十二味 中環
地址: 中環德己立街21號地舖
最後更新:
十二味推介
我們相信所有的美好的東西是可以被分成十二份的。「十二」這個概念可以詮釋一個完美的輪迴，就像鋼琴有七個白鍵五個黑鍵，加起來是等於「十二」一樣。 「十二」不僅是一個數字，更多的是一份美好，一個永久流傳的傳奇。「十二味」想將「十二」這個數字同餐飲結合起來，打造一種好味道，一種能像「十二」一樣恒久流傳的味道。
中環十二味
| 餐廳分店 | 十二味 |
|---|---|
| 地區 | 中環 |
| 電話訂位 | 63660242 |
| 餐單 Menu | 川菜, 四川, 中菜館 |
| 人氣指數 | 851 |
| 價錢幾錢 | $101-200 |
十二味訂位位於中環區，詳細地址是中環德己立街21號地舖，餐廳寬敞座位數目共有未知幾多個。十二味幾錢？價錢優惠後人均消費大約$101-200埋單，早餐午餐晚餐十二味餐單包括有川菜, 四川, 中菜館等美食，付款方式有AlipayHK,支付寶,現金付款，Booking網上訂位可以電話致電 63660242 查詢訂座。
十二味優惠
十二味 評價 相片
疫情下嘅新開餐廳，真係需要支持下🥳位處中環嘅中心位置，非常方便，再加上餐廳主打香辣嘅川菜，係逐漸寒冷嘅天氣下食番個暖身嘅辣鍋，真係人生一大享受🤭餐廳有兩層，除左地舖一層，仲有地牢，裝修超靚，行現代風，大玩燈光同霓虹燈，稍稍貼合附近蘭桂坊嘅酒吧風格🍻講番野食，話明川菜，都係香辣風格居多，我同朋友就叫左經典香辣鍋，香辣鍋係自選配菜，最少揀5款🤗我地分別揀左蓮藕、午餐肉、椰菜花、金錢肚同寬粉，份量非常充足，味道上雖然我地叫左小辣同小鹽，但都惹味非常，麻同辣都掌握得好好，見到香辣鍋用上好多不同款式嘅辣椒、花椒，非常足料，值得一提係蓮藕真係必點，脆口帶清甜，對上麻辣係一絕😋另外仲點左乾煸四季豆，CP值滿分，肉沫香、四季豆新鮮脆口，最重要係份量足啊，對於我一個超愛四季豆嘅人係👍🏻👍🏻👍🏻再者飲品都好岀色桂花冰釀走清甜路線，內裡有桂花提味亦有酒釀嘅米粒，係解辣嘅良品😛欲望酸梅則係類近酸梅湯，非常大杯，黎到時服務員仲話好抵飲架🤣雖然已經食得超飽，但都要再點個冰粉🤣冰粉都係行清甜路線，主要都係為解辣同清口氣而設，為里個火辣晚餐畫下完美句號🥰
今日去咗中環朝拜一間新開日本公司，之後諗唔到食咩就求其行左去蘭桂坊食川菜，基本上都唔使排隊因為疫情期間都少咗好多人出街食飯，所以好快就坐低咗。
餐廳係用QR code自助落單，但係會員就有兩款，一款係普通會員需要儲夠一定消費量先可以有折扣，另一種就係購買VIP會員就可以即時有現金券使用，我哋就只係做咗普通會員。
人見人愛酸菜魚配薯粉 $276川菜我哋兩個就最鍾意食酸菜魚，見隔離枱果一份酸菜魚好大份，我諗我哋兩個食一份酸菜魚都已經好夠飽，所以就淨係叫咗招牌菜酸菜魚加薯粉就夠啦。
佢有幾個辣度可以選擇，不過我哋驚會好辣所以淨係叫咗少辣，上菜嘅時候真係好大份，而且都好足料魚又唔會好腥，花椒同埋辣椒唔會過份地多，呢一個真係值得加分，因為每次好怕食琴成日都係花椒而整到個口好麻。
薯粉份量好多，兩個人真係好夠飽。
椒麻牛展 $58牛展相對上就冇咁有驚喜啦，不過肉同脂肪嘅分佈啱啱好，食落唔會有好乾嘅口感。
雖然份量唔係好多，但係作為小食都好夠同埋嗰一個辣到真係啱啱好。
桂花冰雕 $28桂花味好重，建議係奧運咗先好飲，因為驚佢最後有啲發酵嘅味道沉澱左落最底，呢一款係冇酒精嘅桂花冰雕，未飲過嘅朋友都可以不妨一試。
幺妹兒冰粉 $26冰粉相對上清清地，當係小小嘅甜品都好唔錯，再加埋佢嗰啲提子粒，整個感覺都好fresh。
Overall黎講，都好對得住個價錢，二百幾蚊嘅酸菜魚感覺上好似貴咗啲，但係佢真係好大份而且好足料所以我哋覺得都OK。
