翠華餐廳 路氹城

翠華餐廳 評價 相片

係賭場搵野食有時都幾煩 所以今日就求其係場邊搵左間香港茶餐食—翠華肉絲炒麵餐 首先講一下價錢 唔算好平$88，但我覺得賭場餐廳算係差唔多 加上食物質素都算有水準麵底夠脆口，汁料份量足夠唔算太鹹。

但個人口味問題 汁料好多冬菇 唔鍾意食菇既人要考慮一下。

牛肩扒餐—$155（+$3）先講餐湯 例牌有忌廉 羅宋湯 兩選一但忌廉湯非常難飲 無味 飲水一樣鐵板牛肩扒都唔錯 當然無可能係西餐廳質素，牛味唔係話好濃 但肉質都做到多汁，幼嫰。

我地叫左5成熟 配黑椒汁。

奶茶就而度不嬲出名 真係幾好飲 ，不過我會推薦冰鎮奶茶。

乾炒牛河$98我覺得普普通通 不過不失。

總結我覺得鐵板牛扒餐係抵食之選。

而翠華亦都係賭場入面既一個唔錯之選。

記得係香港食過翠華既魚蛋粉，想起都有滿滿既回味…💓那甘甜濃郁既湯底滿滿鮮味每口都捨不得停下來，再說那軟滑彈牙，完全唔死實既白魚蛋，一口咬下去，湯汁溢滿整個口腔…😌雖然份量不大但絕對滿足小妹嘴饞既需求😛👀今日來到澳門銀河，這裡都有間翠華茶餐廳，一踏進來，由於隻身既關係，完全唔洗等位就可以埋位，一坐落黎見到墊枱紙上寫住當中包括奶茶、海南雞飯、瑞士雞翼、奶油豬、魚蛋粉、咖哩筋腩飯、豬軟骨撈麵、鐵板蝦球炒麵、銀芽肉絲炒麵、熱狗👈(當然，可能因為在賭場中，啲名都改得特別喜慶，例如當中既咖哩筋腩飯=驘晒咖哩牛筋腩配飯)係啦~可能食完會贏曬的咖哩筋腩🙈廢話少講，全日未食野既我睇完餐牌點左杯熱奶茶、魚蛋河、瑞士雞翼，例牌燒腩仔。

ｰ魚蛋河上場，外貌很像但完全不同一回事😧一上到黎，唔止啲河粉，就連個湯係唔夠熱既，味道亦相當的淡，😥(說它是湯其實感覺更似係學人煲湯煲乾左求其加返啲水就上枱咁既感覺)；魚蛋和魚片頭更是令人失望，硬實實、冇咩魚味，魚片頭還有小許澀味。

😩ｰ燒腩仔，皮脆肉滑，但因為比較肥所以油膩感偏重，還好配有芥末醬，中和了不少油膩感。

ｰ熱奶茶終於來了，還好滿香濃的，很有港式茶餐廳的味道，如果上枱時不倒至整個杯底跟杯耳都是就更好了。

ｰ最後來了個瑞士雞翼…💀雞翼穌到不得了，有一種感覺係比嬰兒未介奶既味度更穌👶，有可能係因為前面食既燒腩實在太油膩，果種奶穌味當下真係好攞命🍼，雖然雞翼上枱很完整，賣相跟照片差不多，但虛有其表，除了表面的瑞士汁，入面跟本冇味…差啲將之前食既野要嘔返出黎。

向來出名只記得美食既小妹對這次真的有點失望，想信未來一段比較長既日子我都唔會再入來了💔💔

賣相全部都唔錯，但係食落就真係唔掂。

先講鼓油王炒麵加皮蛋瘦肉粥早餐，盛惠60蚊炒麵竟然都可以唔似炒麵，佢用左錯嘅蛋麵...仲有鹼水味...個粥都係失望之作，白粥同肉同皮蛋都係分開煮嘅，所以無味。

之後講個沙嗲牛肉麵同炒蛋個麵係唯一可以，不過不失啦。

個炒蛋...超奇怪勁難食...下次唔會再響呢度食

當晚本來與朋友食完galaxy ge new york fries就回家, 但忽然撞到老豆呀媽, 心想今晚不用搭巴士了, 有人車埋番屋企, 於是就陪佢地食完翠華先回家.本身只想陪他們食, 但一看到餐牌上的奶油豬, 就忍不住叫來吃.以前也食過很多次翠華, 每一次都是叫凍"yun yeung", 飲都飲到厭了, 所以今次試一試少甜紅豆冰.真的不是很甜, 紅豆有硬硬地的感覺, 可能大部份人喜歡軟綿綿的紅豆, 但這個非常適合我.印象中老豆呀媽仲叫左一個飯和一個麵.服務態度不是太好, 叫佢攞牙籤, 但轉個就冇左件事.

十月中旬‧晴來到澳門都食翠華？是的，有時來到澳門都會食翠華，何況翠華的水準都不差的。

買了碗淨魚蛋，魚蛋幾彈牙又有魚味，炸魚片全都是魚片頭，咬下去還是微脆的。

不過這些人工魚片頭口感當然不及真正在炸魚片兩邊的魚片頭。

有時吃東西也要講食緣，真的是因緣際會，在這邊吃了翠華。

翠華餐廳餐單提供港式, 茶餐廳, 冰室等推介美食位於路氹城區，餐廳座位數未知人均消費約$101-200，結賬可以用現金。

您對於路氹城餐廳「翠華餐廳」有何 comment？

翠華餐廳餐廳詳細資料：

• 翠華餐廳地址:
  路氹城望德聖母灣大馬路銀河娛樂渡假城G51鋪
  翠華餐廳, Shop G51, Galaxy Macau Resort, Estr. Da Baia De Ns. Da Esperanca, Coloane- Taipa
• 翠華餐廳電話:  
• 翠華餐廳價錢: $101-200
• 分類: 港式, 茶餐廳, 冰室
• 座位: 未知
• 付款: 現金
• FB專頁: 翠華餐廳 Facebook

更多翠華餐廳相關資料:

• 翠華餐廳分店
• Youtube
• Facebook
• Twitter
• Google