咖喱物語 銅鑼灣

咖喱物語 評價 相片

同靚朋友餓o左成日，想搵個地方食大餐。

見到佢二人套餐，$68好似有幾多o野食咁，所以叫o左啦。

點知o黎到o既o野真係好失望。

檬茶，無味。

所謂o既二人套餐，可以一隻8 寸碟放哂。

八爪魚腳，霉霉爛爛，細過手指尾。

咖喱薯餅，有怪味。

雞扒，少到嚇死人。

食呢D o野，$28 都俾多啦，仲收我$68。

咁只可以迫我無下次啦。

掛名吃日本咖哩, 但我確實吃不出那裡像日本咖喱呢... 餐牌上的食物都是港式之作吧但由於朋友說這裡的咖哩很好吃, 而我又未試過, 在沒有理由推翻她的提議下去試, 結果...這店所提供的咖哩色彩繽紛, 例如說黃色的是南瓜味; 黑色的是芝麻味; 紅色的是紅椒色等等, 但我真的很懷疑, 究竟當中有多少是色素的功勞呢?!最好吃的還是焗芝士咖哩豬飯, 要的是黃色咖哩, 味道最正常, 像極港式焗飯, 加一隻生旦拌勻來吃..還可以吧石頭咖哩飯只得賣相, 既沒有飯焦, 也沒有石頭飯的"吱吱"聲音, 而黑漆漆的咖哩跟石鍋的顏色太相似, 視覺享受麻麻地...唯一可讚的是環境還算挺不錯的, 坐在沙發上傾計消磨時間還算可以... 可惜吃罷回家勁口渴, 大概也是味精作怪吧! 所以只此一次好了

今日同左4個同事 Lunch 去食 < 咖哩物語 > , 上次經過已經比佢的大大梳化所吸引住,可是他的晚餐卻十分貴,平均二百元一個2人Set !但今日Lunch 好多人所以坐唔到梳化位!他的午餐不算貴,有平有貴,分2種套餐:一種是$28但不包括湯和飲品!一種是大約$38~58 ,包括湯和飲品!湯有2種忌廉湯同洋蔥湯 ,個洋蔥湯好唔得呀..好味精 !!.所以要唔要湯都得!我的雜錦魚生飯 $58 :外賣吸引但飯唔算多,有三文魚,帶子粒,吞氧魚,蝦,蟹子 !同事的咖哩牛丼飯:見到都好飽啦..似石頭飯,咖哩侍應會在你砷前落上去,仲幫你撈埋!同事的香草豬柳飯 $48 :普普通通飲品大大杯,飲植都飲唔完呀!特別的餐具用品 , 特別的梳化

以前泥過一次 , 食過黑色同啡色CURRY, 覺得都唔錯，所以今次就提議同朋友仔去食啦。

不過今次真係少失望TIM。

－：ROMANTIC既紫咖哩飯紫色咖哩果然好ROMANTIC, 超甜好唔似咖哩我地都覺得麻麻地－：PASSIONATE既紅咖哩飯紅色就辣D 我覺得有D似BBQ SAUCE既味道不過熱情紅色都OK－：溫泉旦香草炒意粉意粉味道唔錯 ,但我覺得就濕左D 而且個蛋唔太溫泉 , 太生－：餐+$8的芝士釀雞翼雞翼就真係幾好味雖然入面釀既唔係CHEESE係肉醬但炸得好好味 , 味道都唔錯 !環境好舒服不過對比番PRICE同食物 , 都覺得唔係太抵食不過大約3點倒 , D WAITER就好幾次話要收左桌上未食完既野 ,感覺想叫我地埋單咁,我地以為佢地落場啦 ,但佢又接第二個客入來喎 .... 奇怪

預早訂左位~指明要梳化位~可以平日夜晚冇乜人~而我又早到拿位~所以比左個大既梳化位我~足足可以坐到78人呢~而環境裝修都算不錯~同朋友2個人叫左3樣野~黑咖哩飯~雜錦咖哩鍋加烏冬~咖哩肉醬多士~其實都唔差~黑咖哩飯比想像中辣~不過日式咖哩辣極有限~另一好處係好多咖哩汁~不過份量係少左d~咖哩鍋幾好食~開頭仲以為係牛肉鍋~原來其他料係晒鍋底~特別係d烏冬好有彈性~值得一讚~咖哩肉醬多士~d肉醬比咖哩飯果隻多左d芝士粉~味道都唔錯~d食物叫有d驚喜同特別~可能都會試埋其他顏色既咖哩~七色咖哩有紅~橙~黃~綠~啡~紫~黑~都想試下紫色果隻既~如果拿日式咖哩同其他咖哩比較有點不公平~當佢係另一種食物會較好~其實也不太差的~

咖喱物語餐單提供日本菜, 咖喱, 日式西餐等推介美食位於銅鑼灣區，餐廳座位數104人均消費約$50以下，結賬可以用Visa,Master,現金,AE。

您對於銅鑼灣餐廳「咖喱物語」有何 comment？

咖喱物語餐廳詳細資料：

• 咖喱物語地址:
  銅鑼灣百德新街翡翠明珠廣場1樓9-10號舖
  curry monogatari,  
• 咖喱物語電話:  
• 咖喱物語價錢: $50以下
• 分類: 日本菜, 咖喱, 日式西餐
• 座位: 104
• 付款: Visa,Master,現金,AE
• FB專頁: 咖喱物語 Facebook

更多咖喱物語相關資料:

• 咖喱物語分店
• Youtube
• Facebook
• Twitter
• Google