下次再幫襯真係可以試吓乾鍋同埋其他嘢食，因為今次實在太大份酸菜魚我哋都差啲食唔晒，唔敢叫其他嘢食。
收工Chill一Chill，平時日餐、韓餐、西餐、泰餐、越南餐等食得多，想搞吓新意思，食啲平時好少食嘅野，同Friend子見到間川菜，好近中環地鐵站，行出去三分鐘就見到，決定一試扮吓辣妹子！入到去點左三個餸，一黎到O咗嘴，有驚喜，碟碟餸都好巨，King Size,份量十足，開始懷疑兩個人叫三個餸會唔會食唔曬😂 😋酸菜魚 $276有唔同辣度可以選擇，魚肉好滑，無魚骨，啱晒要食得優雅嘅我地，用料十足，好多酸菜，仲要個湯係飲得㗎，麻辣加酸咩咩嘅感覺好正，酸菜魚唔止得酸菜同魚，入面仲有寬粉，又滑又彈牙，簡單啲嚟講係一個King Size麻辣魚肉酸菜粉，食得好滿足☺️ 😋川香回鍋肉 $98回鍋肉大家都應該食唔少，但呢個回鍋肉會畀到少少唔同嘅感覺畀大家，唔係平時食開果種小小肥美嘅口感，廚師大哥刀工唔錯，切得好透薄，炒得好乾身，有啲脆口嘅感覺，啱曬鍾意食香口嘢嘅人。
😋酸辣土豆絲 $78係我見過最大碟嘅土豆絲系列😂，一嚟到嚇一嚇，會唔會巨左啲，開餐夾嚟食又另一個驚喜，爽口兼有麻辣香
最近好似邊度都見到十二味嘅分店，今日開open rice app睇吓附近有乜嘢好嘢食，結果又見到十二味，於是我覺得緣份到了，係時候要去幫襯下！一條斜路直上， 門口好易認。
因為一望入去啲隔板全部都係熊貓。
每兩個位都有一塊隔板隔住，防疫意識夠曬高！因為我哋去食嘅時候唔多人，侍應姐姐好好咁幫我哋拆咗中間塊隔板，等我哋可以坐得舒服啲😊😊要用電話落單口水雞嘅份量都唔少，雞件肉夠嫩，有彈性😋燒椒皮蛋個皮蛋係黃色㗎！我覺得黃色嘅皮蛋個味冇黑色皮蛋咁濃，非常適合做涼拌！我最期待嘅香辣鍋😍呢度個叫法係揀咗favor 先，然後好似車仔麵咁加餸。
我揀咗經典香辣鍋，配料部份揀咗午餐肉、花椰菜、萵筍、寬粉、蓮藕同娃娃菜。
強烈推介一定要食寬粉！因為寬粉索味又煙韌，簡直係呢個香辣鍋嘅靈魂😋😋上枱嘅時候先知道原來佢嘅份量勁多，我同我朋友冇停過手係咁食，食咗半個鐘都仲有半碗。
而我哋都已經飽飽地，好彩我哋冇係一開始落單就落埋甜品，因為我哋食完主菜都已經好飽，所以唯有下次先再試佢個紅糖糍粑啦😊
天氣開始轉涼，想係食川菜嘅心蠢蠢欲動！中環開咗十二味幾個月，幾次行過都見幾吸引，今晚就同一位嗜辣嘅朋友去試試🤤店內裝潢新潮又帶少少古風，檯同檯之間都有一定距離，坐落都幾舒適「民以食為天」👏🏻👏🏻👏🏻我地叫咗個經典香辣鍋，可以揀五種配料選擇都唔少㗎，我地揀咗蓮藕、花菜、金錢肚、午餐肉同寬粉辣鍋香料味好勁我地揀咗少辣少鹽，都已經好夠味所有配料都吸晒啲香辣味，配埋滑溜嘅寬粉真係好暖胃乾煸四季豆$78好大碟肉燥粉至乾身香口，四季豆新鮮又爽口嗌碗飯一齊食好好胃口！食邊爐/辣嘢一定要飲嘅酸梅湯咁大杯都只係$28, 超值之選桂花冰釀店員提醒斟出嚟之前搖一搖酒瓶，飲嘅時候果然有粒粒原料，帶微微清甜同香氣冰粉可以話係川菜甜品嘅代表作食落質地清爽輕盈，糖水帶微微桂花嘅香甜落下層嘅樓梯，都設計得幾有風格
十二味餐單提供川菜, 四川, 中菜館等推介美食位於中環區，餐廳座位數未知人均消費約$101-200，結賬可以用AlipayHK,支付寶,現金，Booking訂位可以電話致電 63660242 查詢。
您對於中環餐廳「十二味」有何 comment？
十二味餐廳詳細資料：
- 十二味地址: 中環德己立街21號地舖 Twelve Flavors, G/ F,21 D' Agular Street, Central
- 十二味電話: 63660242
- 十二味價錢: $101-200
- 分類: 川菜, 四川, 中菜館
- 座位: 未知
- 付款: AlipayHK,支付寶,現金
- FB專頁: 十二味 Facebook
更多十二味相關資料:
香港餐廳2026推介7月