四姐川菜 銅鑼灣
地址: 銅鑼灣耀華街3號百樂中心10樓
最後更新:
四姐川菜推介
川菜，嗜辣人士至愛，必點水煮魚、四川涼麵。
銅鑼灣四姐川菜
| 餐廳分店 | 四姐川菜 |
|---|---|
| 地區 | 銅鑼灣 |
| 電話訂位 | 28022250 |
| 餐單 Menu | 川菜, 四川, 水煮菜式, 私房菜 |
| 人氣指數 | 1297 |
| 價錢幾錢 | $201-400 |
四姐川菜訂位位於銅鑼灣區，詳細地址是銅鑼灣耀華街3號百樂中心10樓，餐廳寬敞座位數目共有55個。四姐川菜幾錢？價錢優惠後人均消費大約$201-400埋單，早餐午餐晚餐四姐川菜餐單包括有川菜, 四川, 水煮菜式, 私房菜等美食，付款方式有AlipayHK,支付寶,現金付款，Booking網上訂位可以電話致電 28022250 查詢訂座。
四姐川菜優惠
四姐川菜 評價 相片
Hello 大家好，又係我地Hkfunlife小編分享好餐廳既時間啦 地點揀咗間朋友極力推薦嘅餐廳探個究竟 呢間餐廳位於銅鑼灣耀華街3號百樂中心10樓，叫做四姐川菜呢間餐廳環境闊落光猛，面積寬廣我地到達餐廳後，等幾分鐘便可入座。
埋到枱見到枱面清潔、沒有任何污漬/破損，衛生情況令人滿意。
坐低之後，店員提供餐牌，餐牌全部過哂膠，亦見到服務生俾完客人睇後有進行消毒，衛生意識強。
我地用左10分鐘先諗好要嗌咩。
店員友善細心，得知我地初次光顧，主動推介人氣菜式
食店: 四姐川菜口痕想食辣野🤤上openrice搵港島嘅川菜，”廚十三”未食過，但似乎午餐先比較抵食。
”巢私廚川菜”食過酸菜魚唔錯，不過咁啱裝修中，最後試咗間新野”四姐川菜”食四川私房菜～貪佢款式夠多，不過價錢都唔平，劃一價錢$340一位～四個人去食可以揀3個涼菜+4個熱菜，白飯任裝～張梁一家點餐👦🏻🧒🏻👨🏻👩🏻🌟涼菜🌟1）《招牌四川涼麵》評分（10分滿分）：9️⃣食評💬：呢碟麻辣拌麵好香口好惹味～係聞到陣辣味都會留口水🤤麵條彈牙，作為前菜食落好開胃～作為Warm up啱啱好！2）《蒜泥白肉》評分（10滿分）：7️⃣食評💬：望落好吸引，但我地一致認為譚仔嘅仲好食🤣呢碟個蒜味同辣味都唔夠濃，不過用嚟送飯係一流！3）《青椒皮蛋》評分（10分滿分）：7️⃣食評💬：唔辣嘅皮蛋，比較𣺉身，搞碎嚟撈飯都唔錯，味道嚟講都係譚仔嘅紅油皮蛋仲惹味啲～🔥主菜🔥1）《毛血旺》評分（10分滿分）：7️⃣食評💬：主要材料有魷魚、鴨血、牛柏葉筍同木耳，辣道7/102）《金湯牛肉》評分（10分滿分）：8️⃣食評💬：呢到最辣嘅就係金湯🥵個湯底係用朝天椒同花椒等等嘅材料熬製而成，辣道10/10！除咗牛肉之外仲有水晶粉吸晒啲湯汁，食得辣嘅可以試下，我同呀梁食咗幾啖已經頂唔順🙈3）《招牌重慶水煮魚》評分（10分滿分）：7️⃣食評💬：本身想揀酸菜魚，不過最後都係揀水煮魚，因為比較少食😆魚唔係話好滑，但都好食無腥味，略嫌份量唔夠多，每人食4片左右就無了😫4）《干煸四季豆》評分（10分滿分）：7️⃣食評💬：無特別影呢碟四季豆🤣四季豆係唔辣嘅，清甜爽脆，食熱氣嘢就要食下菜中和下，會健康啲～總括嚟講，呢到overall分數係7️⃣服務唔錯，會主動收碟，問你需唔需要飯等等。
