陳通記 長洲

陳通記 評價 相片

要食長洲既地道美食，連平時長洲居民都成日食既野，去熟食中心就最好不過，我都係近期先知有間人氣小店係熟食中心入面。

以前去長洲都無特登去熟食中心搵野食，只係經過都見到好多人夜晚食海鮮，原來一直都錯過左呢間出名沙嗲牛既大排檔。

通記又叫陳通記，係係長洲熟食中心入面既老字號大排檔，最人氣最多街坊食既有沙嗲牛、豬膶、魚蛋、羅漢齋、甚至係本地漁民新鮮捉到既鮮魷，不過鮮魷就供貨唔定，店鋪當眼處會貼紙牌話悿大家知當天鮮魷既供應情況。

由碼頭行過去大概兩分鐘就到熟食中心，行到去中間就會見到通記既招牌，雖然係星期日人流多，但通記未至於坐爆人要等位。

除了大排檔既半室外位外，入面都有冷氣室內位。

落左單10分鐘後野食就到。

1️⃣ 沙嗲牛肉米粉 💰33（👅: 8/10）通記既招牌係沙嗲牛湯底，出名味道夠濃，食落唔太辣，反而充滿椰香同花生味，而且會食到花生粒。

其實本身湯底係會用新鮮金華火腿骨熬煮，不過加左沙嗲牛基本上飲唔出。

可以睇到沙嗲牛非常之濃，會見到起哂沙，而且呢種沙嗲牛係落花生個種，食落花生味重，食到好多花生碎，口感豐富，如果你係鍾意花生味既沙嗲牛，咁呢間好值得一試。

而沙嗲牛既醬汁唔係濃稠個種，所以溝左湯之後都無特別濃而係比較稀，不過飲落都夠味，而且唔會太鹹。

牛肉份量非常多，食落算軟腍且無筋，不過沙爹味就欠奉，但會痴住好多花生粒。

沙嗲牛最常見就係配公仔麵，不過因為之後仲有好多間餐廳想食，就無食到咁HEAVY，而呢度最多人叫反而唔係公仔麵，而係米通，米通就係又長又直既通粉，米通同沙嗲牛最夾既地方係因為佢中間可以索哂沙嗲牛既湯汁一齊食，但可惜去到個時米通好似岩岩賣哂(大概星期日既下午三點半) ，所以就叫左米粉。

米粉食落正常，無話煮到太硬或者太淋。

成碗沙嗲牛肉米份量其實都幾大下，如果一個人食食完應該就會飽食唔到其他野，建議可以同人一齊SHARE。

2️⃣ 西多士 💰23（👅: 7.5/10）西多士係即叫即整，係新鮮炸起，上枱時係熱辣辣。

雖然影相影左一陣，不過上枱時其實牛油已經融到變成牛油水，證明個西多士真係好熱，或者牛油好早就擺左上去。

食落麵包夠鬆軟，西多士邊食落都脆口，蛋香濃郁，西多士內餡係無花生醬，如果鍾意食花生醬西多士既大家可能會無咁鍾意。

另外店員會問你要煉奶定係糖漿，二揀一，感覺煉奶會更好食所以揀左，煉奶同牛油加落西多士絕對係邪惡但好食既配搭。

3️⃣ 維他奶 💰12（👅: 7/10）維他奶就係平時熟食中心見到既樽裝版，唔知點解覺得樽裝既會特別好飲，如果係冬天飲覺得特別暖特別好飲。

🌟最可惜係食唔到沙嗲牛既米通，因為唔多地方有米通揀，諗起米通可以索哂D沙嗲湯汁，甚至會有花生粒就知好食，如果想食到確實要早D去。

除左沙嗲牛之外，都有1D好懷舊既茶記選舉好似滾水蛋、檸樂煲薑等。

下次去長洲可以唔再盲綜綜淨係食大魚蛋同芒果糯米磁，呢間通記絕對係其中一間人氣選擇。

👅味道: 8/10🍴環境: 6.5/10💰消費: 68 (服務費: NA)

