城記飯店 上水
地址: 上水石湖墟市政大廈2樓18號舖
最後更新:
城記飯店推介
重良節開放日，食食食食食慶佳節！過時過節姨丈總是來滋擾，要大量辣椒油平衡舒緩情緒。遠離阿叔阿伯，污糟邋遢唔帶口罩，痴痴呆呆坐埋一檯！不是已停大陸簽證嗎？成檯大媽講州語，仲要吱吱渣渣購這購那，原來係神州水客黨。後生仔侍應做事應真有衝勁有活力精精神神，敬業樂業值得欣賞。咸檸七，飲唔到咸味，只得甜味。熱檸茶走甜，酸酸澀澀好消滯提神，茶膽深色味濃質厚。蠔油芥蘭，速速送到，芥蘭刺身？拖拖水即到。莖脆卜卜未夠熟青味霸道濃烈，試多一條都一樣，全部吐掉，菜葉鞋鞋粗糙苦澀。蠔油菜芯，粗莖有渣有草青味，大部份都合格。牛腩撈粗麵，好清爽鬆化的滷水腩，肥瘦適中腩味香甜，每啖肉汁微滲！勁辣勁香辣椒油，味濃高檔次，咸香也不弱，兩大羹使我汗水滴滴！粗麵成餅送出，在努力跟清湯及蠔油混得均勻，終於能將她們分開，入口濕濕黏黏有點漿嘴，幸好蛋香麵香依然，彈彈有咬口的，掛上辣椒油搭埋牛腩興奮地迅速消滅。最愛爽甜靚菜浸湯食，清湯濃郁可口，浸浸生菜增添菜甜味，生色不少。牛筋牛肚麵，牛筋質地超愛膠黏綿綿徹底入味，不過濃咸化不開，我真的受不了！金錢肚先爽後腍味道特濃。麵條非常濕潤在過腍邊緣仍感受到一絲爽意，掛湯力強連辣椒齊嘆蠻不錯。牛雜是否銷情不佳，所以滷浸幾日呢？堅咸到澀咸到苦！連蠔油都勁咸，全部撈晒麵咸死我，我雙腎呀！重份量十分多麵被我兩三啖消滅掉，同檯叔叔嬸嬸嚇到目定口呆！兩老更匪而所思，不敢相信！輕咸硬牛膀，重咸金錢肚，咸到癲牛腸，走肺換來大量牛腸。牛雜撈麵，唐生菜爽脆多水甜味弱，沾上蠔油剛剛好，此時還未察覺蠔油超咸的。耐心地將所有蠔油跟幼麵撈得非常均勻，每條麵都要被蠔油包著染上顏色，禮成再掛埋辣椒肉食得喇！驚訝的咸度嚇死我喇，不想浪費頂硬上，爽爽幼麵地獄咸味照食可也，大大啖麵後來兩大啖清湯沖一沖再繼續，否則吞不下呢！馬虎急急了事算吧。最後兩啖才想起可以用清湯洗洗去先再食喎，但一切已經太遲咯。淨南乳豬手，腳毛無剃乾淨喎！吉到我條脷喇，好采只係腳趾位兩舊。豬手就沒有問題，全部食晒。無肉剩皮，膠膠黏黏，南乳清爽美味，生菜爽脆，過口癮無菜甜味。牛腸牛膀麵，叔叔煮理既滷水汁頗濃重手，牛腸牛膀同樣極韌，伯伯少點牙力都趙得辛苦。牛腸滑滑藏有肥美絨毛，甘香醇美。牛膀外皮香口膠，啡肉勁嚥韌，要給多點牙力。幼麵質素高，爽彈索索，曲曲帶湯力高強，濕潤啜得盡興，拖埋辣油夠刺激更醒神。紫菜墨魚丸魚蛋河，雙拼魚蛋好少見搭片頭呢！魚蛋呎吋也不小，咬落微彈鞋鞋的，感覺及味道都係門鱔魚蛋。片頭爽爽索索聲，炸過香口咸味得宜。墨魚丸凹凹凸凸粗糙肌膚，硬實帶著微弱鮮味。清湯底淡淡的，撈埋紫菜都是偏淡，河粉輕灼輕烚，散碎短短實淨。整碗都清清淡淡，只落辣椒油都不夠，要再加豉油呢。牛雜粗麵，都話走蔥咯，挑就挑乾淨去，馬馬虎虎仲有十幾粒蔥花黐住係麵度！牛雜甘甘澀澀，牛膀硬掘掘散發微弱澀味，牛腸外彈嚥韌有嚼勁內嫩油潤，不過掩飾不了陣陣澀味，牛肺綿綿不腥，牛肚軟軟腍腍味濃。