金英泰國菜 觀塘

金英泰國菜 評價 相片

觀塘街市 4/F 真係卧虎藏龍, 金英 thai food 真係好抵食~ 唔好在冇冷氣,熱左d, 但係價錢 + 質素搭夠1. 生蝦刺身 $55 生蝦雖然唔係太大隻,但都新鮮,鮮甜.2. 泰式鳳爪 唔太SPICY~3. 豬頸肉 $35 好味,唔鞋4. 蝦餅 $35 好味,彈牙推介5. 冬陰功 大size $70 唔會太spicy & 酸, good ! 好多蝦~!6. 馬拉盞通菜 $30 好香口,好味~7. 咸魚炒芥蘭 $32 芥蘭唔苦8. 咖哩軟殼蟹 $78 咖哩點蒜蓉飽,好正,但軟殼蟹唔脆,有d失色9. 泰式炒金邊粉 $30 味道ok10. 蒜蓉飽 $20/5件 好脆,好好味~

聽朋友講~話瑞和街街市頂層泰國野不錯吃~就二個人膽粗粗走上去去左見到三間~因為呢間當時較多人~所以選擇係度食(其後先知原來係openrice係三間留言最少)一黎到就先送兩杯青檸水~我初時覺得頗接受唔到~不過其後加左水~即刻唔同晒!!食物方面~我地叫左泰式鳳爪、半打串燒、豬頸肉生菜包、辣椒膏炒鮮魷、蒜蓉飽~與外間比~質素整體來說水平之上~以價錢計更講得係一流~埋單都係一百五十蚊~疑似老闆娘又有誠意~食完絕對滿足滿足~值得推介!!!可惜既係~食完先記得無拍照~不過實有下次!!!

這阿姨是之前同層另一家食店的staff, 後來出來自已開檔!!!唔講咁多, 去片先!!!我地點左八樣野1. 泰式濕炒河粉(我選了豬肉, 其實可以揀其他肉類都得) 呢個同出面比較算係出色, 在其他地方食相同的東西, 好味的要價錢都要貴這裡超過十個巴仙2. 豬肉生菜包 拍得住我泰國老媽的手勢, 不能停口之選3. 炸蝦餅 好鬆脆, 真材實料到我覺得係炸蝦多d4. 泰式青咖喱 我自已冇食, 但係我妹夫食到停唔到, 仲要打包多份番屋企. 佢撈飯食冇得頂喎, 不過小心揸車, 佢話食完飽到揸車時個肚腩頂住. 你話掂唔掂啦5. 泰式辣鳯爪 我都幾食得辣, 但係食到底部d鳳爪因為被辣汁淫住, 真係辣到我跳舞, 但係都要繼續食6. 豬頸肉生菜包 食法同豬肉包差不多, 不過豬頸肉就口感好d又香d, 不過都肥d, 如果怕太濃味可以只食豬肉包, 不過呢碟野我一個人食左七成! 唔想食辣的可以揀烤豬頸肉都一樣正!7. 香茅雞翼 呢個香料味好夠, 好香又蘇脆, 但係都係果句, 唔鍾意濃味的就唔好食咁多.8. 紅咖喱汁配蒜蓉多士 其實呢個本來係咖喱軟瞉蟹, 但係因為同行有人對蟹敏感, 所以老板娘私下醒個咖喱汁, 個多士醮咖喱汁真係好正架.!!!! 9. 串燒半打 我叫左三支雞三支豬肉, 但係主要係俾我對囝囡食, 佢地除左呢味樣樣都唔肯食...以上咁多野除左串燒半打要38元其他都係30元有交易, 我地仲叫左半打汔水, 加埋只係三百大元. 作為晚餐實在太便宜了.同老板娘傾下, 佢話如果想食海鮮要早訂, 而且要睇下係咪時令, 我今日本來係想係魚餅唔係蝦餅, 但係老板娘話冇膠魚賣, 所以唔會賣魚餅, 用其他魚做會唔好食趕客喎. 咁有heart的大排檔而家好難搵啦.不過真係要忍到熱, 因為大排檔都幾熱下, 衞生方面都係普通果d, 不過阿姨服務好好, 但係真係有少少人手不足, 所以大家最好係忍耐下, 或者可以主動少少行出去講出你的訴求啦.我地一行五個大人帶住兩個bb, 在那麼熱的天氣下吃了這些菜都一d怨言都冇完全係因為老板娘好好招呼. 而且食物的味道係超越佢個價錢既. 不過下次可能會揀打電話去叫外賣後自己黎攞. 不過老板話如果係觀塘一帶的外賣佢地都送貨的. 價錢唔貴, 值得試下啊!!!

金英泰國菜餐單提供泰國菜, 大牌檔等推介美食位於觀塘區，餐廳座位數未知人均消費約$50以下，結賬可以用現金，Booking訂位可以電話致電 23575527 查詢。

您對於觀塘餐廳「金英泰國菜」有何 comment？

金英泰國菜餐廳詳細資料：

• 金英泰國菜地址:
  觀塘瑞和街9號瑞和街市政大廈4樓
  Golden Yin Thai Food, 4/ F, Shui Wo Street Municipal Services Building,9 Shui Wo Street, Kwun Tong
• 金英泰國菜電話: 23575527
• 金英泰國菜價錢: $50以下
• 分類: 泰國菜, 大牌檔
• 座位: 未知
• 付款: 現金
• FB專頁: 金英泰國菜 Facebook

更多金英泰國菜相關資料:

• 金英泰國菜分店
• Youtube
• Facebook
• Twitter
• Google