新華茶餐廳 長沙灣

新華茶餐廳 評價 相片

再來沙爹牛加茶走，冇得輸。

真係百吃不厭！比附近名店更出色！茶走味道正宗，茶香奶滑，已經不太多地方做得好。

沙爹牛汁香濃，差d湯都飲埋。

蛋撻也不錯！茶餐廳葡撻老店老味道，我仔都中意！

新華茶餐廳走典型舊式風格，行過見到有幾個人在門外排隊，原來係新鮮熱辣既蛋撻剛剛出爐，旁邊仲有葡撻、雞批同麵包，價錢一目了然，最貴既雞批都只需要$10一個酥皮蛋撻 $7放在手心都幾熱，但不致於辣嘴，size比金園細少少，我覺得酥皮偏厚，酥皮層次唔算好分明，但熱食夠鬆化，而且勝在唔太油膩，食完唔會成手油，蛋心幾滑溜，唔會過甜葡式蛋撻 $8葡撻應該出爐左一段時間，帶微暖，表面酥皮帶焦啡色，不過食落冇咁酥化，比起酥皮蛋撻硬身，蛋漿焦香度似有還無，蛋香不足，比較失望

#新華茶餐廳 🔶特餐〰️#沙嗲牛肉麵 $41🔶聽講長沙灣有間懷舊茶記沙牛麵都出出地名wo，特登去試~ 其實個沙嗲味係唔錯的~加埋🐮牛肉好入味。

😶‍🌫️問題係d牛肉好細塊同少，好快就食完d肉，係冇多餘既醬撈湯，而個湯係清水味同唔太熱，好似食緊清水米粉咁😂🔹🍳火腿奄列油到hihi 😵‍💫 🔹🍞餐包沒特別可能係食佢既懷舊味道掛..?!🤐

話說完Sem嘅小編前兩日出長沙灣，原本係想去金園食蛋撻，結果成功摸咗個門釘😂(大家出家食嘢記得搵定資料，留意店家幾時休息，唔好學小編咁)，所以最後去咗附近嘅新華食嘢。

酥皮蛋撻 ($7/1個)小編嗰日好好彩，嗌嗰陣啲蛋撻啱啱新鮮出爐，散發著滿滿嘅牛油香🤤。

夥計叔叔同我講話佢哋嘅酥皮有成200層咁多，仲提我要趁熱食。

蛋撻嘅皮咬落確實好鬆化，但小編望落層次就冇話好分明，麵粉香伴隨住少牛油味散發喺口入面😍；蛋漿嘅質地更加係小編食過最滿意嘅💯，做到少少流心，凍L凍L嘅效果，而且有蛋香得嚟唔會過甜，好啱小編胃口，食兩個完全冇問題。

整體外酥脆內軟滑，口感非常豐富😋。

但小編覺得佢哋嘅蛋漿色澤可以再深少少，蛋香再濃翻啲啲，咁就perfect嘞！溫馨提示：堂食蛋撻唔好咬太大啖，否則可能燙腫個口。

(唔好問我點解會知)評分：8.7/10波蘿油下午茶餐 ($29)呢個包欺騙咗我感情，上網啲人話佢好食，好食毛毛😭。

首先佢面層嘅豬油明顯焗過朧，太深色，而且唔脆冇裂痕❌，仲好容易剝落；麵包甜甜地幾香，不過係空氣包，零回彈力，包體亦唔夠熱。

成個波蘿油得塊牛油係凍同好食，小編希望嗰日純粹係師傅狀態冇咁好，然而我還是傷心了😟。

評分：4.0/10 熱奶茶 (跟餐)呢杯嘢冇得輸，係小編繼利口福之後飲過奶味超濃嘅奶茶，入口順滑，但茶澀味自然會削弱咗，鐘唔鐘意就視乎大家嘅口味😉。

評分：8.5/10整體評分：7.3/10小編回頭率：7/10小編今次特例show整單項食物嘅評分，主要係因為佢嘅菠蘿油完全係個笑話🤓，但係佢嘅蛋撻同奶茶小編都好推薦，唔希望大家比個整體評分誤導咗，以為佢哋唔好食🙏🏻，同時都希望店家可以改善下。

小編嗰日食咗一個蛋撻，然後食個菠蘿油，最後再食個蛋撻，成個歷程完全就係由天堂墮入地獄再折返人間🤧。

特登去長沙灣搵蛋撻嚟食😂天時暑熱 就座低食啦酥皮蛋撻首先外觀好靚仔 ， 蛋夠飽滿、酥皮夠厚同立體高質皮厚薄剛好，由面到底都夠酥脆而且唔油膩 有蛋香，夠飽滿夠嫩滑甜度剛剛好一切完美

新華茶餐廳餐單提供港式, 茶餐廳, 冰室等推介美食位於長沙灣區，餐廳座位數100人均消費約$50以下，結賬可以用現金，Booking訂位可以電話致電 23873698 查詢。

您對於長沙灣餐廳「新華茶餐廳」有何 comment？

新華茶餐廳餐廳詳細資料：

• 新華茶餐廳地址:
  長沙灣青山道334號
  Sun Wah Cafe, 334 Castle Peak Road,, Cheung Sha Wan
• 新華茶餐廳電話: 23873698
• 新華茶餐廳價錢: $50以下
• 分類: 港式, 茶餐廳, 冰室
• 座位: 100
• 付款: 現金
• FB專頁: 新華茶餐廳 Facebook

更多新華茶餐廳相關資料:

• 新華茶餐廳分店
• Youtube
• Facebook
• Twitter
• Google