Spiga 中環

Spiga 評價 相片

放假又係時候要獎勵下自己😌同朋友講開想食buffet但又唔想去酒店食咁貴俾我搵到呢間食意大利菜嘅brunch buffet🌟Salads & dessert buffet ($238)Brunch buffet主要有多種cold cuts, cheese同沙律當日有3款芝士，3款cold cuts，2款湯，4款餅乾麵包，十幾款冷盤沙律同8款甜品Buffet方面Ricotta cheese同mozzarella都有調過味就咁食或者加落沙律食都好啱沙律選擇多 特別係有我最鍾意嘅baby spinach同rocket亦有最大路嘅凱撒沙律同希臘沙律除左沙律仲有唔少種類嘅pickles有一個係小紅椒包住芝士同橄欖 一啖包含晒咸酸辣味幾得意湯有2種分別係豆蓉湯同薯仔湯豆蓉湯豆味濃郁 但完全冇草腥味冷盤方面seared tuna亦做得唔錯赤身獨有嘅濃郁鮮味加上煎香嘅四邊 一次過食到生同熟呑拿魚嘅味道如果唔夠喉想再食其他pasta pizza加幾十至百幾蚊就得我地就叫左嗰煙花女意粉店員好細心 會問想幾時上菜我地揀左食完first round buffet先上而佢哋又真係預時間預得好好👍🏻食完頭一round就送上熱辣辣嘅意粉🌟Spaghetti Puttanesca (+$48)Menu寫左係vegan所以意粉冇落anchovies橄欖同酸豆份量多 令茄醬非常惹味意粉非常掛汁 口感keep到al dante嗰種煙韌至於甜品方面班蘭椰子撻同蘋果撻比較有驚喜班蘭椰子撻嘅班蘭香氣誘人 而椰子味不會太濃 balance非常好蘋果撻用左果酸味重嘅蘋果 加上撻上的茶味忌廉 清新而不膩另外有vegan brownie 口感保持到濕潤但略嫌朱古力味唔夠濃粉紅色嘅玫瑰mousse泡芙都唔錯整體來講食物質素高 食物refill得快唯一有微言嘅係buffet唔包飲品所以我同朋友都加左$38 free flow sparkling water餐廳環境舒適 服務員幾細心👍🏻加水唔會過密阻住傾偈

星期日book咗1:00pm 2位去，因為星期日特別有海鮮供應 所以價錢稍貴，每人$418 另需加1。

但所謂海鮮都係有生蠔、蟹腳、龍蝦、蝦、青口等，貌似好多選擇，實則去到眼見全部都係得返d殻，蟹腳、龍蝦全部似餸頭餸尾，完全無肉。

只有超少量生蠔，同大量似放左好耐嘅蝦同青口無人問津。

其他冷盤都尚算可以，沙律、芝士、ham等都正常發揮，但收$418 完全不值回票價，眼見其他人都只好再叫main去搭救，十分無奈。

熟食選擇唔多，唔叫main根本無野好食。

坐到2:00多，眼見餐廳完全零意欲refill海鮮，但我地完全都未點樣食過海鮮，便親自詢問職員海鮮類會否refill，無奈竟答覆話出面未食哂唔會refill，亦話已經唔多人需要食，十分無奈！難道我地1點黎就唔需要食嗎？全部都係似係食淨，d海鮮仲要無乜肉，點食呀？最後餐廳肯再次refill，結果refill完都係無肉嘅🙄其實一Refill完仲要有唔少人出去拎，可想而知唔係無人食，係根本無得揀！！個個都揀黎揀去揀唔到。

。

仲要收碟收得好慢，職員多次跌爛碟，呢到跌個到碟，勁唔專業。

全餐最正常，最值得加許嘅係甜品，不算甜亦有水準，但無奈我地食到2:45pm已經收哂所有食物，其中一位職員好好地係廚房拎返各甜品一件比我地先有得食，但整個體驗都好差。

