杜鵑茶餐廳 長沙灣

杜鵑茶餐廳 評價 相片

沙爹牛肉麵 very good!! 味道同廿年前一樣!! 火腿奄列 wondeful!! 多火腿和蛋夠滑!!奶茶 tasty!! 茶味濃淡適中!!點菜阿姐都幾親切!!高度支持!!

蘇屋邨已進入最後倒數階段,較高位置的牡丹`蘭花`壽菊`劍蘭`石竹樓早已移為平地,現只剩下"半山"以下的尚未動工,住戶大部份已遷出,店鋪亦只剩下一兩家在營業.如有八十歲壽命的話即是有接近四份之一的光陰是在此渡過.雖已離開了這裡多年但偶爾也會回邨內走走.到鄰近青山道的金園或這裡吃點東西.年輕有一段時間食量偏大,光吃一份早餐是絕對不感滿足,鄰近的茶餐廳就只得這裡兼賣燒賣粉果!坐在角落的卡位,這是甚少有機會坐到的位置.因為以前來的時候多是早餐時段,這張檯就風雨不改坐著幾位軍裝阿sir在吃早餐.來到今天還有賣$29的經濟快餐,還要是差不多絕跡大小餐廳多時的牛扒飯!粉果來貨加熱的粉果皮厚餡料尚算豐富,好吃談不上但勝在夠飽肚.但記著要加多豉油!調味不錯是原因之一但吃完粉果剩下的豉油是另有用途.凍奶茶滑身,茶味略淡.火腿奄列全熟蛋汁欠奉,幸吃起來尚有一點滑.沙爹牛肉麵這味道真是廿年如一日!沙爹牛肉味道不濃但勝在沒經化學處理,麵條煮得過淋湯底味道略淡,剛才吃完粉果剩下的豉油是時候大派用場!把豉油加進湯後味道是剛好.(大家可能覺得多餘!直接要求多碟豉油咪得囉!)我想每個人年少時吃東西總有些不能解釋的奇怪習慣.舊邨清拆許多景物留不住,但經歷過的舊事情吃過的舊味道將永留心中.

舊區閒遊，睇下有D咩野得意野，見佢貼滿晒雜誌介紹，就入去試下。

叫咗個午餐加個豬扒飽，午餐嘅沙爹牛肉麵用咗丁麵，鮮牛肉切得大件，唔錯。

牛油餐飽牛油下得夠多，揸滿曬，火煺奄列又係有好多火煺，炒蛋亦好滑。

午餐用料充足，味道佳，抵食！唔夠喉再加豬扒飽，嘩！估唔到個飽咁大個！係我食過所有茶餐廳快餐店中最大嘅，豬扒較薄但較一般大塊，仲加有蕃茄同青瓜，好豐富，$17一個係好抵食！據聞蘇屋村就嚟拆，咁要試就要快手喇！

今日瞓醒...突然好想食個"常餐",咪周圍揾吓喇,行到蘇屋村附近醒起有間屋村茶餐廳,咁咪會一會佢囉午餐:沙嗲牛公仔麵,火腿奄列+方包...$26蚊 凍飲+$2蚊其實味道就真係普普通通,普通茶檔嘢,冇咩特別驚喜,只係比咗啲"回憶"我,諗番起細個喺黃大仙上村成日食果間"美景茶餐廳"啫睇open rice咁多人話"好食"...原來係見佢就嚟拆,比啲"集體回憶分"佢啫"番卓"指數:2分 (10分為滿分)

昨日睇到open rice介紹這間茶餐廳.中午去試過.人流好小.試在楊洲妙飯+熱奶茶同蛋墶、皮較厚.薄d會好些、但出品真系好差.d蝦仁凍架、以及飯系偏硬.奶茶尚可.衛生不太完善.可能快將清拆屋邨.不可要求太高啦.

杜鵑茶餐廳餐單提供港式, 茶餐廳, 冰室等推介美食位於長沙灣區，餐廳座位數未知人均消費約$50以下，結賬可以用現金。

您對於長沙灣餐廳「杜鵑茶餐廳」有何 comment？

杜鵑茶餐廳餐廳詳細資料：

• 杜鵑茶餐廳地址:
  長沙灣蘇屋村杜鵑樓175-176號
  Azalea Cafe, 175-176 Azalea House, So Uk Estate, Cheung Sha Wan
• 杜鵑茶餐廳電話:  
• 杜鵑茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 杜鵑茶餐廳 Facebook

更多杜鵑茶餐廳相關資料:

• 杜鵑茶餐廳分店
• Youtube
• Facebook
• Twitter
• Google