Pizza島 銅鑼灣

Pizza島 評價 相片

對pizza hut好感不大，而pizza box、 芝趣雞等不是質素下降，就是分店越來越少 (芝趣雞好像是結業了添)，要尋找好味的外賣pizza 越來越高難度。

而最近於港島區有做郵寄傳單嘅pizza island，傳單價格相宜，跟pizza box價錢差不多，讓人有一試的衝動！找了一天於友人家 order 外賣速遞，選了一個2~3人餐，當中包括了一個普通pizza，一客飯或意粉及兩罐汽水，價錢$138。

而其他單點的可以用優惠價加點，價格相宜。

而單張上設有優惠券，外賣速遞套餐的話，可免費獲10件咖喱角，十分吸引！星期日晚約八時，職員表示約35分鐘便會送到，但最後只等了約25mins 便送到，烹調加上由天后速遞到太古，用上不足半小時，效率期高。

3人Order:至尊島普通厚批 (套餐，原價$108)拿玻崙海鮮燴意粉 (套餐，原價$40)華度夫什果沙律 (優惠價$19)咖喱角10隻 (free)汽水兩罐 (套餐)至尊島普通厚批一打開個pizza 盒，簡直驚為天人！驚人的並非size 或者配料的誇張，而是pizza 有點血肉模糊，pizza 盒蓋頂竟有肉腸、芝士、醬汁！相當無奈，賣相再好也扣去了一些分數。

pizza 的配料眾多，有辣肉腸、牛肉、雞肉、火腿、蘑菇、燈籠椒，再配上香濃的燒烤醬，醬汁亦多，令整個pizza 不會 "乾爭爭"，且味道不錯、沒有偏甜或咸；pizza 的芝士既多且香~~ yummy；至於厚批餅底方面，厚而鬆軟不實，十分飽肚！拿玻崙海鮮燴意粉整體份量不多，以蕃茄、紅椒、青椒、魷魚等作配料，外觀上意粉多汁，但入口淡而無味，意粉是預先煮好再於表面淋上餸汁，似乎不大覺得有半點 "燴" 過。

另，雖說是 "海鮮"，但好像只看+吃到 魷魚/八爪魚仔only，poorer！華度夫什果沙律份量有一盆，以薯仔、雜果為主要食材，再加上沙律醬；沒有特別，一般人在家中也能做得到的沙律，用料亦一般，紅蘿蔔有點兒硬，而薯仔份量則相對較少。

味道一般，如果以正價 $38 購買的話，並不化算。

咖喱角10隻免費送贈的咖喱角，外賣訂購滿 $80 即有。

本身不抱太大期望，通常免費的，大多好味有限 (先入為主覺得)；但此咖喱角有點意外，確實做得不錯，外皮薄而香脆，不像坊間的外皮過厚，變成吃粉皮般；而且，縱使經歷速遞所需時間至放進口內一刻，亦可keep 得了如此脆口，實屬難得！雖咖喱角餡料份量不多，以碎豬肉為主，但味道不錯，散叫的話，價錢亦相宜，值得推介！雖則當時暫只有一舖，但小店早前於鰂魚涌擴張分舖，足證明實力非小，如能於pizza 中加回其他pizza 速遞店所用的小膠托，托著pizza 盒蓋，就可以令pizza 不會因而走樣，影響外觀！另，此店更有啤酒出售，於周末其營業時間更去到凌晨4 時，第時睇波或者打通宵麻將都可以有多一個選擇呢！

簡直係劣食既表表姐見佢話大批買一送一就諗住試下叫左: 德國風情三寶薄批 同 夏威夷風情芝心批(+$16)薄批同厚批一樣咁厚德國風情三寶都話食得下人 但個批邊真係厚到成舊包咁夏威夷風情就難晒大譜 難食之餘個芝心係咩味都無另外仲叫左個卡邦尼 叫做係最入得口個樣 不過都係麻麻地成餐飯最過份就係個個焗粟米火腿薯蓉 一入口成陣洗衣粉味 真係唔知自己食緊乜 完全唔知點解呢間鋪頭可以開業全部野夾埋叫左190蚊 實在係貼錢買難受專登上黎打我人生第一個食評 希望大家唔好中伏

Pizza Island位於威菲路道, 前身是ACE Burger, 舖頭隔局與前身無變, 所以ACE Burger無左之後他很快便可以開業, 不過受歡迎程度就差天共地. Pizza Island 門口會放有一個木板寫上每日二款一人餐的菜單.今日係卡邦尼煙肉長通粉, 沙津/甜品, 湯/飲品, 合共和$38, 店員有禮貌地說要等候約10分鐘.長通粉都ok, 汁比較杰, 有很多煙肉, 青椒同棻;沙津有雜果和海撤沙津, 我選了雜果沙津, 面個D酸酸地, 唔知係咪變左, 好驚唔夠新鮮.湯是忌廉蘑菇湯, 飲左一啖, 無味又杰, 好似生粉水, 好難飲, 所以成碗都無飲, 下次應該要汽水穩陣D.整體來說以38元的價錢都不過不失, 唔飲湯應該會再好D.

頭先去朋友屋企玩見肚餓就搵野食，見到呢間pizza island好似未試過，一入去有個人即刻俾張menu我地坐低慢慢睇，幾有禮貌，本來諗住食飽就算，點知個pizza真是幾正!! 食到我地兩個大男人超飽 !!兩個人叫左三樣野，華度x什果沙律, 凱撒沙律+三文魚, 意式島傳統批，每人六十幾 ，食pizza食到甘飽，呢間算幾抵 華度x什果沙律 $ 15價錢係呢d地方差吾多，不過呢個一般水準凱撒沙律+三文魚 $ 40d菜好新鮮，味道吾錯，個三文魚都幾好 ;)意式島傳統批 $ 79抵食 !! 睇到以為loan左 ~~~ 聞到味道好香，入口熱辣辣，勁足料，食到好多肉同波羅，值得一讚 有時間再去朋友屋企一定會再試下其他pizza同小食 哈哈

今日突然想食Pizza,但系又吾想成日食X Huts同X Box,試下新野都好!!原本諗住叫個大批試試算,兩個應該岩岩夠呱!!但系落Order既時候,我當然都循例問下有咩介紹拉!!!個接線生第一句問既就系我地幾多人食,之後佢推介左$108套餐,我聽左佢講,試左個"意式島",最重要既緊系加芝士拉!!!等左大概十幾分鐘就送到黎,一打開個盒......死拉!!!又真系好鬼死多芝士,認真講句!!!真系正!!!其實有樣野令我印象最深刻我最欣賞既就系佢張外賣紙有將D吾同醬汁既PIZZA分開黎比我地揀.因為我自己本身唔食番茄味既野.所以對我黎講好深刻

Pizza島餐單提供西式, 薄餅, 外賣店等推介美食位於銅鑼灣區，餐廳座位數未知人均消費約$50以下，結賬可以用現金。

您對於銅鑼灣餐廳「Pizza島」有何 comment？

Pizza島餐廳詳細資料：

• Pizza島地址:
  銅鑼灣威非路道10號A地下
  Pizza Island, G/ F,10 A Whitfleid Road, Causeway Bay
• Pizza島電話:  
• Pizza島價錢: $50以下
• 分類: 西式, 薄餅, 外賣店
• 座位: 未知
• 付款: 現金
• FB專頁: Pizza島 Facebook

更多Pizza島相關資料:

• Pizza島分店
• Youtube
• Facebook
• Twitter
• Google