好彩海鮮酒家 長沙灣

好彩海鮮酒家 評價 相片

幾乎每個月有一個星期日總會黎至少一次, 方便爸爸易泊車而且基本上唔使點排隊, 所以就成為屋企人飲茶首選依間酒樓真係由細細個飲茶飲到大, 入面的格局裝潢都無點變過, 不過人手真係有D不足, 好耐都無員工主動加水, 眼見員工都忙個不停都唔好意思叫了.. 食物質素就算不錯, 有老牌酒樓應有的水準咸水角炸得外脆內軟 , 內裡餡料的豬肉碎就少左D, 不過仍然好味馬拉糕質地鬆軟香甜, 口感好好 😊鳯爪又係每次黎酒樓必點, 醬汁剛好唔會太鹹太淡最後點了麻蓉包，麻蓉比較乾身不過饀料唔算少斷好味

星期日晚同家人晚飯, 叫咗隻BB豬, 同其他餸菜, D 食物OK, BB豬都幾脆同足夠十位享用. 但講到整間酒家既服務真係差到冇朋友! 坐底叫餸, 冇人落單, D 待應同部長, 見到你揮手叫佢, 都當睇你唔到, 一個待應行來, 又話唔係佢落單, 叫個部長, 部長又當睇你唔到, 係要嘈到拆天, 先有個女部長, 行來幫你落單, 然後, 想要D 杯, 叫咗個秃頭老年部長, 佢應咗你之後, 走去睇電視?! 完全係HEA你. 咁都升到做部長?! 總括, 食物係OK, 但有係俾錢食飯受氣. 同區仲有其他酒家, 真係唔會再來. 

同家人gathering，有幾項要求: 交通方便、有位泊車、有片皮鴨食、好食、價錢大眾化。

呢間好彩完全合乎我地嘅要求，係我地屋企人食飯其中一個飯堂。

屋企人超鍾意食片皮鴨 ，我叫咗兩大隻片皮鴨， 食個痛快，唔駛讓黎讓去。

片皮鴨冇論皮、肉、包、醬都好好食。

不過當然唔係專業大師傅切，係部長叔叔操刀。

另外推介冬瓜盅，非常清香，材料十足，有帶子、 金華火腿、 瑤柱，一盅共有十幾碗。

今日行運，唔係次次好食嘅菠生炒骨都又脆、又juicy 喎。

今晚同屋企人一行十人， 搵地方食晚飯。

我哋揀咗呢間好彩酒樓 ，鍾意佢泊車方便， 有片皮鴨食， 錢又平。

由於我哋真係非常鍾意食片皮鴨 ，我哋預訂咗兩隻片皮鴨， 另外預訂咗一個冬瓜盅 注意: 冬瓜盅同片皮鴨係要預訂嘅講下啲嘢好唔好食先: 冬瓜盅 ~ 材料有原粒帶子、 金華火腿、 瑤柱， 清甜冇味精片皮鴨 ~ 鴨皮燒得好香 ，鴨肉肥瘦適中、 好滑， 片皮鴨醬好惹味 ，片皮鴨夾包係典型薄片嗰種 ，新鮮又香軟， 好好食香菠生炒骨 ~新鮮炸起 ，好鬆脆、好juicy 片皮鴨二食 涼瓜炒鴨， 酸菜炒鴨 ~味道好，炒得好香東星斑~ 條魚好靚，蒸得時間啱啱好， 蒸魚豉油都調得好好味咸魚雞粒豆腐煲~ 鹹魚好香、好好味燒汁焗釀~ 賣相好靚，不過我個人覺得味道普通粉絲雜菜煲~ 蔬菜新鮮 ，無草青味 ，幾好食有糖水送， 今日係紅豆沙，幾好食美中不足係 ，我哋追糖水追咗四次先至嚟。

職員服務態度幾好，笑容滿面，好有禮貌。

酒樓黎講，環境算清靜。

年初一晚飯，已經於之前訂了14人枱，但酒樓卻安排一張810 人枱，即場提出有需要換枱，當然不可能😡落單時已經說明可以起菜，但又不了了之😡連上飲品，只是隨便上兩三隻杯，要申訢去部長才能提供足夠的飲品杯。

今晚真是吃了一肚氣😤

好彩海鮮酒家餐單提供粵菜, 廣東, 海鮮, 點心, 酒樓, 海鮮酒家等推介美食位於長沙灣區，餐廳座位數未知人均消費約$101-200，結賬可以用Visa,Master,現金,銀聯，Booking訂位可以電話致電 23701268 查詢。

您對於長沙灣餐廳「好彩海鮮酒家」有何 comment？

好彩海鮮酒家餐廳詳細資料：

• 好彩海鮮酒家地址:
  長沙灣長沙灣道680號麗新商業中心1樓
  Ho Choi Seafood Restaurant, 1/ F, Lai Sun Commercial Centre,680 Cheung Sha Wan Road, Cheung Sha Wan
• 好彩海鮮酒家電話: 23701268
• 好彩海鮮酒家價錢: $101-200
• 分類: 粵菜, 廣東, 海鮮, 點心, 酒樓, 海鮮酒家
• 座位: 未知
• 付款: Visa,Master,現金,銀聯
• FB專頁: 好彩海鮮酒家 Facebook

更多好彩海鮮酒家相關資料:

• 好彩海鮮酒家分店
• Youtube
• Facebook
• Twitter
• Google