂事，一過12:30pm家家餐廳都有人滿之患，尤其喺中下價餐廳、地鋪尤甚，多人多到不得了。
約咗舊同學食晏，當然會講到當年今日有排傾啦，所以，餐廳環境好重要，主打亞洲融合菜嘅「豐樂里」就絕對好適合靜靜局傾偈，又或同客嚟食個商務午餐。
餐廳藏身於士丹利街一幢商廈內，出電梯一睇，門面非常有特色，灰牆紅磚拱門，加入中式大宅門，古雅而有無派。
推門而進，地方算唔上好大，裝修偏向西化、摩登，富特色嘅吊燈，再加上陽光從一列玻璃窗透入，令人多幾分暖和感。
此外，牆上掛咗唔少彩繪、畫像，有富中華色彩嘅彩繪，有中外名人嘅畫像，喺想表達出佢哋喺中西融和，所以，睇到佢哋嘅菜式都不拘一國。
就連枱上嘅餐具擺設（由於午市只供應套餐），設定都好西化。
若非枱上擺咗壺熱茶，真喺會以為嚟咗家西餐廳呀。
由於是日中午客人唔多，所以，感到更特別閒靜。
午市喺供應3道菜嘅套餐，名為「豐品」，定價為$168，無加一，經理話每3個星期會轉一次款，可留意官方FB。
先介紹名為「迎」嘅指定頭盤「梅開二度」，包括黑魚子萵筍及鮮茄豆腐杯。
如想享受得更多，加可加錢額外添加冷盤或湯羹。
梅開二度（黑魚子萵筍及鮮茄豆腐杯）先試個鮮茄豆腐杯，貪佢酸酸哋開開胃，但滔一羹入口，初時以為得啲蕃茄蓉，原來仲加入蟹籽嚟增添口感，而且，啲蕃茄唔會好酸，微酸帶甜，豆腐亦嫩滑富豆香；另一部份嘅黑魚子萵筍，其實啲萵筍好滑爽，加上黑魚子就變得好睇又矜貴，不過，啲黑魚子跣嚟跣去，好唔容易先夾得埋一齊食。
川湖肉簪（素翅海鮮羹）+$30另一冷盤嘅川味口水雞大家都麻麻哋有興趣，反而，個海鮮羹興趣大啲，再者，戒咗魚翅多年都好少食翅，難得個羹喺用上素翅，可一解魚翅癮。
碗素翅好足料，口感啱啱好，個湯底有鮮甜味，而且，裡面海鮮頗多，用料無欺場。
名為「味」嘅主菜共有5款，每一款都冠以一個特別四字名稱，如深海珍味、牛皇問鼎……，但要留意，其中兩款要另外加錢。
泰式風情（煎雛雞黃薑飯配是拉差蛋黃醬）小弟睇中呢道菜，源於都喺個醬，泰式品牌辣醬「是拉差」夾蛋黃醬，唔知會有咩化學作用。
橙橙黃黃嘅醬汁，濃稠咁掛滿雞扒，雞扒採用雛雞，肉質嫩滑多汁已經無庸置疑，外皮甘脆，醬汁惹味有辣勁，但啲辣喺點到即止，唔太食辣嘅朋友都應該OK嘅；佢哋啲碟頭好足秤，有兩大件厚身雞扒之餘，配菜嘅款、量都多，而且，啲甘筍、翠玉瓜以香草炒過，茄子有啲似鰻魚汁燒，唔喺求其迤做，感受到一分分誠意。
唯一挑剔喺啲飯，雖然好有黃薑嘅香氣，黃薑本身又有抗氧化，但就腍得滯，應該水多，做成飯粒唔分明，喺美中不足之處。
松龍冠頂（松露扒大蝦配黃薑飯） +$20另一道菜式就揀咗扒大蝦，上到枱份菜真喺比預期大，淨喺4大隻虎蝦已夠吸晴觸目，配以松露忌廉汁，又幽香，又滑溜，真喺想叫經理俾多一小兜醬汁嚟撈飯；講開啲飯，如果黃薑飯唔啱食，問過經理喺可以轉改白飯！醉倚弄堂（桂花酒釀湯圓）最後喺「滋」，即喺甜品，因為主菜叫人食得好飽，所以，細細「杯」嘅桂花酒釀配芝麻湯圓就啱啱好。
個糖水底既有酒香，又散發出桂花嘅清甜，質感綿滑；兩粒芝麻湯圓小巧玲瓏，外皮軟糯，為整個午餐有個完美作結。
晚上，則主要喺做私房菜，聽經理講，都喺以套餐形式，同樣8道菜，分$488及$588兩個價位，私房菜以言唔算好貴，跟午餐一樣無需加一，不過，就要提早預訂。
