薰甘同味 長沙灣
最後更新:
薰甘同味推介
其實我唔係第一次幫襯，我覺得呢間小店啲湯底唔錯幾好食，但係肺炎發生之後第一次黎，發覺啲員工嘅衛生意識好差（可能係li個時期會敏感d)姐姐有帶手套，但係執枱（客人用過既紙巾等等）之後又拎嘢食俾人，仲入廚房整埋埋野食，又再出黎收錢，之後又去沖野飲。我仲食唔食好？！我明白小店無咩人手，但全店得四個客（加dd外賣單）我見有一個廚師，兩個姐姐，其實分工可以好少少 ，或者執完枱洗一洗個手套先呢今日叫咗個咖喱豬扒飯，第一次食飯，咖喱汁好少唔夠撈飯，味道係可以既。
長沙灣薰甘同味
| 餐廳分店 | 薰甘同味 |
|---|---|
| 地區 | 長沙灣 |
| 電話訂位 | 54051484 |
| 餐單 Menu | 馬來西亞菜, 粉麵, 米線 |
| 人氣指數 | 935 |
| 價錢幾錢 | $50以下 |
薰甘同味訂位位於長沙灣區，詳細地址是長沙灣元州街399號喜漾地下2號舖，餐廳寬敞座位數目共有未知幾多個。薰甘同味幾錢？價錢優惠後人均消費大約$50以下埋單，早餐午餐晚餐薰甘同味餐單包括有馬來西亞菜, 粉麵, 米線等美食，付款方式有AlipayHK,支付寶,現金付款，Booking網上訂位可以電話致電 54051484 查詢訂座。
薰甘同味優惠
薰甘同味 評價 相片
其實我唔係第一次幫襯，我覺得呢間小店啲湯底唔錯幾好食，但係肺炎發生之後第一次黎，發覺啲員工嘅衛生意識好差（可能係li個時期會敏感d)姐姐有帶手套，但係執枱（客人用過既紙巾等等）之後又拎嘢食俾人，仲入廚房整埋埋野食，又再出黎收錢，之後又去沖野飲。
我仲食唔食好？！我明白小店無咩人手，但全店得四個客（加dd外賣單）我見有一個廚師，兩個姐姐，其實分工可以好少少 ，或者執完枱洗一洗個手套先呢今日叫咗個咖喱豬扒飯，第一次食飯，咖喱汁好少唔夠撈飯，味道係可以既。
轉左工2個月了，黎到長沙灣區做野真係好多野食！今日一個人食lunch周圍行下發現依間小店，值得支持！叫左韓式芝士撈面配雞扒（$40），十分抵食，好值得支持下！會再黎💪🏻
Happy Friday約左朋友睇7點鐘戲，但由於佢黎到長沙灣已經6點零。
時間唔多，所以只可以食粉麵類。
今次呢間小店位於一個唔起眼既角位，而且網上食評唔多，但勝在好評率高達100%，價錢又吸引，完全搵唔到唔試佢既理由。
小店座位大概有20個，我地晚上6:15到達，唔駛等位可以直入。
餐牌選擇唔少，除左主餐牌既粉麵套餐同小食之外，仲有每日精選飯餐供選擇，而且所有食物價錢都唔過$50，非常平民。
黎親呢度既客人，我見十個有十個都會點入口即溶秘製豬軟骨，我當然唔執輸點左一份啦!! 豬軟骨配馬拉喇沙湯麵 $40豬軟骨慢煮到非常淋，稍為用多少少力就會夾到散哂，味道唔錯，鹹甜適中，不過我覺得未誇張到入口即溶，反而以「無牙既人都食到」形容比較貼切；除左豬軟骨外，蘿蔔清甜無渣、湯底夠香但又唔會一味得個鹹字、麵底更係油麵加米粉，一次過有兩種唔同既口感，整體非常唔錯!!如果覺得唔夠辣既朋友，更可以加自家製既辣菜脯添。
見到咁多辣椒籽，就知加少少已經好夠辣!香茅雞扒蔥油飯 $42外貎比較普通，不過其重點係塊香茅雞扒，煎到金金黃黃好靚仔!! 而且又厚又滑，香芧味又香，推介。
套餐加配小食芝士醬雞球 $16大粒雞球炸得夠脆，口感未到好嫩但又唔會覺得乾同硬，呢個價錢黎講絕對收貨；個醬既芝士味好淡，如果衝著個芝士醬而點呢款小食既朋友，一定會倍感失望。
