必勝客 青衣
最後更新:
必勝客推介
除咗經典嘅「至尊批」同「超級夏威夷批」，仲有好多沙律、前菜、意粉、頭盤同甜品選擇，餐牌閒閒地有百幾樣嘢揀
青衣必勝客
| 餐廳分店 | 必勝客 |
|---|---|
| 地區 | 青衣 |
| 電話訂位 | 沒有電話提供 |
| 餐單 Menu | 意大利菜, 薄餅, 外賣店, 西餐廳 |
| 人氣指數 | 1034 |
| 價錢幾錢 | $101-200 |
必勝客訂位位於青衣區，詳細地址是青衣青敬路33號青衣城3樓310B號舖，餐廳寬敞座位數目共有未知幾多個。必勝客幾錢？價錢優惠後人均消費大約$101-200埋單，早餐午餐晚餐必勝客餐單包括有意大利菜, 薄餅, 外賣店, 西餐廳等美食，付款方式有Visa,Master,現金,八達通,AE,銀聯,JCB,Apple,Pay,Google,Pay付款。
必勝客優惠
必勝客 評價 相片
今時今日既香港地，食個TEA就算普通茶餐廳都要三十幾四十蚊，講緊可能得隻雞脾加杯野飲咋! 今日約左陳生陳太兩公婆食TEA，一齊食PIZZA HUT!大蝦煙肉焗薯蓉配蒜蓉包($25): $25真係去邊度搵呀? 蒜蓉包好香好脆，蒜蓉味十足! 面嗰層牛油蒜蓉要讚丫!有十個惹味!!!! 焗薯蓉雖然得喎少少，但係都好好味，薯蓉入口即融，有少少咸，大蝦得一隻咁大把XD 不過蝦肉唔鞋口!LIKE!焗肉醬意粉($54)，呢個係牛肉意粉，個汁係蕃茄醬，不過勁好酸呀!我唔中意佢個汁太濃味啦!牛肉碎整到好傑，一PAT PAT咁有D奇怪!大蝦蜆肉焗飯($65)，讚一讚個汁先，幾特別，甜甜地架，唔係平日既意式汁OR蕃茄醬黎，甜甜地開胃又易入口! 蜆肉都幾多，粒粒都幾大粒架! 處理得幾乾淨，無沙! 大蝦肉質好林，好易咬開，鮮味就食唔到啦，但係起碼無雪藏味呀~咁樣埋單都係$160咋，你話抵唔抵先! 不過..我講TEA咋下XD
呢日，同班同學溫完書。
去搵地方食飯，估唔到佢地會黎呢度食。
唔知幾時開始，我覺得呢度啲野食係價格同份量漸漸成反比。
叫我入黎呢度食，我係多麼的不願意。
不過，就比佢地話事啦。
入到去，都無乜特別既。
只係覺得有啲迫，而且還有一點點既唔自在。
睇完個餐牌，決定叫個四人餐再加啲意粉同小食。
前菜、小食餐湯都不外乎紅湯同白湯。
我記得以前多數都係飲白湯，而佢既味道都係一成不變。
點形容，可以用個稠字黎形容。
不過配料都算幾多，蘑菇同雞既份量都算頗多。
蕃茄焗薯皮唔講唔相信，呢個反而算幾有睇頭既一道前菜。
首先，只係將煙肉、蕃茄放上薯皮再焗。
呢個配搭無可能會難食，薯皮唔好食就淤皮囉。
辣味雞翼呢個雞翼都算經典囉，點解咁講。
因為我食唔到辣味咁滯，反而個雞翼係好鹹。
感覺上鹹到似係食緊椒鹽雞翼，不如改名叫椒鹽雞翼仲好。
派對小食拼盤又一無難度之作，但我又唔覺佢好食。
因為只係得炸薯條係新鮮炸起，呢個叫好食啲。
其他既，好似芝士條、鳳尾蝦全部只係室溫。
好似係由開市放到而家，唔通，呢啲食物新鮮炸起係件難過登天既事？意粉、薄餅香蒜肉絲意粉感覺上，蒜味真係幾重。
意粉就同蒜蓉一齊炒，不過青豆、肉絲等既配料應該係最後先放上面。
因為我完全感覺唔到有蒜味，意粉既質感都算中規中矩，無咩突出可言。
卡邦尼煙肉蘑菇闊條麵諗起卡邦尼，我只會想起意粉屋既卡邦尼意粉。
用上左多種芝士既意粉，果種芝味真係留在口裡都頗長既時間。
但呢個味道就強差人意啦，因為我覺得只係忌廉汁闊條麵。
忌廉味太重，食完有種唔應有既"漏"。
食完真係就住就住，果種感覺真係唔知點形容。
肉醬意粉見到呢兜意粉，已經心感不妙。
因為食落真係肉醬撈肉醬，而且係味道頗鹹既肉醬。
雖然蕃茄味都算幾濃，但肉醬已經蓋過蕃茄既味道。
呢碟既主角反而係肉醬，意粉要轉投做配角。
意粉都只係麻麻，無乜口感。
肉醬千層闊麵食左十多年，都係唔明白點解要加上薯蓉。
個闊麵好韌，唔係好易切得開。
個肉醬既味同上面碟意粉無乜分別，都係肉醬撈肉醬。
而個薯蓉既作用係當食完個闊麵唔飽，你仲可以食黎飽肚。
味道都係淡而無味，真係又一經典之作。
帶子火山批食完真係變哂火山look，因為真係無謂之作。
個批最好食只係批邊，芝士既份量係最多。
至於配料，就無乜特別好唔好食。
不過都唔算係突出，只屬平平之作。
