文華軒中出會所 上環
最後更新:
文華軒中出會所推介
已經將這裡当是自己的飯堂了，經常請客人上來吃飯，前幾日同事講呢度新出了大閘蟹宴好好食所以就專門上來試下，選擇了每隻4兩的大閘蟹，完全沒有讓我們失望，而且仲要係大大既驚喜！大閘蟹真係好味，大閘蟹金毛腿，自帶獨有的蟹香，咁熱既天氣都有咁肥既黃和膏真是正！好開心有呢個地方俾我哋可以時不時地大快朵頤。而且服務都十分周到！
上環文華軒中出會所
| 餐廳分店 | 文華軒中出會所 |
|---|---|
| 地區 | 上環 |
| 電話訂位 | 沒有電話提供 |
| 餐單 Menu | 粵菜, 廣東, 中菜館, 酒樓, 會所 |
| 人氣指數 | 833 |
| 價錢幾錢 | $101-200 |
文華軒中出會所訂位位於上環區，詳細地址是上環德輔道中287-291號長達大廈8樓，餐廳寬敞座位數目共有130個。文華軒中出會所幾錢？價錢優惠後人均消費大約$101-200埋單，早餐午餐晚餐文華軒中出會所餐單包括有粵菜, 廣東, 中菜館, 酒樓, 會所等美食，付款方式有Visa,Master,現金,銀聯付款。
文華軒中出會所優惠
文華軒中出會所 評價 相片
已經將這裡当是自己的飯堂了，經常請客人上來吃飯，前幾日同事講呢度新出了大閘蟹宴好好食所以就專門上來試下，選擇了每隻4兩的大閘蟹，完全沒有讓我們失望，而且仲要係大大既驚喜！大閘蟹真係好味，大閘蟹金毛腿，自帶獨有的蟹香，咁熱既天氣都有咁肥既黃和膏真是正！好開心有呢個地方俾我哋可以時不時地大快朵頤。
而且服務都十分周到！
吃了忘記多少餐的生日飯，當中我最記得的唔係最好食個間，而係呢間，個名最特別的，我唔知你睇過未，我就真係未睇過。
那天在公司有同事推薦這間飯店時，我幸好冇飲水，我唔係實會噴。
同事M：不如試下個日我食個間野啦，個間會所真係幾好同事H:好唔好過你間皇仁先。
同事M:咁一定冇啦，不過都唔錯，又平又幾好食。
我:咁個間野叫乜呀。
(我最喜歡儲好食餐廳名，仲要係會所)同事M:個間都幾出名，叫中出會。
同事H同我為不折不扣的男性，受到日本人90年代AV之正式教育，我們立刻笑到反艇。
在場同事M同幾個同事都唔識笑。
大概女性對這些男生的奇怪事都不會太敏感又完全唔明，然後好多女性都問我中出點解咁好笑，其實你只要google一下，你就知點解。
暫時不再討論中出點解，話說小弟生日，同事想一齊食餐飯順便聯誼一下，於是在同事M的推薦下，我們一起去送我中出做生日禮物。
聽見都開心，一班人扶老攜幼去，幾興奮，我係話食飯，唔係中出，你千祈唔好諗邪野，中出係呢篇文章只係個地方名，唔係名詞。
我開心係十九幾人可以食好多野，你地唔好誤會。
中出會，全名為香港中華出入口商會會所，由文華軒主理。
因為方便又好叫，所以我地一陣都以中出為簡稱。
花生不用問人攞，雖然不是周地有，但一碟都會有得送。
幾個小食都幾對辦，當中我最喜歡椒鹽腐丁，當然不是六福那種水準，但豆腐都是非一般的嫩滑。
蔥油海蜇真係好袖珍，好細碟，不過好爽口，加上那股強勁的蔥和麻油香，如果那個海蜇再冷一點一定會更好。
如來素鵝，又普通左少少，如果以咁嘅價錢，大部分前菜都普通左少少。
好像蝦多士都是這些會所的戰場，港大好，寧波不錯，皇仁都幾好，但這裡以懷舊窩貼蝦為名，說老實，也是不太特別的，M是一個幾奄尖的人但她都說幾好食，我就滿有期待，不過窩貼蝦個飽油份幾錯，蝦還可以但造不到非常突出，我想大約這就是沒有化妝的小女孩，十八無醜婦，你不會覺得太差，又不是太好的質素。
脆皮牛坑腩是最好的選擇，那個酥皮就如熱戀中的愛人，愛得酥軟又可愛，包著裡面的牛坑腩就如激情的抗爭，我最喜歡是這個菜式，絕對神采飛揚。
我覺得要試吃一些簡單菜式來測試一下其質素，南乳粗齋煲的南乳味非常濃烈，這個菜如果做得不好就會充滿鹹的勁，然這類的南乳味剛剛好，就是喜歡這個最重要的特點。