長洲呢間沙嗲牛肉麵/通/米通 都好出名，今日朋友終於帶我黎食下，由於冷氣位full，所以坐左出面食。

我點左沙嗲牛肉麵，即整所以超級熱辣辣，牛肉味幾重，肉質夠嫩滑，沙嗲湯底真係讚，好濃郁惹味好香，帶濃濃花生味，食落唔膩，仲幾多花生粒。

個麵煮得剛好，拌勻掛哂沙嗲湯汁，好正。

友人點左 沙嗲肥牛通粉，肥牛入口嫩彈，通粉唔會軟哂，保持微彈，每啖都連住香濃沙嗲湯食，更香更滋味。

再share西多士配煉奶，遲左黎無哂咖央西多。

不過原味都正，炸得金黃香口，西多吸哂煉奶同牛油香，味道甜美可口，邪惡度爆滿。

炸橙原來係炸橙汁，友人話超好飲，超正。

見有街坊都飲呢個。

我個凍奶茶就夠哂茶濃奶滑香甜，但太熱而冰好快溶，搞到杯野飲好快變淡味。

兩個人去長洲，當然就係搵好嘢食啦。

上網睇好多食評，都推介呢間嘅沙嗲鮮牛肉公仔麵，而我哋去咁多次長洲都未試過，所以就一於去試吓。

佢屬於懷舊嘅大排檔，同埋佢位置喺其他大排檔嘅中間。

一開始睇地圖都幾難搵，不過最尾跟下跟下人，就去到了。

🍻🍻我哋去到之後，啲店員話要自己搵位，所以我哋搵位都搵咗10分鐘左右。

😖始終係朝聖地方，同埋我去嗰日係星期日，所以都明白嘅。

相信平日會好啲。

我哋最後叫咗兩碗沙嗲鮮牛肉公仔麵，同埋兩杯凍奶茶($18@1)。

影完相之後急不及待食。

個沙嗲湯底都好香，好重沙嗲味。

至於鮮牛肉方面，都好爽口，唔會覺得好難咬。

最開心係佢比咗幾條生菜！ （誠意嘅表現）😂😂😂如果要批評的話，我會覺得沙嗲湯底可以更濃，咁樣味道會更加出！至於奶茶方面，我個人會覺得甜咗少少。

如果去嘅話可以叫少甜。

不過整體來講都係好飲的。

如果大家來長洲，不妨一試。

雖然唔會話係好好味嘅美食，但係佢比出邊嘅茶餐廳嘅味道算好。

喜歡沙嗲牛肉麵嘅你一定要試吓。

🍜🍜🍜

今日同屋企人入長洲一遊見到網上推介新鮮沙嗲牛肉麵 仲有鹹牛肉蛋治同埋鮮魷魚 帶住冒險精神一嘗餐廳位於碼頭附近，5分鐘內到達。

可惜今日天氣有點熱成30幾度。

事頭婆好客氣招呼咗我哋入去裏面有冷氣嘅位度， 服務態度唔錯加上而家長洲唔係好多人。

環境個人感覺都還算可以。

但係始終係舊式餐廳， 母親大人認為環境有待改善 。

對於路過嘅小蒼蠅感到不滿。

新鮮沙嗲牛肉麵 沙嗲底主要以花生醬同埋蒜蓉撈成， 食落去有粒粒嘅花生味 沙嗲底比較厚身感覺上有啲似食緊撈麵嘅感覺，咪道濃郁。

米通底混為一體， 感覺非常滑口。

比較特別的口感。

牛肉雖然唔多，但質感同咪道也合格。

咸牛肉蛋治味道和出面差唔多。

我只要欣賞佢 用料均勻， 幾乎牛肉和蛋係覆蓋成塊麵包， 唔會有咬咗一啖白麵包的空虛感。

鮮魷魚今日依然無貨。

。

近幾年都冇去過長洲，假日去應該行都行唔到，趁平日先敢去。

之前見到沙嗲牛肉麵關注組有好多人都推介佢，就特登入黎食。

佢個位置好隱閉下，開住地圖咁搵先識行入去。

​揀左坐入面有冷氣既位，不過係夏天都係依然會覺得好熱，位置都比較擠逼。

​沙嗲牛肉米通 ($33)​個湯底果然名不虛傳，非常之濃郁，米通好似得呢到食到，幾特別而且佢比通粉更入味。

不過就比較重口味，食到尾會覺得鹹。

​​凍奶茶 ($18)​奶味比較重既奶茶，怕甜既可以叫少甜。

​​

陳通記餐單提供港式, 粉麵, 米線, 熟食中心等推介美食位於長洲區，餐廳座位數未知人均消費約$50以下，結賬可以用現金，Booking訂位可以電話致電 29818877 查詢。

您對於長洲餐廳「陳通記」有何 comment？

陳通記餐廳詳細資料：

• 陳通記地址:
  長洲海傍街熟食中心13號舖
  Tung Kee Noodle Restaurant, Shop4, Praya Street Market, Cheung Chau
• 陳通記電話: 29818877
• 陳通記價錢: $50以下
• 分類: 港式, 粉麵, 米線, 熟食中心
• 座位: 未知
• 付款: 現金
• FB專頁: 陳通記 Facebook

更多陳通記相關資料:

• 陳通記分店
• Youtube
• Facebook
• Twitter
• Google