MOS Burger 青衣

MOS Burger 評價 相片

由荃灣健走到青衣，去長發商場嘅mos burger補充一下體力。

試左佢地新推出嘅限定黑椒雞扒漢堡餐，佢原本會加香芒醬，但個人對芒果麻麻地，職員話唔可以改其他醬，只可以揀唔要醬，所以我就走左醬，再配大薯條同熱檸水。

雖然冇醬，但都好好味😋包好軟熟、雞扒嫩滑入味、配菜新鮮爽脆，尤其鍾意佢落左紅椒👍🏻😉薯條新鮮炸起熱辣辣，佢比麥當勞嘅厚身，每一啖都食到好實在嘅薯肉🥔見到佢餐牌有金平牛蒡漢堡包，係素食黎，下次可以試下😉

今日同女朋友都夜放工，為左快快食完飯返屋企休息就去左長發睇下有咩食，發現Mos burger開返，之前應該一d問題有一段時間都無開，見佢開返就試下如何，我地一人叫左一個餐，叫左一個海鮮包餐配雞塊，一個就係黑醋雞肉漢堡餐配厚薯條仲加左個湯。

黎到之後一試味道依然。

海鮮包既料真係好足，而且包底係飯做既，食落好似食似壽司又但由於配料係暖暖既海鮮所以食落去無食壽司果種凍既感覺，有時食得多簡單既碟碟飯轉下口味食依種用飯黎做包底既包係別有一種味道。

食完包我地食個雞塊，雞塊就唔駛講喇最主要都係同M記既去比較，相比起M記既雞塊又乾雞肉又老，Mos Burger既雞塊食落去個皮炸得無咁乾，𥚃面既肉依然食落去無咁老依然知道自己係食緊雞肉。

哈。

黑醋雞肉漢堡就同相對簡單，只係醬汁生菜絲同炸雞肉，但比較其他快餐既雞肉包佢既味道都係一流，而且佢地用既包都係比較爽口，無M記同 Triple O咁乾，薯條就正常喇。

只係我本身覺得厚身薯條比較好食，所以我會加分。

個湯就真係不值一提，12蚊飲一個加工制成品真係唔會再叫。

係長發多返Mos burger係多一個選擇。

而且想講下依度做野既姐姐好細心好好人

摩斯漢堡曾幾何時係日式優質漢堡的代名詞，較深印象係漢堡包的溫度控制得宜，大大提升客人滿足感。

而長發商場的摩斯漢堡雖比不上目黑區深宵那間摩斯漢堡店，但記之中漢堡包和薯條基本上都是熱的。

BBQ洋蔥圈和牛漢堡塊和牛漢堡扒都幾大塊，真係大過個飽！洋蔥圈炸得香脆可口，仲有蘑菇片，配搭得唔錯，可惜個飽唔夠熱，美味可口程度大打折扣。

好在薯條份量十足，點埋茄醬相當美味，為整個漢堡餐挽回些少分數！希望只是一時失手吧！

每次食呢間餐廳既漢堡，都覺得好新鮮，食唔流！對於快餐店黎講，比m記同k記好食好多！價錢又唔貴，一個套餐，包括有漢堡，沙律，薯條同埋嘢飲，都係50蚊倒！真係良心企業！平之餘仲好好味，首先講一講個包，包皮鬆脆，裡面既炸雞肉加埋特配醬汁真係無得彈！同埋，最值得誇獎既係，佢哋既蔬菜真係好新鮮好新鮮，咬落卜卜脆！薯條就一般，可能太大條，所以得外面脆，入面有啲霖。

最後再加埋杯柚子汽水，真係忍唔住“哇”一聲，真係好正好好食！

今日我同男朋友去左青衣 因為佢係青衣到打比賽 咁作為24 孝女朋友我緊係要去支持啦 不過佢夜晚九點先打 我地就食埋晚飯先去 做運重之前又唔想食咁飽 我地就揀左係長發商場嘅mos burger 到買包食一入到去就見到個牌介紹和牛野菌漢堡 我地見佢幾吸引 就叫左黎試 再加左個沙律配和風醬 （因為沙律醬比較肥 而和風醬似醬油 酸酸甜幾新鮮）個沙律啲菜都幾爽幾新鮮 唔似放左好耐 加埋個和風醬 止到食欲又健康 而且都好味 唔會覺得自己食草 而個包都冇叫錯 個包熱辣辣 而且好鬆軟 裏面有和牛 芝士 磨菇 仲有你冇諗過會有嘅南瓜 依個配搭真係唔錯! 依間比麥記貴 但質素都比佢好

MOS Burger餐單提供日本菜, 漢堡包, 快餐店等推介美食位於青衣區，餐廳座位數未知人均消費約$50以下，結賬可以用現金,八達通，Booking訂位可以電話致電 24350855 查詢。

您對於青衣餐廳「MOS Burger」有何 comment？

MOS Burger餐廳詳細資料：

• MOS Burger地址:
  青衣担杆山路6號長發邨長發廣場2樓203及203A號舖
  MOS Burger, Shop203-203 A,2/ F., Cheung Fat Plaza, Cheung Fat Estate,6 Tam Kon Shan Road, Tsing Yi
• MOS Burger電話: 24350855
• MOS Burger價錢: $50以下
• 分類: 日本菜, 漢堡包, 快餐店
• 座位: 未知
• 付款: 現金,八達通
• FB專頁: MOS Burger Facebook

更多MOS Burger相關資料:

• MOS Burger分店
• Youtube
• Facebook
• Twitter
• Google