食物方面感覺上似快餐，嗌完10分鐘後已經上齊，嘢食夠熱，份量適中，辣道可以但唔夠麻辣，340蚊嚟講算有啲貴，但可以一試～四姐川菜 (銅鑼灣)📍銅鑼灣耀華街3號百樂中心10樓👉🏼港鐵銅鑼灣站A出口步行約5分鐘👈🏼
食後comment，超級難食唔信自己去試吓🤣1）酸菜魚唔覺得自己食緊魚🤔，一夾即散，入口即溶🤔冇口感，好似食緊雪糕咁！成一劈豆腐咁淡而無味😂2）水煮牛唔用新鮮都唔緊要點解食落去成個沙嗲牛？水煮牛難食到冇朋友，沙嗲牛肉質素，茶餐廳沙嗲牛肉粉絲煲仲好食過佢。
所謂嘅招牌菜，所謂嘅四川菜，一啲都唔正宗！服務真係唔差嘅，但係啲菜式真係唔掂。
一間餐廳食材唔掂講乜都冇用講，如果你想喺銅鑼灣以咁嘅質素做生意冇可能繼續。
幾年前因為朋友介紹去左食四姐 幾年前食真係幾好 仲介紹唔少朋友去食 但近呢幾個月去左兩次 真係一次差過一次 什至食完覺得好嬲 先講上個月去既一次 口水雞個味同分量同以前真係好大分別 我同朋友都主動同店員反映 店員（女人）佢無反應 之後食到尾 老細過黎問啲野岩唔岩食 我地再重覆講多次口水雞同以前好大分別 老細nice 既 就話係咩 下次你早講呀嘛 我送其他野食比你 我地都話唔使啦～重點黎啦～ 今日再去既時候我又再提點多次上次個口水雞麻麻 ( 我想話仲有咩冷盤介紹）我未講完 佢勁惡話唔中意食可以唔好叫！！ 叫其他 叫其他！同埋我無客反映過之前口水雞有問題！ (但明明我同朋友上次先講完😂）之後黎個啲野食都真係麻麻 我諗以後都唔會再食 $340 1 位 受氣又唔係好食 仲有我未見過佢帶口罩😚
其中一道菜泡椒炒牛肉上菜後，我地見唔到有泡椒，於是問女店員係唔係上錯，後尾男店員過來，口罩拉低喺頸，同無戴口罩無分別，講野大聲，態度差。
仲要摀前，塊面拱埋嚟，口水噴晒係食物上！！我禮貌地同佢講「唔好意思，可唔可以戴返好口罩先？」佢話：「你夠無戴囉！」然後先拉上口罩戴返。
係唔係傻架，戴住口罩點食野呀？其實我只係想知有無上錯菜，好聲好氣問，我唔係要求你換，反正換左都驚比你加料。
家下疫情非常時期，我真心驚你無戴口罩，口水飛晒落食物到！離譜！！之後成餐飯無晒胃口！
四姐川菜餐單提供川菜, 四川, 水煮菜式, 私房菜等推介美食位於銅鑼灣區，餐廳座位數55人均消費約$201-400，結賬可以用AlipayHK,支付寶,現金，Booking訂位可以電話致電 28022250 查詢。
您對於銅鑼灣餐廳「四姐川菜」有何 comment？
四姐川菜餐廳詳細資料：
- 四姐川菜地址: 銅鑼灣耀華街3號百樂中心10樓 Sijie Sichuan Restaurant, 10/ F, Bartlock Centre,3 Yiu Wa Street, Causeway Bay
- 四姐川菜電話: 28022250
- 四姐川菜價錢: $201-400
- 分類: 川菜, 四川, 水煮菜式, 私房菜
- 座位: 55
- 付款: AlipayHK,支付寶,現金
- FB專頁: 四姐川菜 Facebook
更多四姐川菜相關資料:
香港餐廳2026推介9月