蒜片牛柳粒，我唔知有冇叫錯，但佢好似前菜的份量般，那牛柳粒也有點呈老態，又或者脆皮牛坑腩太搶鏡，雖然對蒜片牛柳粒好不公平，但我只能說一句生不逢時。
鹽焗鬍鬚雞，當吃完幾個冇乜驚喜的菜式，這個就令我驚艷得多，鬍鬚雞的滑和肉質鮮嫩是令人念念不忘，那種雞肉漫漫滲出來的鹽焗香令我想起那個檳城有名的鹽焗雞。
鴛鴦汁明蝦球，說老實話那樣子完全不討好，我只吃了其中一個沙律醬的蝦球，冇乜特別，蝦球算大隻，但那醬汁也蓋過了蝦球風頭。
中出一品煲，又係男生最愛，到底個煲有乜可以中出呢?原來有一眾高貴美食，又花膠，又花菇，又大蝦，以CP level來說是不得了的超值。
最後吃的菜式是碧綠帶子賽螃蟹，我特別喜歡那炒得乾身又滑滑的蛋白，加上西蘭花和帶子是絕對清清的配搭，送飯一流。
當然，以下呢段係中段小插曲，話說我地好想飲湯，但由於無預留湯品，於是叫左湯羹，栗米魚肚羹，我們太多人，姐姐提議我地加大，於是就聽佢講下。
點知，我地十個人，一人大約分左一碗左右，湯羹已經麻麻地，有幾何湯羹會令你好食到心跳有感覺，但朋友睇到那個價錢，有少少覺得過份左，因為本身冇咁貴，加大完後個價錢好嚇人，這個成為了今晚一個小小的插曲。
兩個單尾為家鄉龍門炒米粉，另一個為欖角肉崧蛋白炒飯，兩個炒物都是做得出色，挽回不少分數，炒米粉乾爽，一點油份也沒有;另外炒飯也是好好，欖角和肉崧的惹味和鹹味得宜，把炒飯粒粒做得美味，算是今晚另一個highlight 。
最後送的桂花糕，還是不錯的。
說真，雖然今晚啲菜式不是最精彩的，但吃了那麼多之後，真係會中出，飽到係個口中間嘔出黎。
總括來說，我會話so far so good 。
不過，還是要多謝M小姐的幫助，讓我有機會可以來到這裡食飯，因為呢度實行會員制，唔係個個可以黎中出，想好似我咁有中出做生日禮物，你可以睇下身邊有冇會員先一齊黎中出。
文華軒中出會所 The Mandarin House上環德輔道中287291號長達大廈8樓
第一次幫襯, 不過AUNTIE 輩話呢間以前中午放飯會幫襯, 叫佢做"中出中入", 有趣.環境乾淨, 星期二的夜晚, 唔爆. 枱與枱有很多空間 ( 我對呢樣好有特別要求, 冇咩必要最好唔好背貼背, 椅貼椅食飯啦)菜1) 湯, 湯料真係勁多, 冇味精 (重要, 因為我係味精雷達, 冇過敏反應)2) 牛柳煲, 香口, 葱好食3) 砂鍋魚煲, 好食, 不過有點味太濃, 經理話係舖最好食, 最好賣的. 例牌人多唔夠分, 要叫多個4) 涼瓜...甘, 材料應該揀得靚5) 蟹蒸飯, 賣相唔食得都睇得, 咁都好食.6) 賽 蟹, 算係唔多油, 只係旦白有D "HI" 口7) 欖角炒飯好8) 其他肉排, 菜, 正常9) 推介 雞, 唔怪得要四百幾蚊, 好食喎10）甜品為桂花糕，足料埋單同出面等位等到傻左又迫的酒樓差唔多，吃得開心。
服務：經理十分有禮貌
五年前，蕃茄醬剛與卡卡醬一起，又剛巧食友P及酒友C之生日飯局，於現址前身之"庭苑酒家中出會所"設宴4圍，當晚是第一次出席朋友生日聚會，一同祝賀兩位壽星，熱鬧非常，現在很難再組合當晚出席之人腳，因有去了外國的、有消聲匿跡的、有上YouTube的，當然仍有繼續大家食食食的，唉~~~好難可以再將原班人馬再一次重出江湖了，至於"中出"一詞，請不要意淫，其實是的縮寫。
五年後，卡卡醬已成為蕃茄醬太太了，而庭苑酒家中會所已變成文華軒中出會所了，無變的仍是會員制，仍是主打順德菜。
凡成為文華軒的會員，便可得到一支價值$398的西班牙酒，而其實加入文華軒成為會員亦只不過$398，更可以九折享用文華軒之午市及晚市消費優惠；另外，再可以九折在金殿海景宴會廳集團之旗下各分店享用晚飯消費優惠。
今天因食友關係，再次中出，不過今次是午膳，先來一口順德、大良一帶的有名小食。
