Sodam Chicken 中環

Sodam Chicken 評價 相片

今日星期六，我們一家人路過中環雲咸街，阿哥和細佬發現了Sodam Chicken，嘩!炸雞，他們的最愛，便毫不猶豫走入去坐低。

冇辦法啦!年青人就係喜歡吃香口的食物，真系愈病愈要食。

睇下個餐牌，圖片清晰，又係真係好多種唔同嘅炸雞和焗雞，仲有湯鍋、薄餅、沙律、炒年糕、小食、飲品和套餐可以選擇，價錢都合理。

Sodam Chicken分為兩層，有不同的座位，上層有落地玻璃窗，很光猛和開揚，室內裝飾有木吊扇和工業燈，簡單舒適，最適合傾計和閒談。

服務員招呼也很好，好快便能配合客人的需求提供服務。

韓風紫菜焗雞，單是賣相已經攞足滿分，顏色金黃不油膩，雞肉嫩滑又唔會太乾身，味道啱啱好，配上紫菜惹味香口，吃完還想再吃。

我自己就喜歡蜜糖芥末炸雞，香脆的外皮帶著甜甜的蜜糖，裡面是嫩滑多汁的雞肉，吃上一口已愛上了它，真是極品啊!份量都很大件，而且是無骨的，啖啖肉，吃起上來非常滿足!還有一款是雙重芝士炸雞，香脆的外皮灑上芝士粉，味道香濃誘惑啖啖肉，真的很邪惡，所以我們代表地球消滅它，哈哈!魷魚圈，脆脆的外皮加上有咬口的魷魚，又是一款美味的小吃。

脆身香軟的薯角，點上酸甜汁，好好味呀，絕對不能錯過!Sodam Chicken整體炸雞都好有水準，味道又有好多款可以選擇，每款金香香脆，粉不會太厚，但仍能保持雞肉嫩滑，又唔會太鹹，味道、溫度控制得很好。

我們幾個一邊吃一邊讚，真是美味又邪惡的一餐。

三重雞煲 ($398) 配三款配菜一個鍋有齊韓式炸雞、安東燉雞同春川燉雞！一次過滿足我三個願望！炸雞外脆內嫩，啖啖肉唔油膩；春川燉雞就係韓式辣醬唔帶甜既個款辣，呢個汁配年糕好好食；安東燉雞既湯底類似壽喜燒，甜甜地，三款入面最愛呢個🤤！好喜歡呢到既雞煲有好多配菜，感覺冇咁濟！安東燉雞煲有粉絲、紅蘿蔔、薯仔、洋蔥⋯，春川燉雞煲有年糕、椰菜⋯配菜索晒d湯超惹味！另外，要讚一讚呢間餐廳既服務。

店員超有禮貌！上菜/落單既時候又好清楚咁解釋，之後我地係咁加湯都冇嫌我地煩，超好服務！

食咗二人餐食物質素幾好，係直到埋單果刻，全晚愉快心情畀當晚一個all back低側辮子頭的中女職員直接全毀。

我向佢提出「唔該埋單」，佢塊面係黑過炭屎咁，目冇表情，咩都冇講只係輕微點左點頭，然後！掉！個收錢兜落來之後直接轉身走，係用「掉」嘅方式而唔係放低，個兜係識得滑行識得轉嗰種。

我果下真係完全唔想畀錢😡🤬🤬🤬🤬相比另一個收錢的短髮女職員，佢真係差好遠！麻煩對個別職員培訓做好啲，唔好畀佢哋出來害人同破壞顧客用餐心情！食物方面，二人餐揀咗蜜糖雞x甜酸雞 + 薯條 + 冷麵。