而趁臨離開前再周圍望望，內裡有兩個廂房，亦可打通成為一個大房，私隱度提高，好適合一大棚人嚟有自己嘅天地。
晌「豐樂里」用餐確喺好寫意，服務非常好，侍應、經理都會晌適合嘅時間上菜、收碟，不緩不急，而不時又主動幫忙添茶。
兩道主菜嘅配搭見心思，味道有個性，而且，份量十足，有種初露鋒芒嘅感覺，舊同學已講定，有機會再搵同事嚟食晏。
但講明，如果你喺要平、要快，純粹填飽肚，依度絕對唔啱你！
我哋約咗成班中學朋友出嚟飯聚，難得今次唔帶BB仔囡出黎，可以食返啲「大人嘢」食過十幾間私房菜，有平有貴，今次就揀中高價位試試！揀呢間原因係之前有同事食過個lunch set，覺得幾好就推介俾我。
反正大家未諗到食咩好，就去試下佢地個$588餐。
難得個個靚媽都肯拋夫棄子一晚，一晚半晚食豪少少，當係慰勞下自己平時做嘢咁辛苦～要特別講下個menu，雖然設計就簡單左少少，但仔細睇每道菜都起左個好靚既名，同間餐廳裝修一樣好有懷舊氣息首先黎左前菜，宮保鵝肝配醬香明蝦。
鵝肝配微辣既宮保醬同酸甜既水蜜桃，真係好創新，入口有好多層次既味道。
醬香明蝦肉質爽嫩，入口香口之餘亦都保存到蝦既鮮味。
第二道菜，酸辣帶子素翅羹。
第一啖已經食到好多粒帶子，十分足料！酸辣既比例剛剛好。
飲完湯之後侍應妹妹比左杯青檸味雪皅，用黎清返個味蕾，貼心既安排。
主菜到！黑松露龍蝦配蟹籽沙律。
超大份 肉質同樣鮮嫩，不過個黑松露泡沫感覺太輕，唔夠味。
沙律頭一啖係好fresh，但落得太多dressing，但食多兩啖就有少少膩。
尾二既菜，食返清少少，豆漿胡蘆瓜。
第一次食呢個配搭，好有創意。
不過個汁太稀，如果可以好似茨汁咁就better。
而且⋯仲有少少炭燒味（煮燶左！？）最尾一道菜，蟹粉炒飯。
其實食完主菜個陣已經有少少飽，最尾仲要黎多個飯，對女士黎講可能真係太飽⋯ 不過飯炒得粒粒分明，配料多又有鑊氣，仲淋上好多超野味既蟹粉 最尾甜品係熱情果panna cotta，不過唔記得影相⋯ 熱情果醬好香甜，上面仲有少少椰絲，係好味既～但個人覺得個配搭少少怪，雖然係fusion菜，但前面都係中式野食偏多，如果可以配中式糖水/甜品就更加perfect。
整個晚餐環境好正，侍應們唔會成日走嚟煩住晒，地方又闊落。
成個套餐性價比真係好高，六百樓下（唔記得提，呢間野竟然唔洗收加一服務費！中高價食肆黎講真係罕見）可以食到鵝肝、大蝦、蟹粉⋯ 好適合大日子聚會
豐樂里餐單提供多國菜, 私房菜等推介美食位於中環區，餐廳座位數55人均消費約$401-800，結賬可以用Visa,Master,現金。
您對於中環餐廳「豐樂里」有何 comment？
豐樂里餐廳詳細資料：
- 豐樂里地址: 中環士丹利街60號明珠行13樓全層 Viral Fusion, 13/ F, Pearl Oriental House,60 Stanley Street, Central
- 豐樂里電話:
- 豐樂里價錢: $401-800
- 分類: 多國菜, 私房菜
- 座位: 55
- 付款: Visa,Master,現金
- FB專頁: 豐樂里 Facebook
更多豐樂里相關資料:
香港餐廳2026推介7月