批邊算係最好食既一環。
食完呢餐，真係唔知俾一百幾蚊食左啲咩。
講真，出面仲有更多既選擇。
此外，我個同學當見到會員卡只需300元(大專優惠價)。
即刻買左個一年既會藉，我心諗。
最多都係用到300蚊既優惠券，實際上都唔算好抵。
始終，呢度既野食唔太吸引，就算個會藉唔使錢，我都未必想要。
對於購買會藉，都係三思後行，唔好衝動。
值得一提既係，呢度啲服務認真麻麻。
當我地結帳離座既時候，竟要成個字既時間先叫到服務員過黎，都唔知係咩野服務？
未來外母想食Pizza Hut，當然要捨命陪外母啦，週中晚上去啦，前一日驚walkin要等位，特登打去book卡位。
晚上7點鬆D去到，場面冷清，得幾小貓三四枱，係經濟無現實咁好? 還是跑馬日大家去晒馬會茶餐廳呢? 坐低就睇食咩啦，有個匯豐優惠餐，兩個湯，兩個意粉/小食，一個扭扭Pizza，兩杯餐飲及甜品，兩女一男的組合就啱啱好啦。
三文魚湯 幾條生三文魚放在白湯裡，要生食就即食，要熟食就與湯攪勻再食，個湯好"杰"，食餬仔咁，好易就飽咗！ 蒜香雞絲意粉 估你唔到落單數分鐘後就上枱，仲快過個湯，真離奇！好重的蒜香味，還帶點生蒜的辛辣味道，不過只在於意粉上，青豆粒、雞肉並紅蘿蔔粒的配料就明顯分開煮鋪上面，沒有任何蒜香味。
咖喱雞拼千島海鮮烤卷 Menu上的參考圖片超吸引，個卷D"涵"料滿到漏咁；實物上場只見四個由薄餅卷成的卷，"涵"料滿瀉嘅情景就欠奉，幸好薄餅都脆身，"涵"料味道都過得去啦。
千島海鮮厚批 由於之前食過扭扭批未見突出，所以加錢轉批。
過往嘅批係一開八，千島海鮮仲有D魷魚添，個批大到無咩位擺其他，誰知今日就...............個批起碼由大碼變細碼，縮咗兩三吋，由一開八變一開六，魷魚唔多覺，就連蝦仔都失蹤 熱檸水及藍莓青檸賓治 由於有甜品，女朋友點咗熱檸水，"吉"杯內有數片檸檬，一細壺熱水自己斟，之前斟到兩杯滿，今次就一杯半ja，未來外母就試特飲，上枱時女朋友就見到D碎冰佔咗整杯飲品的一半，一杯無甚特別的特飲！ 呍呢拿雪糕配士多啤梨醬汁(2客) 最後的點綴，有好過無，讚一讚的係佢個兜(可能連雪糕)應該放入雪櫃，客人要先攞出嚟，減慢雪糕熔的程度。
價錢都尚可以，八點幾走場面仍然冷清，係Pizza Hut錯咗? 定係其他外賣Pizza鋪掘起搶生意呢??
見無乜人等位，就黎左Pizza Hut...被安排坐卡位，真乎合我閒嘆既心情點左Lunch Set 香辣肉腸特脆批、三文魚凱撒沙律同埋一客卡邦尼雞肉寬面前湯係意大利蔬菜湯，湯料超多，另配以烤焗好的蒜蓉包一齊上，合到好處~凯撒沙律，菜不新鮮，此為沙律之大忌......劣~卡邦尼雞肉寬面朋友覺得唔夠味，所以自己加左芝士粉配食先ok香辣肉腸特脆批Normal，無乜特別餐廳需大，但想搵起侍應黎都好耐先叫到人...
好耐未試過係pizza hut 堂食lu..今日一行4人大約7pm去到,唔駛5mins就有位啦, 真係好~~叫左:千島海鮮必勝批 我個人覺得係pizza hut最好味既pizza, 好多新出既pizza都唔及佢千層肉醬闊條麵 鐘意食薯蓉同肉醬既朋友必叫焗田螺薯蓉蘋果卷 有呍呢嗱+蘋果味 外皮幾軟..好味埋單$294值得一讚係侍應服務幾好~~好過好多餐廳的黑面神~~
必勝客餐單提供意大利菜, 薄餅, 外賣店, 西餐廳等推介美食位於青衣區，餐廳座位數未知人均消費約$101-200，結賬可以用Visa,Master,現金,八達通,AE,銀聯,JCB,Apple,Pay,Google,Pay。
您對於青衣餐廳「必勝客」有何 comment？
必勝客餐廳詳細資料：
- 必勝客地址: 青衣青敬路33號青衣城3樓310B號舖 Pizza Hut, Shop310 B,3/ F, Maritime Square,33 Tsing King Road, Tsing Yi
- 必勝客電話:
- 必勝客價錢: $101-200
- 分類: 意大利菜, 薄餅, 外賣店, 西餐廳
- 座位: 未知
- 付款: Visa,Master,現金,八達通,AE,銀聯,JCB,Apple,Pay,Google,Pay
- FB專頁: 必勝客 Facebook
更多必勝客相關資料:
香港餐廳2026推介10月