兩款炸雞都有醬汁，食咗三件開始覺得濟同膩但肉都算滑；薯條幾好食，有紫菜和芝士粉；冷麵汁唔太夠冇上次來咁好味，今次太淡。

份量兩個女仔食好足夠，性價比還可以，略貴。

我地大概六點鐘到，店內無咩人，柔和既燈光配合jazz style既韓文歌比人好chill既感覺。

因為平日去開既韓國餐廳都好嘈，音樂又播得勁大聲，連朋友講野都聽唔到，所以相比之下呢到既氣氛好好多。

首先要讚既係份量十足，四個女仔叫三樣食物都食得好飽。

先講下柚子檸檬炸雞，一舊雞起碼有一個手掌咁大，外脆內軟，肉質鮮美，雞味同柚子味都幾夾。

柚子味道香甜清新，中和左炸雞既油膩感。

第二樣係水冷麵，麵條好有質感，唔會太淋，吸哂個湯既精華。

另外配菜都好好味！有泡菜同雞蛋。

係炎炎夏日食番碗水冷麵，仲爽過涼冷氣！最後我地叫左煙燻烤雞，聞起上黎有bbq既味道，食起上黎有德國鹹豬手既味道，幾新穎既一道菜。

味道濃郁，雞肉唔會太硬唔會太乾，比較適合重口味既人。

整體黎講，作為韓國炸雞流入香港既先鋒，sodam chicken既水準都keep得幾好，唔會輸蝕於近年新興既韓國炸雞餐廳。

而且食物花樣多變，間唔中就會出下新菜式，令人食指大動。

下次去一定要試下三重雞同芝士鍋！

朋友係炸雞控 成日都話要食炸雞而對食有d要求嘅我😏 經常拒絕佢 話我只會喺韓國食炸雞架咋😂😂香港嗰d完全係兩回事但朋友今次苦苦哀求話呢間唔同普通嗰d叫我同佢一齊去食仲話如果唔好味請我食添well (可能)唔使錢喎 一於試下🤣🤣🤣🤣舖頭細細 分咗兩層裝修都幾chill 係一個幾適合同朋友坐低食下野飲返杯嘅地方都好多選擇🤔 心大心細添搞咗輪終於決定叫水冷麵 焗雞 餃子 薯條同兩杯野飲d staff 好好耐性 無催過我地 加分👍🏿先講水冷麵透心涼 有雞蛋泡菜同青瓜絲等好輕微嘅辣 加埋本身嘅酸味 好開胃不過略嫌太煙韌 鍾意有口感彈牙嘅朋友可能會覺得perfect 我就覺得淋返dd會啱我多d主角叫焗雞係因為覺得炸雞會太熱氣🤣🤣🤣係我同朋友一人讓一步嘅結果一上枱好 !大 !份 !無十件都有八件咩部位都有熱辣辣一食 又真係唔錯喎每件雞都沾到d蜜糖好似可以減少到熱氣嘅罪惡感🤣🤣🤣🤣雞件外脆內嫩肉質唔鞋 仲好juicy添無層厚炸漿 啖啖肉 正不過溫馨提示大家雖然係蜜糖 但都帶少少辣食唔到辣嘅朋友要留意餃子同薯條都整得好好味控制得好好唔會炸得太乾太過火保留到本身嘅味道之餘又夠晒香口令人食唔停😂呢杯野好飲又抵飲雖然係燒酒 但酒味唔重甜甜地又大杯喎兩個人share 都綽綽有餘推介👍🏿總括黎講食到反艇都係食咗五百幾蚊雖然好想有人請但又唔可以講大話話唔好味嘅🤣🤣🤣🤣今餐嘅質素 抵比朋友今次叻叻豬無介紹錯下次再有好野記得再叫我🤤

Sodam Chicken餐單提供韓國菜, 韓式炸雞等推介美食位於中環區，餐廳座位數未知人均消費約$101-200，結賬可以用Visa,Master,AlipayHK,支付寶,現金,銀聯，Booking訂位可以電話致電 29051668 查詢。

您對於中環餐廳「Sodam Chicken」有何 comment？

Sodam Chicken餐廳詳細資料：

• Sodam Chicken地址:
  中環蘭桂坊雲咸街31號地舖
  Sodam Chicken, G/ F,31 Wyndham Street, Lan Kwai Fong, Central
• Sodam Chicken電話: 29051668
• Sodam Chicken價錢: $101-200
• 分類: 韓國菜, 韓式炸雞
• 座位: 未知
• 付款: Visa,Master,AlipayHK,支付寶,現金,銀聯
• FB專頁: Sodam Chicken Facebook

更多Sodam Chicken相關資料:

• Sodam Chicken分店
• Youtube
• Facebook
• Twitter
• Google