古城餛飩 長沙灣

古城餛飩 評價 相片

週末同男友係MCL睇完戲行去食嘢 之前行過呢間舖好似唔錯 今次就試下佢～>~< 大餛飩麵 ( 大六隻) HKD33餛飩是豬肉餡的 麵一般般 唔算太入味。

需要另外加辣椒油、醋或者醬油會比較入味。

>~< 蝦仁香菇鮮肉大餛飩 (10隻) HKD43味道還算唔錯 入邊有原隻蝦仁🍤 十隻食唔曬都幾飽下～ 另外有豆漿送 味道都OK 唔會太甜～總括而言 味道一般 唔太特別亦冇伏位。

環境亦一般 屬於快餐店形式 冇太多裝飾 而且有些少內地餐廳嘅感覺。

但算比較乾淨～

在長沙灣MCL看完電影, 晚上10點找東西吃, 基本上看到最近, 還在營業的食肆便進去了. 店鋪光猛, 感覺尚算整潔, 客人也不少. 甫坐下來想下單, 侍應耍手讓我們等, 等了一下再示意, 還是耍手.. 我有看到不止一個待應, 但就是不太理會, 懶懶閒的感覺..  特色薺菜小餛飩 (下)  $26 原味鮮肉小餛飩 (上) + 蒽油肉絲拌麵  $40薺菜小餛飩還好, 有點味道. 湯頭很淡但感覺也有加味精..還沒有煮開, 湯裡會嘗到鹽還是什麼的, 突然會超鹹.. 豬肉白菜小餛飩真的沒什麼味道. 加了點辣椒油, 更失望. 沒有試過比這裡的辣椒油更差的記憶.. 蒽油肉絲拌麵較淡, 但味道還可以. 只是麵有點太軟, 沒什麼口感可言. (已經連拍照的心情都沒有了.. )最後送了每人一小杯豆漿, 倒沒有很差, 但也不算好喝.. 能這麼快找到食店, 讓我們可以很快的醫肚, 也是很感謝. 但不會再幫襯了... 

位於MCL長沙灣戲院附近的角位小店，裝修佈置及菜單都與小弟以前在內地工作幫襯開的餛飩小店無二，唯價錢不同非常喜歡小餛飩的餛飩皮—夠薄夠嫩，唯獨湯底略嫌普通，要加點辣椒醬增加層次。

此外，若果是小弟以前在內地食開的紫菜蝦皮湯底會更突顯出餛飩的鮮味！小弟軟喜歡蝦仁香菇餡料，有嚼頭而且別有風味。

乾拌醬料則太多味精，個人不喜。

推薦想品嚐傳統中國北方主食的港人來嘗嘗，店舖至店員都充滿內地風味。

p.s.有豆漿隨餐附贈

當完哥的跑腿後發覺晚餐要食自己，就四處遊走（其實想搵戲院未搵到）,突然見到ne間就幾特別就入左黎。

原本想叫香菇肉飯套餐試，但係見到蔥油肉絲拌麵＋小餛飩$40就果斷轉心意（當刻諗起豬油撈飯）。

店面比教細有面街思過位可以坐6個，搭2張5人圓枱同2張4人枱。

俺既然獨食就只能憑良心行去面街思過位啦～一開始黎左杯豆漿（原來送的），然後餛飩就黎啦～有成14粒小餛飩，湯底有d柴魚同莞茜＋其他未試出的味道（請不要飲太多，始終會fat fat.)餛飩皮薄，餡我認真食唔出係唔係靚，因為個湯底太濃味蓋過餡料好多味，真係要細心試肉質有絲絲回甘（唔關湯事吧。

。

應該）；蔥油肉絲拌麵到左，首先拌一拌就見到有紅色條狀物體辣椒no!! 拿埋一邊先，蔥油味好似唔多出（雖然出世到現在都未食到有蔥油味勁出的食物，肉絲係半肥瘦鹹豬肉又食到少少回甘，麵質軟幼帶超超超微辣承認幾開胃下。

總結：如果要特登黎又未至於，但經開會諗住入黎食第二次的店家。

而由我入黎邊食邊打hea左咁耐，間店坐左4/5位，相信都係街坊食堂黎的

每次經過都有人食餛飩，好想試吓正宗嘅雲吞係點樣，今日晏左食飯，又經過咁就入去睇吓。

價錢一啲都唔貴，個塲好似拍戲嗰啲喺條街度食嘢嘅感覺。

張相入面嗰啲麵好似好好味，所以叫咗個麵加雲吞餐。

麵睇落去顏色淺啲，入口有味，唔使加其他調味料。

雲吞起碼有10至11隻，有啲雲吞包得實啲有，有啲包得鬆啲，有啲剩係得雲吞皮。

不過雲吞皮都好滑。

豆漿係送嘅，開頭諗送嘅豆漿多數都係淡而無味，好似水一樣。

不過呢度呢啲係極度甜，飲到一兩啖就夠啦。

腦海中不停咁浮現好似係拍戲嗰啲場景度食緊餛飩麵。

收錢嘅男孩係只係識講國語。

也是一塲不錯的體驗。

古城餛飩餐單提供滬菜, 上海, 雲吞, 餃子等推介美食位於長沙灣區，餐廳座位數未知人均消費約$50以下，結賬可以用現金。

您對於長沙灣餐廳「古城餛飩」有何 comment？

古城餛飩餐廳詳細資料：

• 古城餛飩地址:
  長沙灣昌華街13號地舖
  古城餛飩, G/ F,13 Cheung Wah Street, Cheung Sha Wan
• 古城餛飩電話:  
• 古城餛飩價錢: $50以下
• 分類: 滬菜, 上海, 雲吞, 餃子
• 座位: 未知
• 付款: 現金
• FB專頁: 古城餛飩 Facebook

更多古城餛飩相關資料:

• 古城餛飩分店
• Youtube
• Facebook
• Twitter
• Google