埋單計埋支still water一個人$500但唔知食左乜野！奉勸大家如果係想食Sunday seafood brunch, 請去其他餐廳，呢個價錢大把選擇！！

Spiga的午餐可以選擇只有頭盤和甜品的Light Buffet, 又可以加個意粉, 薄餅或肉類的主菜而成為一個SemiBuffet. 價錢最多三百多元, 以中環食意大利菜餐廳來說不算太貴, 特別是它找了米芝連八星大廚Enrico Bartolini作監製, 單是他在米蘭MUDEC藝術館的本店就已拿了三星, 畢竟這以是一個好好的廣告. 順帶一提, 山頂的意大利餐廳FIAMMA也是由Enrico監修, 當然也是由同一間本港公司屬有.老實說, SemiBuffet能Fine極都也有個譜, 但我會說頭盤的食材也有不少可取之處, 特別是火腿, 芝士及吞拿魚. 每樣選擇不會太多, 但這些的質素絕對對得住午餐的價錢. 例如芝士除了Parmesan及Mozzarella外, 也有Ricotta, 味道由鹹到甜, 輕到重, 口感柔軟到硬的層次度三者也相當不錯. 主菜是Aglio e olio, 也就是香蒜橄欖油意粉, 用上蜆和烤過的麵包粒作配菜, 味道鹹鮮, 口感彈牙之中帶脆口, 如果汁料的份量少一點就更加完美. 另一道主菜是煎慢煮雞脾肉, 雞脾肉口感嫩滑, 雞皮同樣煎得香脆, 配菜紅椒及粟米清新, 加上煙肉添了咸香和油香, 說不能說是驚為天人, 但水準不錯, 最重要是食得很飽足.

呢度既brunch buffet星期一至日都有供應，不過星期日因為有海鮮既關係,價錢會略高。

我星期六去，buffet area價錢係$238，main course另加錢。

飲品方面free flow sparking / still water $38 一位buffet 無包括餐飲，需加$30 一杯由於沙律吧甜品陣容都唔少，所以我地2人只加點一份pizza。

簡單講一講有咩食啦基本既Ham，cheese，沙律菜都有幾款。

湯有蕃茄湯，磨菇湯兩款，配上幾款麵包。

小食有嫩煎金槍魚，煙三文魚，洋薏米沙律，青汁螺絲粉等等每樣食物都補得好快。

加點左$58 Pizza alle acciugh，每一件平均鋪上亞枝竹，鯷魚 mozzarella 一口咬下去充滿咸香味一人食一件pizza已經唔敢再食，怕吃不下甜品甜品有7款，黃色水泡形係熱情果做既Exotic pillow, 紅色既raspberry cremeux微酸帶甜既cream唔會有滯感 Caramel nuts tart 唔好睇佢細細個,都包含左南瓜籽,杏仁, 好香脆最中意Tiramisu，朱古力既外殼包住仲有生果粒粒，細細粒容易食～

星期五既lunch 黎到食semi buffet裡面裝修都唔錯 環境好舒適 佢個semi lunch buffet其實唔洗叫主菜都已經夠飽 佢既cheese同ham非常唔錯 成舊cheese加上切到細細舊方便你拎 由於個semi buffet已經飽飽地 所以整係加左個cheese pizza 薄pizza+上重重既芝士同蕃茄醬 正待應仲好好提醒我地可以出去拎ham加上去甜品方面幾有驚喜 酸酸甜甜 好岩飯後食 雖然朱古力個個比較甜 但係都係可接受範圍 甜品 ham 同cheese 都係我比較有驚喜既地方 加上環境氣氛好chill 有機會會再黎～

Spiga餐單提供意大利菜等推介美食位於中環區，餐廳座位數128人均消費約$401-800，結賬可以用Visa,Master,AlipayHK,支付寶,現金,AE,銀聯,OpenRice,Pay，Booking訂位可以電話致電 28710055 查詢。

您對於中環餐廳「Spiga」有何 comment？

Spiga餐廳詳細資料：

• Spiga地址:
  中環皇后大道中31號陸海通大廈3樓
  Spiga, 3/ F, L H T Tower,31 Queen’s Road Central, Central
• Spiga電話: 28710055
• Spiga價錢: $401-800
• 分類: 意大利菜
• 座位: 128
• 付款: Visa,Master,AlipayHK,支付寶,現金,AE,銀聯,OpenRice,Pay
• FB專頁: Spiga Facebook

更多Spiga相關資料:

• Spiga分店
• Youtube
• Facebook
• Twitter
• Google