牛耳是油炸的酥餅食品，是南乳味的，牛耳的南乳香同油香充滿口腔，我自己已消滅一小碟，在香港已不多地方有得吃了。
Montalvo Wilmot餐廳的老闆本身是一名紅酒商人，主打西班牙紅酒，這支酒是需要breath的，但大家急不及待去飲第一杯，感覺是不錯的，可能未抖夠氣，所以不夠滑，第二杯入口就比較順喉了。
花膠海皇羹花膠海皇羹，先喝一口，湯頭夠濃郁且膠質重，用料新鮮，同行女士讚不絕口，如果可以稀少少就更好。
懷舊窩貼蝦很多懷舊菜都有窩貼蝦，多士炸得香口而且不油膩，蝦肉新鮮又彈牙，是水準之作。
白玉紅凌健康的菜式之一，很喜歡食此度菜，豆腐很幼滑、菇亦很美味，蝦粒夠彈牙，再用上南瓜打成汁，薄薄的淋上後，變得更清甜。
順德欖角焗肉排順德欖角是濃味的，再配上肉排一起煮，真的不錯，欖角味道帶酸，但又沒有蓋過排骨之味，而且肉質又夠稔，唔該一碗白飯。
煎焗西江野山魽魚煲中出名菜之一，這條魽魚本身已夠肉嫩又夠滑，煎過後令魚變得更香魚味，再用薑蔥去焗，這個煲不得了，又要叫多一碗飯了。
紅梅燴素珍健康菜式之二，曾經響齋鋪食過腐皮配蕃茄，居然中出也有，還加上菜心、紹菜、銀杏、小棠菜一起，再用上上湯煮，食了幾樣肥膩菜式後，一齊都變得清新了。
蒜香籠仔蒸蟹飯越食越精彩，基本上我之前之菜式已點白飯來吃，此蒸蟹飯充滿蒜蓉、蔥花、芫茜，再配上蟹後用荷葉包在一起蒸，可以將汁鎖在荷葉中，所有精華盡在飯中，食不停口，主角已分不稱蟹抑或蒸飯了。
蛋白杏仁茶比較厚及杰身，甜度還可以，充滿濃烈之杏仁香，杏仁與蛋白粒配合得不錯，是水準之作，不過我還是喜歡梁師傅親手整之蛋白杏仁茶。
這裡的粵菜尤以順德菜為主，堅持不加味精，菜式會有新意。
餐廳在商業樓層低調經營，装修亦不算豪華，光顧的大多數是熟客。
每個星期六都必與男朋友找一間坐上34個小時，餐廳開瓶費 $100 尚算合理。
唯一缺點: 餐廳所有醒酒器底部仍有水，明顯是未有乾透就備用。
但餐廳老闆本身是一名紅酒商人，他應該知道哪怕一點點的水都是會殺掉一支酒及影響其質素。
為了善嚐紅酒為原則，這點恕未能接受。
最後用一個普通的量瓶當作醒酒器。
餐前小吃即切西班牙黑毛豬火腿併波蘿，佐酒最愛食物之一。
但併波蘿有點奇怪。
炸牛坑腩部長見我們自攜紅酒，推介一些佐酒食物。
其實味道不過不失，沾點 "李派林喼汁" 吃。
我倒覺得湯上比較令牛坑腩肉更 fully utilize其長處。
虎蝦蝦子面推介這個，好吃。
虎蝦肉腍，上湯汁味重，比較杰身，但配合蝦子面卻非常的讚，平時市面多芝士配伊面，這個 combination 非常少見。
黑醋排骨繼西班牙黑毛豬後，無端端發現有一道杭州傳統的黑醋排骨。
每顆排骨都給黑醋煮過，均勻，惹味。
腐乳生菜不多介紹，夠火喉煮什麼也均勻、不會出錯。
其實一間中菜餐廳的名字，沿用古時愛說吉利話、討口彩的風氣下，都會用上一個皆大歡喜的名字，為大家所接受。
但時移世易，中出會所這個名字，反而會令人更印象深刻。
文華軒中出會所餐單提供粵菜, 廣東, 中菜館, 酒樓, 會所等推介美食位於上環區，餐廳座位數130人均消費約$101-200，結賬可以用Visa,Master,現金,銀聯。
您對於上環餐廳「文華軒中出會所」有何 comment？
文華軒中出會所餐廳詳細資料：
- 文華軒中出會所地址: 上環德輔道中287-291號長達大廈8樓 The Mandarin House, 8/ F, Champion Building,287-291 Des Voeux Road, Sheung Wan
- 文華軒中出會所電話:
- 文華軒中出會所價錢: $101-200
- 分類: 粵菜, 廣東, 中菜館, 酒樓, 會所
- 座位: 130
- 付款: Visa,Master,現金,銀聯
- FB專頁: 文華軒中出會所 Facebook
更多文華軒中出會所相關資料:
香港餐廳2026推介8月