三川居酒屋 銅鑼灣
最後更新:
三川居酒屋推介
位於銅鑼灣的新開日式居酒屋，店內裝潢以木系為主調，充滿日式感覺，另有VIP房，適合朋友聚會。居酒屋除了一系列燒物、刺身、丼飯，還有不同種類的清酒提供，宵夜時段則有燒物清酒拼盤提供。
銅鑼灣三川居酒屋
| 餐廳分店 | 三川居酒屋 |
|---|---|
| 地區 | 銅鑼灣 |
| 電話訂位 | 21406883 |
| 餐單 Menu | 日本菜, 壽司, 刺身, 居酒屋 |
| 人氣指數 | 1744 |
| 價錢幾錢 | $101-200 |
三川居酒屋訂位位於銅鑼灣區，詳細地址是銅鑼灣軒尼詩道499號永光商業大廈地庫，餐廳寬敞座位數目共有60個。三川居酒屋幾錢？價錢優惠後人均消費大約$101-200埋單，早餐午餐晚餐三川居酒屋餐單包括有日本菜, 壽司, 刺身, 居酒屋等美食，付款方式有Visa,Master,AlipayHK,支付寶,現金,AE,銀聯付款，Booking網上訂位可以電話致電 21406883 查詢訂座。
三川居酒屋優惠
三川居酒屋 評價 相片
今日嚟到一間鬧市中嘅日本居酒屋🏮呢度啲店員好友善，播着輕快嘅日本歌曲，令人用膳嘅時候都心情愉快☺️刺身二人盛 $298 刺身款式有好多，有好多款我都好鍾意食，最鍾意嘅當然係油甘魚，厚切，味道甘甜，吞拿魚魚味極濃，蝦就鮮甜，其他刺身有啲爽口彈牙，有啲就肥美，非常唔錯❤️❤️和風魚生沙律$98有好多魚生啊，切出黎都幾大粒，三文魚好新鮮，八爪魚彈牙可口，仲有油甘魚粒等等😋我好鍾意個醬汁，酸酸甜甜好開胃，同埋佢有藍莓喺裏面，正！明太子蟹肉醬焗蠔肉蘑菇批(二人前)$98 呢一個有驚喜喎！超多芝士，可以拉絲！同埋蘑菇裏面裝左好多嘢，有唔少鮮甜蟹肉，仲有大大粒嘅蠔，灑埋明太子，最正係蘑菇超級juicy 😋😋一定要叫！香蔥碎吞拿魚腩帶子魚籽卷$138 用料豐富，帶子甜美，香蔥吞拿魚茸令到成個卷好清新，同埋有好多魚籽，一d都唔腥，加咗沙律醬點綴，更加美味呢度啲嘢食好高質喎，價錢都好合理，環境唔錯，推薦！
三川喺銅鑼灣好容易搵到嘅餐廳，就係SOGO條街經過見到，喺銅鑼灣食個lunch好就腳。
刺身盛(並)$298一上枱就見到整整一隻活赤貝，成個拼盤最矚目就係佢，另外仲有三文魚，劍魚腩，牡丹蝦，八爪魚，油甘魚，同埋啲黃金魷魚，其中個劍魚腩切到非常之厚，直頭一塊可以當其他人2塊，劍魚腩嘅甘香味非常濃郁，又有口感，魚肉夠晒軟身，入口即溶嘅感覺。
另外當然係隻活赤貝，分量夠晒多，貝身爽脆彈牙，仲有海水味，食得好過癮，其他嘅刺身都10分新鮮，八爪魚一啲都唔韌，黃金魷魚更加係鹹得啱啱好。
仲有就係兩隻牡丹蝦，幫我剝咗個尾，好細心呀。
明太子蟹肉醬焗蠔肉蘑菇批$98你睇吓佢個擺盤靚到，用咗嘅沙律醬同埋意大利黑醋再加少少蟹子，睇得又食得，個蘑菇批切開裏面極豐富，上面嗰一層酸酸鹹鹹有甜甜嘅明太子蟹肉醬好creamy，淨係食過一層都夠晒飽，中間夾住左一隻都幾大嘅蠔，以為會比上面嘅明太子蟹肉醬琴晒啲味，有冇喎，蠔味係成個味道裏面佔一份子，加上加咗啲芝士，造成牽連嘅效果，成個餸好連貫。
牛油果軟殼蟹卷$88一客有六件都算幾夠份量，每件嘅size都幾大，裏面嘅軟殼蟹炸到卜卜趣，放耐少少都唔覺得變淋，牛油果嘅比例佔咗三份一，啱啱好可以調劑到炸軟殼蟹嘅油膩感。
最近都係繼續奉行少出街食飯，要出就要食好嘅原則今次又食到間值得推介嘅餐廳，不枉我哋山長水遠唔就腳都去食！其實佢個位置好方便，地鐵站一出就係，搵都唔使搵！呢啲非常時期，呢間餐廳好貼心，一入去就畀消毒酒精你清潔下雙手先，坐低之後都有提供多一張餐巾畀客人包口罩，又提供埋消毒紙巾同公筷即刻安心又放心。