粗麵黏黏的，啜入難感清爽，耐心地親自跟湯發散再享用，還算合格的。牛坑腩麵，$41 加熱飲 $6 再加油菜 $7 共 $54，但收我 $60 ？還是只可以揀加熱飲或菜其中一樣，加熱飲 $7 另油菜收正價 $13 蚊？坑腩？條坑係邊？軟腍腍清淡牛味，不硬不乾亦無渣，似煲湯牛腩。湯底淡輕微鹼水味，淨係辣椒油都唔夠味，就連豉油都要出埋咯。雲吞牛筋麵，大量牛筋來貨應該好平。濃味偏咸用麵捲住食較舒服，軟綿不夠膠黏。雲吞大大粒我重質不重量，趙落鬆散，蝦碎肉碎韌韌的咸咸的沒鮮甜味，過過口癮吧。紫菜四寶麵，魚皮餃鬆散嚥韌沒有滑嘟嘟的感覺，魚咸香突出沒有過火，豬肉丸非常淡淡然的豬肉味道，實實淨淨普普通通。為辣而來，辣椒油才是主菜！無兩三羮絕對不能滿足到我，濃味重咸中大辣程度，狂吸狂啜連辣椒渣連辣湯全數沒收，高潮震動開心滿足汗滴滴！紫菜鮮味有助蓋過鹼水麵的異味，與辣椒油攜手合作如虎添翼。紫菜牛丸米線，湯底水汪汪淡淡無香味，好幸加紫菜添點咸味啫。牛丸腍劈劈十分淡口，無鮮味無甜味。師傅想魚目混珠？有粒牛丸唔同樣架喎。貢丸始終係貢丸，點扮都無可能變成牛丸，有一刻懷疑過係咪黑椒牛筋丸。雖然食拉麵我要食極硬、食意粉我要有嚥韌帶彈，但係米線煮到爽脆餚丹提都係第一次。平時粉麵都麻麻地，依碗直頭要比劣評，堅難食！
上水城記飯店
| 餐廳分店 | 城記飯店 |
|---|---|
| 地區 | 上水 |
| 電話訂位 | 沒有電話提供 |
| 餐單 Menu | 港式, 大牌檔 |
| 人氣指數 | 940 |
| 價錢幾錢 | $50以下 |
城記飯店訂位位於上水區，詳細地址是上水石湖墟市政大廈2樓18號舖，餐廳寬敞座位數目共有未知幾多個。城記飯店幾錢？價錢優惠後人均消費大約$50以下埋單，早餐午餐晚餐城記飯店餐單包括有港式, 大牌檔等美食，付款方式有現金付款。
城記飯店優惠
城記飯店 評價 相片
重良節開放日，食食食食食慶佳節！過時過節姨丈總是來滋擾，要大量辣椒油平衡舒緩情緒。
遠離阿叔阿伯，污糟邋遢唔帶口罩，痴痴呆呆坐埋一檯！不是已停大陸簽證嗎？成檯大媽講州語，仲要吱吱渣渣購這購那，原來係神州水客黨。
後生仔侍應做事應真有衝勁有活力精精神神，敬業樂業值得欣賞。
咸檸七，飲唔到咸味，只得甜味。
熱檸茶走甜，酸酸澀澀好消滯提神，茶膽深色味濃質厚。
蠔油芥蘭，速速送到，芥蘭刺身？拖拖水即到。
莖脆卜卜未夠熟青味霸道濃烈，試多一條都一樣，全部吐掉，菜葉鞋鞋粗糙苦澀。
蠔油菜芯，粗莖有渣有草青味，大部份都合格。
牛腩撈粗麵，好清爽鬆化的滷水腩，肥瘦適中腩味香甜，每啖肉汁微滲！勁辣勁香辣椒油，味濃高檔次，咸香也不弱，兩大羹使我汗水滴滴！粗麵成餅送出，在努力跟清湯及蠔油混得均勻，終於能將她們分開，入口濕濕黏黏有點漿嘴，幸好蛋香麵香依然，彈彈有咬口的，掛上辣椒油搭埋牛腩興奮地迅速消滅。
最愛爽甜靚菜浸湯食，清湯濃郁可口，浸浸生菜增添菜甜味，生色不少。
牛筋牛肚麵，牛筋質地超愛膠黏綿綿徹底入味，不過濃咸化不開，我真的受不了！金錢肚先爽後腍味道特濃。
