熱菇喲 中環

熱菇喲 評價 相片

#小肥中環遊小肥難得有個空閒既假期日🤪適逢早前有朋友介紹呢間質素不錯吃😋鍾情日本菜既我倆🤩🐷🇯🇵還掂接隻喺中環返工既豬仔放工順便拍拖拖😚👫一於黎返尋味獎勵下自己同隻豬啦☺️🇯🇵呢度暴走東瀛風既居酒屋🏮🇯🇵😆微甜甚有蛋香玉子燒🥚🤤玉子厚厚的新鮮整起上枱仲出緊煙🤣🍳食落質感夠滑嫩Juicy唔會乾身之餘😆😋沾上份量剛好炸粉炸雞既唐揚雞食落唔會太厚粉之餘😋炸得剛剛好唔會太過燶乾哂身☺️肉質都算滑嫩Juicy添加檸檬汁更可解膩感之餘😋🐔以清酒慢煮既肥美蜆肉更帶出淡淡酒鮮香🤤但清酒味甚濃既湯底就未必個個都啱食啦🙈🍶如果味道啖返些少則更佳迎合到更多人口味😋🍶而肥美既廣島蠔配合濃香蔥段及調味燒香🤤👨🏻‍🍳🔥夠哂滑嫩Juicy之餘🤤🦪啖啖濃郁蔥香拌食更係我倆之大愛😆😋🦪🥬至於經炸香至酥軟口感既芝士年糕🔥😆Q軟口感既年糕配以濃郁芝香既芝士內餡🤤🧀邪惡又叫好🐷🤤😋重頭戲串燒系列當然最後先出黎亮相架啦🍢😋🔥脂肪比例均勻牛味郁香既一口A5和牛☺️🥩豚肉脂肪比例剛好唔會話太肥膩既蘆筍豚肉串☺️燒得有微微鹹香亦唔會太燶🐷🤤配合蘆筍一齊食亦中和肉味無咁漏😋免治雞肉串夠哂入味脂肪比例均勻之餘🤤🐔沾上溫泉蛋一齊食帶出更多鮮味😋至於我倆都愛好既大蔥雞肉串🐔🥬惟燒煮既時候應該火候太旺盛微微燒燶左啲🙇🏻‍♂️🍢🔥師傅下次輕手啲啲就好了🙈👨🏻‍🍳🔥整體上都滿意值得再嚐的😆😋🙇🏻‍♂️

「熱菇喲」聽個名其實幾得意，而實際上佢係一家日式居酒屋，店鋪內裝潢已經將各式各樣的酒品擺放出來，好有日本居酒屋的感覺。

餐廳位於中環SOHO區，但都留意到原來有提供lunch 定食，外賣自取更有買2送1的套餐優惠，認真岩哂係附近返工的上班一族。

🔷唐揚雞柳 💰68雞柳口感比想像中更要嫩滑多汁，雞肉有先用調味料及醬汁等醃製，所以非常夠味。

雞柳炸到金黃色澤，外皮酥脆香口而不油膩。

🔷玉子燒 💰88玉子燒的做法對卡比黎講都幾複雜，廚師將玉子製作得都香甜鬆軟，內部的蛋液滑流流而外部有厚實感，另外仲有配埋白蘿蔔泥。

🔷清酒煮蜆 💰118清酒煮蜆可以話係去居酒屋必點的菜式之一，其蜆肉係新鮮的連殻上，另外清酒經過煮熱後味道變得更加香濃，絕對係無懈可擊的組合。

🔷串燒🔻牛舌 💰58🔻A5和牛粒 💰58🔻免治雞肉棒 💰48🔻蘆筍豚肉卷 💰68🔻杏鮑菇 💰38🔻黑毛豚五花腩串 💰48串燒方面總括黎講其實都燒得岩岩好，不會太熟同時又鎖到肉汁，尤其是牛舌及和牛粒。