我好耐冇食刺身啦，過年前已經搵到呢間餐廳想嚟食，但都有啲full，所以人多要早啲book今次食嘅二人前刺身，好新鮮可以因應自己嘅budget 叫嚟食種類夠多，好豐富，唔會太冰，份量都好啱我最鍾意就係帶子同甜蝦食到佢哋本身嘅鮮味！另外叫咗個青瓜蟹籽salad一大碟，好爽口見到人哋嘅明太子醬焗蠔肉蘑菇批好大份好吸引，我哋又試吓果然整得好睇好食大大粒蠔肉，啲醬又夠晒多，粒菇都好大件又多汁唔乾身。
趁熱食一流！最後仲叫咗串秋葵串燒好嫩，冇咩毛影響口感。
餐廳播住日文歌，仲有日文版榮光歸香港，讚👍🏻啲杯同綠茶、佈置，都有和風嘅感覺。
講真開係銅鑼灣旺區價錢唔算貴之餘好食又有良心嘅餐廳唔多本身想叫個魷魚筒，可惜冇呢，留返下次一定會再嚟食！
黃色經濟圈早排行過銅鑼灣已經想食呢一間聽講蟹肉菜式都幾出色今日lunch趁佢啱啱開門 即刻入嚟食個裝修都好似日本居酒屋仲一直播住日文歌 播放下仲聽到願榮光歸香港💚好彩早左黎咋越來越多人入嚟食佢個lunch set我見到都好抵 但係因為我哋實在太肚餓啦所以我哋決定要再食好啲叫左個omakase嘅二人前刺身啲刺身真係好新鮮 都幾多款有三文魚吞拿魚帶子八爪魚仲有黃金魷魚都幾厚切架 好味跟住就有呢個蟹子沙律小食鍾意食青瓜絲嘅朋友就一定唔可以錯過呢個啦另外我哋叫咗軟殼蟹卷 好足料兩個人食到好飽 嚟呢度又點可以唔食蟹肉我哋叫咗一個北海道蟹餅同埋呢個明太子蟹肉醬焗蠔肉蘑菇批個北海道蟹餅擺盤好靚 好creamy熱辣辣好好食個蘑菇批真係超級推薦 上面有好多明太子 啲餡多到跌出黎啲蘑菇好多汁 一咬落去就爆曬係個口到下次同啲朋友嚟再食其他嘢先
2020年1月12日。
晴。
銅鑼灣。
平日雖然成日行銅鑼灣，一直都知道Sogo附近嘅地庫有餐廳，不過就未食過呢日食飯時間行經，於是就尋幽探秘一番～地面嘅門口係咁樣嘅～落到去真係別有一番天地咁喎～餐廳一直播住日文歌，好有氣氛～突然聽到一首旋律熟悉嘅《榮光》！係日文版嘅《榮光》！要多啲嚟聽下歌，幫襯下先得！睇menu見到呢個二人套餐特價時段真係好抵喎～後面仲有！另外仲有呢個omakase menu～Omakase，$688唔想煩惱食咩刺身、壽司，所以就揀咗廚師發辦嘅刺身拼盤～款式眾多，每樣都新鮮甜美～特別欣賞嘅係赤貝同白肉豚～赤貝爽口，白肉豚煙韌！明太子蟹肉醬焗蠔肉蘑菇批，$98蘑菇係用咗大啡菇，焗完之後依然濕潤多汁～配上面嘅creamy明太子蟹肉醬，真係好夾，好滋味～七味雞軟骨，$22男朋友唔夠飽，所以再嗌咗幾款串燒～雞軟骨係佢嘅至愛～煙肉燒年糕，$28燒年糕係我至愛～呢個仲有煙肉包住，感覺新奇！當然要試下～煙肉本身帶有鹹味，一齊燒就幫年糕調咗味～所以同年糕一齊食又唔會覺得肉味重，幾好味喎！醬油燒茄子，$24鳥手羽燒（2隻），$32茄子份量好多，一份有成5段，抵食！燒雞翼調味啱啱好～正！
三川居酒屋餐單提供日本菜, 壽司, 刺身, 居酒屋等推介美食位於銅鑼灣區，餐廳座位數60人均消費約$101-200，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 21406883 查詢。
您對於銅鑼灣餐廳「三川居酒屋」有何 comment？
三川居酒屋餐廳詳細資料：
- 三川居酒屋地址: 銅鑼灣軒尼詩道499號永光商業大廈地庫 Sansen Japanese Bar and Restaurant, B/ F, Circle Plaza,499 Hennessy Road, Causeway Bay
- 三川居酒屋電話: 21406883
- 三川居酒屋價錢: $101-200
- 分類: 日本菜, 壽司, 刺身, 居酒屋
- 座位: 60
- 付款: Visa,Master,AlipayHK,支付寶,現金,AE,銀聯
- FB專頁: 三川居酒屋 Facebook
更多三川居酒屋相關資料:
香港餐廳2026推介9月