麵條非常濕潤在過腍邊緣仍感受到一絲爽意，掛湯力強連辣椒齊嘆蠻不錯。
牛雜是否銷情不佳，所以滷浸幾日呢？堅咸到澀咸到苦！連蠔油都勁咸，全部撈晒麵咸死我，我雙腎呀！重份量十分多麵被我兩三啖消滅掉，同檯叔叔嬸嬸嚇到目定口呆！兩老更匪而所思，不敢相信！輕咸硬牛膀，重咸金錢肚，咸到癲牛腸，走肺換來大量牛腸。
牛雜撈麵，唐生菜爽脆多水甜味弱，沾上蠔油剛剛好，此時還未察覺蠔油超咸的。
耐心地將所有蠔油跟幼麵撈得非常均勻，每條麵都要被蠔油包著染上顏色，禮成再掛埋辣椒肉食得喇！驚訝的咸度嚇死我喇，不想浪費頂硬上，爽爽幼麵地獄咸味照食可也，大大啖麵後來兩大啖清湯沖一沖再繼續，否則吞不下呢！馬虎急急了事算吧。
最後兩啖才想起可以用清湯洗洗去先再食喎，但一切已經太遲咯。
淨南乳豬手，腳毛無剃乾淨喎！吉到我條脷喇，好采只係腳趾位兩舊。
豬手就沒有問題，全部食晒。
無肉剩皮，膠膠黏黏，南乳清爽美味，生菜爽脆，過口癮無菜甜味。
牛腸牛膀麵，叔叔煮理既滷水汁頗濃重手，牛腸牛膀同樣極韌，伯伯少點牙力都趙得辛苦。
牛腸滑滑藏有肥美絨毛，甘香醇美。
牛膀外皮香口膠，啡肉勁嚥韌，要給多點牙力。
幼麵質素高，爽彈索索，曲曲帶湯力高強，濕潤啜得盡興，拖埋辣油夠刺激更醒神。
紫菜墨魚丸魚蛋河，雙拼魚蛋好少見搭片頭呢！魚蛋呎吋也不小，咬落微彈鞋鞋的，感覺及味道都係門鱔魚蛋。
片頭爽爽索索聲，炸過香口咸味得宜。
墨魚丸凹凹凸凸粗糙肌膚，硬實帶著微弱鮮味。
清湯底淡淡的，撈埋紫菜都是偏淡，河粉輕灼輕烚，散碎短短實淨。
整碗都清清淡淡，只落辣椒油都不夠，要再加豉油呢。
牛雜粗麵，都話走蔥咯，挑就挑乾淨去，馬馬虎虎仲有十幾粒蔥花黐住係麵度！牛雜甘甘澀澀，牛膀硬掘掘散發微弱澀味，牛腸外彈嚥韌有嚼勁內嫩油潤，不過掩飾不了陣陣澀味，牛肺綿綿不腥，牛肚軟軟腍腍味濃。
粗麵黏黏的，啜入難感清爽，耐心地親自跟湯發散再享用，還算合格的。
牛坑腩麵，$41 加熱飲 $6 再加油菜 $7 共 $54，但收我 $60 ？還是只可以揀加熱飲或菜其中一樣，加熱飲 $7 另油菜收正價 $13 蚊？坑腩？條坑係邊？軟腍腍清淡牛味，不硬不乾亦無渣，似煲湯牛腩。
湯底淡輕微鹼水味，淨係辣椒油都唔夠味，就連豉油都要出埋咯。
雲吞牛筋麵，大量牛筋來貨應該好平。
濃味偏咸用麵捲住食較舒服，軟綿不夠膠黏。
雲吞大大粒我重質不重量，趙落鬆散，蝦碎肉碎韌韌的咸咸的沒鮮甜味，過過口癮吧。
紫菜四寶麵，魚皮餃鬆散嚥韌沒有滑嘟嘟的感覺，魚咸香突出沒有過火，豬肉丸非常淡淡然的豬肉味道，實實淨淨普普通通。
為辣而來，辣椒油才是主菜！無兩三羮絕對不能滿足到我，濃味重咸中大辣程度，狂吸狂啜連辣椒渣連辣湯全數沒收，高潮震動開心滿足汗滴滴！紫菜鮮味有助蓋過鹼水麵的異味，與辣椒油攜手合作如虎添翼。
紫菜牛丸米線，湯底水汪汪淡淡無香味，好幸加紫菜添點咸味啫。
牛丸腍劈劈十分淡口，無鮮味無甜味。
師傅想魚目混珠？有粒牛丸唔同樣架喎。