另外免治雞肉棒會配埋生雞蛋黃去沾黎食，非常juicy，雞肉入邊有撈埋類似雞脆骨的軟骨，多左層口感。

黑毛豚五花腩屬新出品的食物，油脂感相當豐富，仲食到豬皮的Q彈。

🔷燒鯖魚 💰88鯖魚本身油脂豐富且略帶鹹味，毋須再加入調味，直接煎香就已經足夠美味。

餐廳的燒鯖魚煎得外部香脆，吃上口以為會有好多骨卻不會，配埋醋汁及白蘿蔔泥同樣滋味。

🔷炒野菜 💰88換言之即是炒雜菜，以椰菜為主仲有D三色椒、洋蔥、菇菌類等，粉得香爽甜美，可以叫作色香味美的一道料理。

🔷稻庭烏冬(冷) 💰78稻庭烏冬的麵條呈扁長形，口感為煙韌彈牙同時亦非常滑溜。

食烏冬時配埋鵪鶉蛋黃、白蔥及芥末等，可以混合埋醬汁食之會更滑溜。

今晚去蘇豪食串燒飲啤酒減減壓，這間居酒屋店名是用日文翻譯的，環境細細，座位不多。

主打食串燒，另外會有佐酒小食，一品料理，燒物及一系列熱菇推介等提供。

我地點了熱菇推介的燒廣島蠔($68/pc)，燒完没有變蠔豉，仍然大大隻，脹卜卜的，鮮甜肥美。

熱菇推介的黑毛豚肉壽喜燒野菜盛，主角黑毛豚肉片有5大塊之多，肉質超嫩滑，配上大蔥、冬菇、本菇，豆腐及蔬菜，湯底跟一般做法一樣是甜甜的，還有壽喜燒必有的生雞蛋，將豚肉沾上蛋液，肉質更滑身。

因為串燒即叫即燒，大家要有耐性啊。

阿波德島雞胸軟骨串($58)，只需灑上少少鹽已經夠味，比平時食開的雞軟骨比較多肉食，軟骨部位有更好的咬口。

燒牛舌($58)，厚身，牛味濃，肉質鬆軟多汁，必食。

蘆筍豚肉卷(68)，用上薄薄豚肉片卷上嫩身無渣的幼身蘆筍，灑上黑椒，好味。

來自鹿兒島的薩摩赤雞腩($68)，肉質結實有彈性，没有太多脂肪，比較健康。

免治雞肉棒($48)，雞肉棒內有軟骨，口感爽口，再點上生雞蛋的蛋汁，令口感更嫩滑！食串燒必點雞翼，這裡的雞翼標榜是無激素($48)，感覺健康。

大葱雞肉($38)，醬燒過的雞肉仍然嫩滑，而醬燒過的大葱會變得甜甜的，比雞肉還要好食。

要湊下米氣的朋友，就可以點一個燒飯團，將醬汁塗上飯團一齊燒，燒得脆脆的，似飯焦般。

早前看見朋友來過這間串燒店，看到她的相片被吸引了來試試。

這間餐廳在中環蘇豪區較高的位置，如果搭半山電梯上的話，過了大館再搭多一段!餐廳不是很大，但有室內各室外的位置。

餐牌上有串燒、燒物、小食和一品料理可以選擇!雞泡魚乾，這裡的雞泡魚燒得較淋身，不會太硬，燒時已在表面塗上醬汁，甜甜的，再配上沙律醬，味道更鮮味!牛舌、薩摩赤雞心、免治雞肉棒，牛舌都算厚切，鬆軟juicy!雞心夠爽口，口感不會太硬!而免治雞肉棒一向都好中意食，雞肉棒內有軟骨，再點上附有的生雞蛋配甜豉油，口感非常豐富!薩摩赤雞翼、無激素雞翼，前者是有雞翼尖的，而後者就沒有。

