蟹功房 上環

蟹功房 評價 相片

之前間拉麵店轉左手 (其實都唔知係轉左手定轉左型, 因為入面主廚都係同一人), 而家主打食蟹,牛,雞, 去到見到大部人都係食湯粉, 見好小食人蟹泡飯, 本身我唸住叫"清燉牛臉珠配上海麵", 可惜佢話冇上海麵只得米粉, 所以即時轉軚叫左海南雞飯, 朋友仔一樣照叫牛臉珠配米粉...選擇都有六七樣, 每款都跟配餐飲及自家制布甸 (豆腐/柯華田)海南雞配油飯跟一碗黃酒雞湯, 湯味好夠酒香, 飲下都好舒服, 但唔鐘意酒味既朋友應該會不太喜歡了...雞既賣相一般, 冇雞味, 又冇鹹味, 完完全全都靠醬汁, 油飯唔夠香朋友既牛臉珠米粉, 湯底帶有牛味, 但係米粉唔夠淋, 仲係硬身, 牛肉燉得夠淋, 不錯!甜品布甸忘記左影相, 我地兩個都要左柯華田味, 淡淡既柯華田味, 不太甜, 布甸亦夠滑...

呢間係私房中菜，但係夾左小小西式處理，一人一份，好有驚喜, 師傅超級有心煮，每一道都有蟹嘅鮮味，尤其係蟹粥，所有蟹膏溶晒落去，超級正！其他菜如波波蜆、香煎馬頭魚都好新鮮。

仲有蟹棒波菜capaccino, 原來咁飲會有菜嘅甜味～回味中

中午經過見到樓下有人極力推介呢間新餐廳，價錢也合理咁就一 試。

叫咗海南雞飯一來到好surprise，成隻 雞脾雞味唔算好濃但合格， 自己特別鍾意個黃酒雞湯， 冬天飲完成身都好 溫暖。

如果鍾意飲湯嘅你一定要一試

由中環出名的蟹湯麵一直食，跟住走到上環新店，裝修簡潔，迫不及待試下近來推介的清燉牛臉珠湯麵。

清燉牛面珠湯麵－上枱時已經聞到一陣好濃郁的藥材味，第一次食牛臉珠，睇落似牛展，咬落去就完全不同，肉質軟滑，味道化入口，唔會有牛展的硬度，而個湯底就像藥饍牛肉湯，香濃牛肉香味，唔經唔覺被我飲哂。

辣菜莆－依然係我至愛之一，夠辣夠蒜香，我食左四分一樽。

柯華田布甸－勁柯華田味，比起街外的布甸造得滑溜好多，聽師傅講係佢以前學師既甜點。

薑汁薏米水－足料，多薑汁、多薏米，有少少作感冒既時候飲，啱哂！臨走時見到夜晚有私房菜，下次再試

2017年第一次跟同事吃飯，就特意選擇這間新開張的蟹食、牛食專門店，個人上覺得味道跟中環那間蟹麵館的質素相若，但價錢和環境就相對實惠，而且不收加一。

飲得出是不加味精，因為事後回公司都完全沒有想喝水的感覺，同事一入來就聞到濃濃的蟹肉味整個餐廳不大，但坐下來感覺很舒服，店員完全沒有催促你要快點結帳，當然他都有早結帳優惠，一點前結帳有九折優惠。

店員服務友善，結帳時都叫我們不用這麼急著離開，叫他幫手拍照也非常主動！

蟹功房餐單提供港式, 海鮮, 粉麵, 米線, 私房菜等推介美食位於上環區，餐廳座位數未知人均消費約$101-200，結賬可以用現金，Booking訂位可以電話致電 97760465 查詢。

您對於上環餐廳「蟹功房」有何 comment？

蟹功房餐廳詳細資料：

• 蟹功房地址:
  上環永樂街1-3號世瑛大廈7樓703室
  Crab Shop, Room703,7/ F, Cheungs Building,1-3 Wing Lok Street, Sheung Wan
• 蟹功房電話: 97760465
• 蟹功房價錢: $101-200
• 分類: 港式, 海鮮, 粉麵, 米線, 私房菜
• 座位: 未知
• 付款: 現金
• FB專頁: 蟹功房 Facebook

更多蟹功房相關資料:

• 蟹功房分店
• Youtube
• Facebook
• Twitter
• Google