貢丸始終係貢丸，點扮都無可能變成牛丸，有一刻懷疑過係咪黑椒牛筋丸。
雖然食拉麵我要食極硬、食意粉我要有嚥韌帶彈，但係米線煮到爽脆餚丹提都係第一次。
平時粉麵都麻麻地，依碗直頭要比劣評，堅難食！
今日一早同家人去街市食早餐，本身一家人都係上水人，食開佳運，但今日有家人想食點心，所以轉去城記。
❌牛肉球完全無味，又蒸過龍？喼汁溝左幾多水？ 倒幾多都無味。
❌排骨又係淡到食蒸豬肉甘。
唯一正常係燒賣。
落單姐姐態度都蝦人...叫左要碟蝦腸，又話唔知重有無，你唔識問下？去睇下？然後，問我地要唔要叉腸？甘答佢：叉腸蝦腸都照殺。
最後黎左碟齋腸粉。
屋企人又無睇清楚，照夾大半條，發現齋腸粉，問個落單丫姐講點解唔係蝦腸叉腸？一句：你都食左啦，照要嫁啦。
咩腸都無哂嫁啦，得呢一碟嫁啦。
唔想煩，所以叫家人，小事化無，鬼叫我地夾左半條咩無理由要人地鋪頭蝕錢，照比錢啦，分享完畢。
飲茶不一定去酒樓。
熟食中心可能仲有質素。
上水就有家城記，盅頭飯，點心都有水準。
排骨飯d排骨好多汁醬，好入味，肥瘦適中。
尤魚爽口彈牙。
如果想沖壺茶坐下食下點心，可以考慮呢度。
我唔敢講呢一間潮州粉麵喺最好食，但由細到大我最鍾意同媽咪去呢一間舖頭食潮州粉麵。
例牌我會食牛腩河加凍奶茶，由廿幾蚊一麵一飲品食到宜家四十蚊，充滿着兒時回憶。
.上水街市有幾檔潮州粉麵店都十分地道各有特色，但我每次一上到去街市熟食檔我就會不自覺去呢一間麵檔。
.以四十蚊食到一麵一凍飲，都算抵食。
味道方面，牛腩咬口唔會太林或太硬，佢河粉係比較幼細，我本人唔鍾意闊嘅河粉，所以我對呢一間舖頭嘅河粉係非常滿意。
奶茶方面茶味足夠，唔會太淡或太濃。
.
係現今百物騰貴嘅社會底下💸，有時想簡簡單單食個飯或者麵🍲，又唔想咁貴，街市嘅食物中心往往都係明智之選。
第一選擇多，粥粉麵飯樣樣都有得揀。
第二價錢豐儉由人，由十零蚊一客點心到廿幾蚊一碗麵再到三十餘塊一客碟頭飯都應有盡有✔️。
今日我就揀左哩間主打飲茶，午時有多款客飯、常餐等等供應，叫左椒鹽肉排🥩飯。
豬扒份量正常，好易咬口又幾鬆軟，雖然食到豬扒走過油，但冰鮮既雪味就唔係完全去到❌。
配菜既洋蔥同青椒連同乾濕蒜炒過後，非常香口送飯簡直一流。
街市仲有樣好，就係人情味，食食下同枱都會同你傾下計，別具風味🇭🇰。
完
城記飯店餐單提供港式, 大牌檔等推介美食位於上水區，餐廳座位數未知人均消費約$50以下，結賬可以用現金。
您對於上水餐廳「城記飯店」有何 comment？
城記飯店餐廳詳細資料：
- 城記飯店地址: 上水石湖墟市政大廈2樓18號舖 城記飯店, Shop18,2/ F, Shek Wu Hui Municipal Services Building, Sheung Shui
- 城記飯店電話:
- 城記飯店價錢: $50以下
- 分類: 港式, 大牌檔
- 座位: 未知
- 付款: 現金
- FB專頁: 城記飯店 Facebook
更多城記飯店相關資料:
香港餐廳2026推介9月