新添寶茶餐廳 銅鑼灣

新添寶茶餐廳 評價 相片

自從過年之每逢禮拜日下午我行過都見佢無開我諗似係執左笠喎, 係都有d 可惜。

上年夏天時經常同朋友去完沙灘返出黎夜晚都去新添寶叫返幾個小菜客飯, 都唔錯既。

最好食既都係佢d 沙拉骨, 夠大碟, 唔算多骨, 最緊要係佢d 醬整得好, 去第度食都唔夠呢度正, 個個朋友食過都話得。

之後有時夜晚諗唔到食咩都久不久會去個度食下晚飯, 如果真係執左既話都有d 可惜

十二月~~ 轉了師父同老闆之後，好好多!我食了個田雞臘腸煲仔飯~~ 幾正! ^^好香，田雞很甜~~我朋友食了個馬碲蝦餅~~好爽~~ 好味!而且不用等好耐便有位~~環境裝潢過，都幾好!埋單$90

22112006男友想食小菜，於是我地周圍行吓，睇吓有ｄ咩發現，見哩間既小菜套餐都係大約HK$35～HK$40左右（跟飯，例湯＆餐飲），脆脆地入去試．ｄ阿姐，阿哥都好好招呼，不過都係無用，因為野食唔多掂．ａ．腰果炒蝦仁：雪藏蝦，西芹，腰果，炒到好油，又無味．ｂ．雜果咕嚕斑球：奇異果，火龍果，青紅椒，洋蔥，甜甜酸酸，實係好食既．例湯：蜜棗青紅籮白湯－過得去．飲品：凍菊花蜜綠茶－菊花味重，蓋過晒其他味道．凍檸茶－苦既，怪怪的．

在蘭桂坊同朋友happy hour完，順路又落埋銅鑼灣接埋打完麻雀的太座，一起歸家。

酒吧的小食吃不飽，見是日又涼涼的，就趁水尾又來多轉煲仔飯。

原本想去新翠華，但行過這裡，見佢幾個炭爐在煲飯，不如又試下新野，就坐入來叫了個窩蛋牛肉飯，加杯凍鴦少奶少甜。

相信都係落炭爐，所以都要等一等至有得食。

個煲沒有應有的香味，已不太對勁。

焗了幾分鐘，都沒什火氣，亦沒有飯香。

吃一口飯，偏濕偏腍，個人而言不合胃口。

牛肉還好沒有給化學品重皇招呼過，但吃得一口渣，唔掂；在這情況下，要加點醬油去吃才有點味道。

這裡的醬油是用糖煮成的，濃濃黑黑又偏甜，喜吃甜醬油的一定滿意，我就麻麻地欣賞，何況吃完還有點涸喉的感覺。

這個煲仔飯，不太夠水準，難怪檯檯都沒有人叫煲仔飯的。

埋單40蚊，包一杯凍飲，唔係貴又食得飽，但水準就只是一般，下次食煲仔飯的話，一定去番隔離穩陣。

15/11 （Mon）Dinner兩個人，叫0左…豉汁白鱔飯﹣講質感真係唔掂！成煲飯濕漉漉…白鱔煲過籠，有d霉，唯一合格係味道。

蒜蓉白菜﹣白菜新鮮，份量亦多，開頭以為蒜蓉炒，原來係炒好0左白菜再灑d炸過0既蒜蓉上去，白菜即刻惹味晒。

凍可力、凍檸茶，$80埋單。

我見好多人都0黎食飯，希望我煲飯係「個別事件」，碟菜又真係幾好味，俾個中立啦∼希望佢\下次好食Ｄ∼

新添寶茶餐廳餐單提供港式, 茶餐廳, 冰室等推介美食位於銅鑼灣區，餐廳座位數未知人均消費約$50以下，結賬可以用現金。

您對於銅鑼灣餐廳「新添寶茶餐廳」有何 comment？

新添寶茶餐廳餐廳詳細資料：

• 新添寶茶餐廳地址:
  銅鑼灣登龍街16號地下
  新添寶茶餐廳,  
• 新添寶茶餐廳電話:  
• 新添寶茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 新添寶茶餐廳 Facebook

更多新添寶茶餐廳相關資料:

• 新添寶茶餐廳分店
• Youtube
• Facebook
• Twitter
• Google