Sogno Cafe+ 中環

Sogno Cafe+ 評價 相片

今日約左個朋友中環食飯想搵個地方可以慢慢坐下嘅所以搵左間cafe呢度氣氛好舒服有啲好可愛嘅擺設公仔充滿童心店員見到我咁開心周圍影相都好樂意同我介紹分佈左喺不同角落嘅公仔添！我地揀左一人一個主食再share一個麻糬窩夫超期待的！我揀左賣相超靚嘅雲朵黑松露煙肉長通粉雲朵係已調味嘅蛋白輕輕盈盈上面仲裝飾左幾隻小可愛好似喺雲中遊玩咁～黑松露醬幾香長通粉有咬口，即使配忌廉都唔會好膩而且雲朵蛋白可以拌入長通粉入面作調味滑不溜口朋友嘅南蠻炸雞蓋飯超大碗炸雞堆到成座小山咁！炸雞嫩滑配上酸酸甜甜醬汁超下飯小食關東煮腐皮蘿蔔亦值得一讚滷得相當入味雖然都已經有啲飽但見到麻糬窩夫又忍唔住了🤪呢度係open kitchen但都唔會好大油煙或者好焗反而可以聞到好香嘅食物味！尤其係我叫嘅窩夫傳黎陣陣蛋香～點飽都要食埋佢！麻糬窩夫相當出色有麻糬饀所以更有咬口配上焦糖脆脆粒好好味！份量超大勁滿足！仲有杯double chocolate 濃而不膩唔會過甜唔錯！

⛅️有這麼多微笑著的雲朵公仔⛅️跟我一起開餐💗心情真的特別好🥳 這間咖啡店位於中環區，店內有多個Fluffy House公仔擺設，配合簡約少女風裝修，好適合打卡！ 除了有主食丶意大利麵丶沙律，這裏的輕食丶甜點也很吸引呢◾️ 牛油果煙三文魚荷蘭BB蛋Pancake $ 98 以小鐵鍋奉上，端上來時熱烘烘的🤤賣相好精巧喔～煙三文魚和🥑牛油果混合了荷蘭醬好滋味，醬汁濃稠～充滿牛油果香，Pancake 底像麵包質地 ，口感鬆軟，好喜歡💗◾️朱古力半熔麻糬Brownie $78是店家的新品💗朱古力迷一定大愛喔🥳同樣以小鐵鍋奉上， Brownie 拌以麻糬丶冰淇淋和少少杏仁片～熱度讓麻糬變成半熔拉絲～Brownie中間還有濃郁的朱古力流心，整個組合太棒了👍🏼份量挺大的，覺得2個人開心share剛剛好◾️Smoothie: little red hood $45是玫瑰士多啤梨乳酪～即叫即打💗粉紅色調充滿少女心🎀 上面有玫瑰花瓣作點綴，美美的～喝下去非常順口，玫瑰香氣很突出👍🏼

之前中午黎食覺得佢好食而且性價比高，所以就相約左朋友收工黎呢度食晚飯順便聚一聚。

夜晚時間，呢間cafe并不多人，而且沒有dinner set，價錢上面屬於貴而不飽。

值得提一提係佢啲餐具十分污糟，對於呢種小型cafe黎講相當扣分。

當晚叫左3樣野食，平均250蚊一個人。

如果我再黎食只會選擇中午黎食，因為佢有lunch set，雖然環境麻麻，但價錢相對可以接受，大概150蚊一個人。

如果有興趣既人可自行考慮。

強烈建議cafe改善餐具污糟問題！

📍中環童趣可愛cafe‼️· 招牌雲朵長通粉☁️ Sogno Cafe+☕️💛·Follow @pigfoodiexhk for more food!🐷💛#pigfoodiexhk_中環#pigfoodiexhk_cafe=======================第二次嚟sogno cafe啦，今次同朋友下午茶時間嚟，人流無咁多，環境靜少少可以傾下計💓食物方面終於試到佢哋嘅招牌雲朵意粉‼️⭐️雲上雲黑松露煙肉長通粉 $118 (7.2/10)賣相好吸引好有gimmick!!😆食落黑松露味頗濃郁😍長通粉煙韌有咬口🤩加埋煙肉好夠鹹香💕⭐️朱古力半溶麻薯配海鹽雪糕 $78 (7.4/10)勁邪惡嘅配搭！😍brownie焗過後好似心太軟咁，面頭微脆，中間有少少流心，味道香醇濃郁🤩加埋海鹽雪糕一冷一熱好正！😍⭐️日式鰻魚明太子玉子燒 $78 (7.2/10玉子燒口感嫩滑，蛋香濃郁👍加埋明太子同紫菜令鹹香更為突出🤤如果鰻魚再肥美啲就更好啦！⭐️芝士奶蓋鮮牛油果沙冰 $68 (7/10)芝士奶蓋好smooth~飲落奶味較突出，會略甜🙈但個人幾中意杯沙冰有原塊牛油果😆整體嚟講食物唔錯，份量夠多～下午茶同朋友嚟傾下計放鬆下都係個唔錯嘅選擇🤩賣相：7.5/10味道：7.2/10性價比：6.8/10回頭度：6.8/10店舖資料名稱：Sogno Cafe+地址：中環威靈頓街97號威利大廈2樓D室前往方法：香港站C出口

星期六同男朋友去左間中環Cafe食晚餐。

呢間用QR code落單，佈置有心思，走可愛風。

我叫左一樣鹹食，其它都係甜既，可惜牛奶麻糬售罄，無緣食到。

黑松露牛肝菌海鮮燉飯無可挑剔，份量夠大，食得飽之餘，十分足料，啖啖都食到海鮮，有蝦、青口、帶子、蟹籽，仲有菇，而且燉飯軟硬適中，加左芝士，增添美味程度，正呀。

跟鹹食配飲品平啲，加$38叫左杯Double Chocolate。

Double Chocolate係smoothie，打得幾幼滑，朱古力味濃郁，甜甜的味道，好飲。

海鹽麻糬窩夫配雪糕雪糕揀左奶茶味，幾軟滑，味道又出。

窩夫加左麻糬令到口感變得煙韌，好鍾意有呢種QQ既口感，美味可口。

伯爵茶戚風蛋糕(黑糖忌廉)超級鬆軟又濕潤，伯爵茶味香濃，真係無得輸，叫左一定唔會後悔。

Sogno Cafe+餐單提供西式, 咖啡店, 樓上cafe等推介美食位於中環區，餐廳座位數30人均消費約$51-100，結賬可以用AlipayHK,支付寶,現金，Booking訂位可以電話致電 27579878 查詢。

您對於中環餐廳「Sogno Cafe+」有何 comment？

Sogno Cafe+餐廳詳細資料：

• Sogno Cafe+地址:
  中環威靈頓街97號威利大廈2樓D室
  Sogno Cafe+, Flat2 D,2/ F Welley Building,97 Wellington Street, Central
• Sogno Cafe+電話: 27579878
• Sogno Cafe+價錢: $51-100
• 分類: 西式, 咖啡店, 樓上cafe
• 座位: 30
• 付款: AlipayHK,支付寶,現金
• FB專頁: Sogno Cafe+ Facebook

更多Sogno Cafe+相關資料:

• Sogno Cafe+分店
• Youtube
• Facebook
• Twitter
• Google