新釗記粉麵專家 銅鑼灣

新釗記粉麵專家 評價 相片

特意"追封"~在茶餐廳的蝦仁炒蛋可以好食得去邊~?偏偏蛋夠香蝦夠大有味，拍得住酒家水準~ 個人覺得全店最好食的菜色~ (其他就一般)不過都唔平成$50一碟架~試過第二間新釗記水準完全唔同...所以好想知佢依家搬左去邊呢~

究竟陽州炒飯點樣先係正宗呢, 無乜考究晚餐陽州炒飯 + 熱奶茶 $39,落左order唔使10分鐘就有得食,而且食得出係即炒的配料有叉燒, 蛋, 蔥花, 火腿, 蝦仁,好足料, 亦好大碟但我肚餓, 所以都食左八八九九雖然係雪藏蝦仁, 但比起一般快餐蝦的白雪蝦, 佢既出品已經算係ok有餘了熱奶茶都還好, 有茶味這既質量 $39算係好OK的了招呼 :落雨天, 無乜人,所以招呼好好,值得下次再來幫襯

做Facial前速食 水餃麵 $24 唔明點解水餃都要等成差不多10分鐘, 賣幾幾似樣 第一啖先飲湯, 味精水得幾嚇人, 麵質頗爽口沒有鹼水味 三粒水餃也是正正常常 感覺係唔抵食以此茶記價錢來說水準最高還是翠華

最近有關陶先生在Hong Kong Magazine 的言論全城都鬧得熱烘烘，其實除左Philippine外印尼人亦在香港的人數亦越來越多，而糖街就慢慢變成小印尼，其實我對印尼餐就情有獨鍾，但係茶餐廳食就第一次。

入到去餐廳D Waiter 都係用港式招呼法，個個都好似好老友咁，當佢知道我想食印尼餐，就問我係唔係要"NK?" 我地立即O咀!!!原來係Nasi Kuning黃薑飯，原來D Waiter 同個廚師言語不通，但係其實呢個方法都幾好，最少易學易明！用HK$38係CWB來食個黃薑飯都算實惠，好可惜他們用曬係D飯盒到，最後要我改Nasi Rendang Sapi巴東牛肉飯同炸雞脾飯，最後加多個香濃既凍奶茶茶餐廳的靈魂，味道同冰的比例都ok,茶香就差一D口感都算滑，本來呢個做法以為可以取代印尼拉茶，可惜最後D牛肉同雞脾上碟係凍既，即時有D失望。

而味道其實都OK，巴東Rendang Sauce都好道地既，香味同辣味都算唔錯，他們亦用牛展，口感都算唔錯但雞飯就很真係淡左，仲炸得太乾，要即刻加大量辣椒先至有味。

最後得番個飯係熱既，感覺都係好odd.一間餐廳既生意好唔好係在於出品，同服務，而同街有名既車仔面就無因為多星期日既人流改變而受太大影響，我一直覺到香港既印尼菜都比較over price，我覺得如果可以有更好既水準，再加D Marketing 將呢個變成他們的Sunday Special! 話唔定可以殺出條血路，唔好浪費呢個咁好既銅鑼灣店!

是日晚飯，好想食皮蛋滑牛粥。

係絧纙灣死搵爛搵，終於比我搵到。

點知......話說餐牌度係冇皮蛋滑牛粥，只有皮蛋瘦牛粥，於是我問：有冇皮蛋滑牛粥？佢答：有咁佢就幫我落單，點知張單比皮蛋瘦牛粥貴左兩蚊.....於是我望左好耐.....佢話：係呀﹐滑牛貴啲架，我心諗....你落單前唔出聲....佢再講：係唔係唔要呀？唔要依家取消佢。

我心諗：唔係兩蚊的問題....唔會因為兩蚊而唔食，但你應該係客人落單前講聲嘛......所以，我覺得佢服務好麻麻。

至於食物，我人生第一次食咁少料的皮蛋滑牛粥....皮蛋應該只有兩至三片，仲要冇左個皮蛋心....至於滑牛，我真係未食過「鞋」的滑牛.....不過，個粥底可以，好綿，是唯一可取之處。

新釗記粉麵專家餐單提供港式, 粉麵, 米線, 茶餐廳, 冰室等推介美食位於銅鑼灣區，餐廳座位數未知人均消費約$50以下，結賬可以用現金。

您對於銅鑼灣餐廳「新釗記粉麵專家」有何 comment？

新釗記粉麵專家餐廳詳細資料：

• 新釗記粉麵專家地址:
  銅鑼灣糖街
  Sun Chiu Kee Noodles, Sugar Street, Causeway Bay
• 新釗記粉麵專家電話:  
• 新釗記粉麵專家價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 新釗記粉麵專家 Facebook

更多新釗記粉麵專家相關資料:

• 新釗記粉麵專家分店
• Youtube
• Facebook
• Twitter
• Google