鹽酥豬軟骨 $25第一次見炸豬軟骨呢類小食，覺得好特別，所以即使已經點左秘製豬軟骨都仍然點埋佢，而事實都證明無點錯，我同朋友全餐最驚喜、最中意就係佢，可謂必點之選!! 新鮮炸出黎既豬軟骨，灑上少許辣椒粉，食落有辣椒既香，但又唔會辣到無左味覺；外皮酥脆，內裡軟淋淋，肥膏位更係半溶狀態，可惜只得三件，唔夠喉….紫薯餅 $20一客有四件，雖然炸到有少許過左火，但完全無影響其味道，紫薯餡夠甜夠粉。
餐飲更有涼茶可揀，而且只屬微甜，好岩我個人口味，食完熱氣野可以即刻降一降火，小店非常貼心。
除此之外，職員有愛心、細心、主動，例如當晚有位老太太進膳，佢地主動提供鉸剪。
難怪小店只有好評，值得再次光顧。
已經食過薰甘同味好多次，由佢初初開張$35一碗食到依家$40一碗，講緊都係一年內既事。
雖然貴左咁多，但我都依然返轉頭，全因為佢既白咖哩湯底同豬軟骨!湯麵套餐先選湯底，再選一款配料，最後選麵底。
另包括一杯野飲。
而我10次裡面有9次都係白咖哩湯底+豬軟骨拉都麵~白咖哩湯底香濃，一D都唔辣，每次我都幾乎會飲哂成個湯。
雖然白咖哩都算係重口味湯底，但飲完一D都唔會口渴!不得不提係佢既豬軟骨，豬軟骨味道帶甜，似日式做法，豬軟骨燜煮得非常淋身，淋身程度就算無牙婆婆都可以輕鬆食到。
可以見到裡面既軟骨都已經變成啫喱狀，好明顯係經過長時間燜煮而成，食得出店主既用心製作，唔似坊間一D豬軟骨咁，D骨係硬到食唔落。
麵底可以自選自家製拉麵/烏冬/米粉/米線/油麵。
我今次揀左烏冬，烏冬煙韌，無特別。
以往我都係食自家製拉麵，麵身有少少彎曲，口感煙煙韌韌幾有特色。
配料有白蘿蔔，雖然已經過左白蘿蔔最靚既時候，但蘿蔔依然好清甜，好淋，無渣。
如果你係第一次黎食，一定要揀馬拉白咖哩湯+豬軟骨+自家製拉麵，三樣野都好有特色，包你一試愛上!
周圍食肆都係人，度度都有等位嘅人，行行下就見到呢間，門口唔多人等位，就試一試呢間！佢個menu都幾國際化，有馬拉嘅喇沙、日本九州嘅拉麵、韓式撈麵、星加坡沙嗲米線、泰式咖哩撈麵，連小食都有印度薄餅！叫個感覺穩陣嘅韓式芝士撈麵+沙嗲肥牛，配凍熱柚子茶或涼茶，都係$40！呢個撈麵都ok，有芝士同蟹子令成個感覺豐富左，無咁寡！而沙嗲肥牛都入味，略嫌唔夠多！另外加$12加個冷拼盤，日式麻醬豆腐、芥蘭四季豆同芥辣秋葵！佢份量都幾細，如果諗住食啲蔬菜，呢個係唔太抵！
薰甘同味餐單提供馬來西亞菜, 粉麵, 米線等推介美食位於長沙灣區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 54051484 查詢。
您對於長沙灣餐廳「薰甘同味」有何 comment？
薰甘同味餐廳詳細資料：
- 薰甘同味地址: 長沙灣元州街399號喜漾地下2號舖 Kum’s Noodle Kitchen, Shop2, G/ F, Heya Aqua,399 Un Chau Street, Cheung Sha Wan
- 薰甘同味電話: 54051484
- 薰甘同味價錢: $50以下
- 分類: 馬來西亞菜, 粉麵, 米線
- 座位: 未知
- 付款: AlipayHK,支付寶,現金
- FB專頁: 薰甘同味 Facebook
更多薰甘同味相關資料:
香港餐廳2026推介9月