三和火鍋雞煲 上水

三和火鍋雞煲 評價 相片

之前一直有朋友講過呢間既椰子雞煲好好食，所以就相約幾個朋友去試下先！我地叫左全隻雞，上菜既時候嘩左一聲好大隻！首先食左隻雞先，我地跟足侍應哥哥講既放方法煮，首先煮到佢滾，之後轉細火煮佢兩分鐘然後熄火焗佢8分鐘！等到我地口水都流埋終於等完一食啲雞好滑好嫰完全唔鞋！加埋個湯一齊食，要讚下個湯底先佢有好多料！有紅棗，雪耳，椰子，蜆仔！好足料，飲個湯好甜，我地都飲左幾碗！有兩個火鍋料真係好有驚喜雲吞，水餃 好食，唔似出面個啲打邊爐店買現成個啲，感覺係自己包！脆肉鯇 好爽呀！就算我地滾耐左佢都仲係好脆！可以encore 呢個火鍋料！值得一提係我地4個人食完都完全唔口渴，感覺佢無咩味精😊. 。

剛剛從倫敦回來香港，第一時間叫妹今晚一定要去三和食椰子雞煲！😋 用料相當豐富。

除咗椰子，仲有紅棗、龍眼肉、杞子、雪耳、蜆仔。

湯底好清甜！🤤 啲雞超級嫩滑 👍🏻 湯滾後加入雞，再等啲湯滾後熄火等8分鐘，得咗！😋👍🏻 一個滋潤又美味嘅雞煲完成！實在太好味喇！😍 記得加青檸入醬油，真係超級好味㗎！🤤👍🏻

同屋企人係三和慶祝父親節飯份量好多，所以叫得太多，食晤哂。

勝在夠平🤣食物ok la , 不過不失。

湯底有用豬骨煲，所以豬骨味好濃。

雞其實晤算好滑，胡椒豬肚湯又無乜胡椒味。

我原本以為會好有胡椒味好辣重點係場內太熱！晤夠冷氣，所以大家食到流哂汗😓變相家人食得較辛苦，食到大汗滴細汗。

因為係街市的公眾food court ，所以好難話叫佢較凍冷氣。

不過如果要我再選擇地點，就未必揀呢間了。

可能因為expectation 太高了😂

嚟呢度打邊爐已經不下十次，雖然環境麻麻，但食物質素👍🏻椰子雞煲（半隻雞$188） 之前食過佢嘅辣雞煲，但都係覺得無椰子雞煲咁好食，所以今次都係嗌返椰子雞煲。

椰子雞煲湯底好鮮甜，好足料！有紅棗，龍眼肉，雪耳，杞子，椰子肉同蜆肉。

呢度食雞會教你，水滾時先放雞，等水再滾起時就熄火焗佢7分鐘，咁啲雞就會啱啱好，唔會過熟過嚡。

我地每次都跟佢嘅方法，次次啲雞都好嫩好滑！另外，好欣賞佢地會比半粒青檸比你加落啲豉油度，令到個醬汁咸咸酸酸咁，再加啲辣椒，其實好正！打邊爐配料方面，都係一般嘅選擇，比起佢地嘅雞煲，相對地就無咁突出。

但呢份椒鹽雞軟骨（$68）就有啲驚喜！份量好多！上菜時係好熱，啱啱炸起！椒鹽味好惹味！用嚟送酒簡直一絕！

食物整體還可以、和屋企一齊去食，本人不吸煙，但是室內有人食煙😑😑😑😑😑😑😑除左竹生有少少沙之外.其食物都幾好，湯底幾夠味。

豬肚雞冬天䁔冐之選🤔🤔🤔🤔

三和火鍋雞煲餐單提供粵菜, 廣東, 港式, 火鍋, 雞煲, 大牌檔等推介美食位於上水區，餐廳座位數未知人均消費約$101-200，結賬可以用現金，Booking訂位可以電話致電 55314222 查詢。

您對於上水餐廳「三和火鍋雞煲」有何 comment？

三和火鍋雞煲餐廳詳細資料：

• 三和火鍋雞煲地址:
  上水石湖墟新街市二樓CF23號舖
  三和火鍋雞煲, Shop C F23,2/ F, Shek Wu Hui Market, Sheung Shui
• 三和火鍋雞煲電話: 55314222
• 三和火鍋雞煲價錢: $101-200
• 分類: 粵菜, 廣東, 港式, 火鍋, 雞煲, 大牌檔
• 座位: 未知
• 付款: 現金
• FB專頁: 三和火鍋雞煲 Facebook

更多三和火鍋雞煲相關資料:

• 三和火鍋雞煲分店
• Youtube
• Facebook
• Twitter
• Google