惠比壽居食屋 馬灣

惠比壽居食屋 評價 相片

轉左一份新工作喺馬灣，以為餐廳都冇咩特別多嘅選擇！今次嚟到同事介紹嘅日本餐廳！餐廳環境唔大，而且佈置普通～係小店感覺午餐選擇種類都幾多，有鍋物、定食、刺身飯等等我今次選擇左呢個刺身丼～一上枱嘅時候我都哇左一聲！估唔到佢哋嘅刺身都幾新鮮！三文魚係肥美、油甘魚係實在、吞拿魚就差少少啦～而且仲要係片片厚切！完全對得住佢個價錢，呢碗飯大概$72而且碗飯有成兩碗咁多！一個女仔真係食唔晒注意：佢哋逢星期二星期三都休息㗎～

星期同未來老婆中午一齊入左馬灣拍拖行下公園、海邊遠眺青馬大橋，當然都要食個Lunch啦！行下行下去到田寮新村，見到有間裝修唔算冠冕堂皇的日本餐廳，天氣咁熱剛剛好，食D新鮮剌身。

入到去一半座位已經坐滿，有本地人、外國人。

睇吓餐牌午市魚生定食都唔算貴喎！亦都有好多拉麵、烏冬及其他熟食選擇。

最後點左雜錦刺身壽司定食+2隻金芝麻雞翼+1支波子汽水。

定食裡面D刺身都係厚切，海蜇、蟹柳沙律夠凍好Fresh，再加6舊壽司夠曬飽。

另外未來老婆叫的雞翼夠味、皮好脆，雞肉唔算乾。

性價比好高！

一個人開飯，天氣太悶熱了!食d冰冰涼涼既lunch都不錯吧！幸好有位，坐低之後奉上menu，原來下午定食有這麼多選擇，魚生天婦羅烏冬炒飯等，一時間都不知選什麼好! 最後終於我原本想法，叫了一個魚生定食。

食物一到來，我心係嚇了一跳的……咁多魚生的? 6片厚厚的三文魚刺身，剩係呢份都夠飽，仲要有3件加州卷，3件壽司，2件花之戀，如果將這些當作迴轉壽司咁計，4碟都超過100大元吧！而這裡，都只不過是85大元免加一，真是超值，最緊要是新鮮! 下次大家想食超值魚生定食，不防一試!

下午去了馬灣小島，行完沙灘去到村屋的小店食日本菜，三人叫了午市套餐。

店內面積不大，好有日本家庭feel ,店員都好親切同我們打招呼。

餐牌上款式選擇都算多，我自己叫了個什錦刺身定食套餐。

朋友就各自叫了鰻魚炒飯和三文魚定食套餐。

等了幾分鐘，鰻魚炒飯先上枱，朋友分了一碗給我。

一入口，嘩，咁好味既。

個炒飯d炒粒，粒粒分明，軟硬適中，好有咬口。

鰻魚粒雖然切得好細粒，但每一啖飯都好多鰻魚，鰻魚汁好香少少甜，推薦這個飯。

什錦刺身定食望落去份量唔多，以為咁細份實唔飽，但食落又夠喎，飽喎。

三文魚刺身切得厚身，好鮮甜，有魚油好肥味。

至於吞拿魚刺身，就稍為一般，肉質稍乾。

三件壽司的飯是手握的，不會一夾起就散，口感好好。

蟹子沙律的青瓜絲好新鮮，好爽口，配上蟹柳絲撈沙律醬，好清新。

少有的到馬灣玩水上活動，在自稱沒飯開同事的陪同下，連不諳水性的小人都可以狂玩一番，樂而忘返，開心指數爆標！之後肚餓感隨之而來，竟又在附近找到一家日式食店，正合朕意，就吃個烏冬飽飽肚。

肚子正叫得緊要，小人於是要鳥客溫泉蛋牛肉湯烏冬。

呷一口湯，不怎麼樣，沒甚麼大味，倒是溫泉蛋的鮮香蓋過鳥一切，竟是滑美如此，牛肉烏冬直是滑不溜口的，盡顯肥牛的鮮美，比之吉X家絕對更佳，是一個成功的組合。

一個窩蛋牛肉烏冬，就是一個窩心暖意的喜樂午餐。

吃完再去水上活動~~

惠比壽居食屋餐單提供日本菜, 壽司, 刺身等推介美食位於馬灣區，餐廳座位數未知人均消費約$51-100，結賬可以用Visa,Master,現金,銀聯，Booking訂位可以電話致電 29863630 查詢。

您對於馬灣餐廳「惠比壽居食屋」有何 comment？

惠比壽居食屋餐廳詳細資料：

• 惠比壽居食屋地址:
  馬灣田寮新村33號
  Ebisu Japanese Restaurant, No.33, Tin Liu New Village,, Ma Wan
• 惠比壽居食屋電話: 29863630
• 惠比壽居食屋價錢: $51-100
• 分類: 日本菜, 壽司, 刺身
• 座位: 未知
• 付款: Visa,Master,現金,銀聯
• FB專頁: 惠比壽居食屋 Facebook

更多惠比壽居食屋相關資料:

• 惠比壽居食屋分店
• Youtube
• Facebook
• Twitter
• Google