兩者雞皮燒得很脆口，調味都很夠，雞肉嫩滑又juicy，配上檸檬汁味道更惹味!薩摩赤雞肝、雞皮，雞肝配有洋蔥，面頭塗上甜燒汁，味道不錯!雞皮燒到脆卜卜，像吃薯片，佐酒一流!清酒煮蜆，份量都不少，酒味濃郁但很清甜，蜆肉脹卜卜，鮮甜又多汁!燒海老，蝦都幾大隻，蝦肉爽口彈牙又鮮甜，蝦頭位置有蝦膏，而且鹽味足夠，非常惹味!燒粟米，有一整條，但已分開一半，粟米清甜又爽口，還塗有燒汁，令味道更甜!烏龍茶、可樂，食串燒飲烏龍茶可解膩，飲可樂又更回味!這間小店的食物不錯，有機會想來試試這裡的午餐!

🍢日式串燒小店位於soho半山區，由地鐵站行上去要用啲腳力😂。

餐廳面積雖少，裝修富有日本特色，以木和布廉做佈置🎐，用幾十支貴價sake做擺設🍶，餐廳最入面更有3枱位置在outdoor，好有氣氛😊。

.🐟比目魚西京燒💲188燒得色澤好靚好均勻🤩，外皮好香脆，比目魚魚肉非常嫩滑，油份量剛剛好😋。

.雞泡魚乾💲88.🥚玉子燒💲88四四方方煎得好靚又挺身，蛋既質地好順滑，火喉同時間都拿攝得好好👍🏼，不過味道比較甜。

.🍲清酒煮蜆💲88用料上盛 蜆好新鮮，粒粒蜆肉都漲卜卜又鮮甜🤩，個人覺得清酒湯底凍左更好飲，好清甜😋。

.👅牛舌x2💲58 / 14粒牛舌為一串，粒粒都好有厚度，牛味香濃，咬落好有彈性又juicy👍🏼。

.薩摩赤雞心💲48. 🌾枝豆💲38即叫即烚，上面撒了少少鹽就已經帶出到味道。

.雞軟骨💲38.🐥雞皮💲38燒到好乾身，好香脆可口😋，油份都燒走哂，完全唔覺油膩。

.雞腎💲38.🍙燒飯團💲38估唔到係咁好食😳， 將飯團表面燒到變食飯焦，非常香脆，裡面有木魚碎去調味增加味道，外面再有紫菜包住食，口感豐富👍🏼。

.🌽粟米💲38粟米燒得超靚😍，牛油味好香濃，粒粒爽口又清甜。

.🍺黑啤💲88 / 380 ml麥味濃郁，入口口感順滑😋。

————————————————價錢：💲1025 / 2ppl味道：😋😋😋😋環境：✨✨✨✨✨服務：💁🏻‍♂️💁🏻‍♂️💁🏻‍♂️💁🏻‍♂️💁🏻‍♂️賣相：📸📸📸📸等待：0 mins (7pm)回頭率：70％📌 餐廳面積雖小，但仍然設有2個洗手間😊🚻🚾📌 侍應好有禮貌，老闆都好好傾😆

熱菇喲餐單提供日本菜, 串燒, 居酒屋等推介美食位於中環區，餐廳座位數未知人均消費約$201-400，結賬可以用Visa,Master,AlipayHK,支付寶,現金,八達通,AE,銀聯,JCB,Apple,Pay,微信支付，Booking訂位可以電話致電 69903882 查詢。

您對於中環餐廳「熱菇喲」有何 comment？

熱菇喲餐廳詳細資料：

• 熱菇喲地址:
  中環蘇豪士丹頓街21號地舖
  Ikuyo, G/ F,21 Staunton Street, Soho, Central
• 熱菇喲電話: 69903882
• 熱菇喲價錢: $201-400
• 分類: 日本菜, 串燒, 居酒屋
• 座位: 未知
• 付款: Visa,Master,AlipayHK,支付寶,現金,八達通,AE,銀聯,JCB,Apple,Pay,微信支付
• FB專頁: 熱菇喲 Facebook

更多熱菇喲相關資料:

• 熱菇喲分店
• Youtube
• Facebook
• Twitter
• Google