Yummy Noodle 中環

Yummy Noodle 評價 相片

中環聚滿上班一族的商業區，買lunch最緊要快靚正。

12:49分付款出單，企埋一邊等631的叫號等到叫64X，問一問會唔會漏左單，門口四眼呀姐應都唔應你，睬都唔睬你。

企埋一邊繼續等，631的叫號等到叫65X，再問可唔可以睇下呢個單係咪漏左，依然應都唔應你，睬都唔睬你。

631的叫號等到叫66X，我再問係咪漏左我張單，終於肯拎我張飛入舖頭睇，執餐姐姐即刻嗌入廚房出個海南雞先，我望實門口個呀姐再問一次咁係咪即係漏左我張單，呢個四眼呀姐大大聲喝一句「得啦！一陣比你啦！」唔知係咪見你OL斯斯文文唔會同佢嘈，總之點都唔同你講一句sorry。

最後1:24分先拎到個餐，買外賣等左接近40分鐘，一肚氣飽住返office，返到去飯都唔想食。

題外呢間舖頭逢星期三有八折是真的，不過加左價之後再打個八折比你，即係冇平過，但就吸引到更多人光顧。

附上2張收據作比較 星期三同星期四買同一個飯，價錢係一樣的，打單打法唔同咁解。

是次經驗擺上黎比大家參考，各自判斷去唔去呢度買lunch了，食過中環的大排檔都幾有禮貌，至少唔駛受氣。

原來逢星期三全日八折，計落真係好抵喎。

以後，逢星期三一定去幫襯，雖然我好怕排隊，好彩佢哋都幾快，一陣間就攪掂！老實講，口味嘅嘢，我話好味，你未必鍾意，但這個價錢，有咁嘅嘢，我覺得算非常好！

今日lunch有事經開中環，於是決定在這裡食埋午餐，見到這間價錢幾抵喎$38，中環好少有咁平(我覺得），今日個午餐又幾啱我食，於是入了去試吓，叫了日式牛脷飯，幾多牛脷又淋，好入味，幾多汁，撈飯一流，切到細細粒，食得方便，仲有幾條菜，均衡飲食，飯的份量剛剛好，雖然唔包飲品，但覺得也ok，會再幫襯.

本身最近都好少機會出去食，咁岩係果邊做開野，就去左搵間野食Lunch.本身都唔係抱好大期望，事但搵間野食下，咁就叫左個清湯腩河跟蘿蔔。

但估唔到佢個腩又幾正，有咬口，唔會太淋又唔會太硬，份量都唔少，星期六食果時仲有8折，四十零蚊有野飲既話係中環都叫平嫁啦。

不過蘿蔔就唔係咁好食，得苦味而無清甜既味道，仲有少少根，不過份量黎講都叫做唔少嫁啦。

總結黎講普普通通啦，中環呢個價位都唔要求得咁多啦，咁岩果邊做開野既唔洗再食連鎖餐廳啦！完。

最低消費$40既車仔麵，一個麵底+3個餸岩岩好$40，今次我就簡左河粉+豬紅+芝士腸+餐肉，份量好足，芝士腸同豬紅都有3舊，餐肉就2塊，味道就正常，始終車仔麵都冇咩技巧，點都唔會難食，午餐肉同湯底都唔鹹，不過河粉就黏埋一舊，好難先分得開

Yummy Noodle餐單提供港式, 粉麵, 米線等推介美食位於中環區，餐廳座位數未知人均消費約$50以下，結賬可以用現金，Booking訂位可以電話致電 25369091 查詢。

您對於中環餐廳「Yummy Noodle」有何 comment？

Yummy Noodle餐廳詳細資料：

• Yummy Noodle地址:
  中環昭隆街10號6至7號舖
  Yummy Noodle, Shop6-7,10 Chiu Lun Street, Central
• Yummy Noodle電話: 25369091
• Yummy Noodle價錢: $50以下
• 分類: 港式, 粉麵, 米線
• 座位: 未知
• 付款: 現金
• FB專頁: Yummy Noodle Facebook

更多Yummy Noodle相關資料:

• Yummy Noodle分店
• Youtube
• Facebook
• Twitter
• Google