一起食堂 (威利廣場) 觀塘

一起食堂 (威利廣場) 評價 相片

本來今日lunch唔係食呢間的，但想食嗰間排長龍，又記得呢度有間新開的餐廳，就行左過來睇下喇見到個裝修唔錯，餐牌都ok,一於試下佢啦！我叫左呢個紅燒三寶牛丸好爽好juicy，好似潮式手打牛丸咁好食牛肋肉正常。

要講下個牛𦟌。

expect係平時食開一片嗰款，點知佢一大嚿，好多肉，又un，唔係幾𦟌囉好難先咬得開平時唔多鍾意食台灣牛肉麵的麵質，但呢間又唔錯喎啲湯都好好味，飲曬呢個係同事的set. 試食左鹽酥雞，真係幾酥喎又無粉係個面度唔錯佢話個湯無味，下次試下先。

下次仲可以試埋日式menu

呢餐係令我失望嘅一餐。

本身門口咁多人排隊，裏面又坐滿哂人，感覺應該係好食，但係估唔到令我好失望。

分量算少，但每人要八十幾蚊，都幾貴。

✨花雕麻油雞湯麵同事話湯底好鹹，雞肉分量少，男士食真係唔夠飽。

花雕酒係另外上。

✨油豆腐什菜烏冬原本以為呢個烏冬口味應該係清淡，但係飲第一口湯感覺非常之咸，食咗一半已經食唔到落去，要放棄。

雖然個湯好鹹，但係烏冬幾彈牙。

而且配菜係幾好食嘅。

✨熱雪梨茶好飲，清甜潤肺，入口舒服潤喉。

✨熱茉莉綠茶綠茶味香，正常。

公司樓下近碼頭附近，開左間新嘅台日式餐廳。

同事有時會路過，見到餐廳環境都唔錯，仲好似係由一班年輕人創業開新店。

今日諗住得幾個同事食，就打電話叫外賣，原來諗住近近地外賣自取都好方便。

打電話落單時一問，原來夠$200可以送外賣架。

我地叫5個餐夠錢啦，慳番唔使行🤭外賣到公司門口取餐時，發現係用餐車送外賣，餐車仲用保溫袋保護住，成件事覺得好有誠意。

而且外賣員好有禮貌，服務態度良好。

到講番啲食物……個外賣便當送到來啲飯仲係熱辣辣，日式咖哩味度好濃，豬扒/雞粒炸得好香脆，伴菜方面…中華沙律及木耳就酸酸地好開胃，日本小番薯好綿好甜，整個餐都好好味。

另外，日式牛肉烏龍麵(烏冬)，個烏龍麵係會同湯分開pack唔會浸淋晒，個烏龍麵好煙韌彈牙，牛肉份量好多又入味，我仲連個湯底都飲埋，食物非常出色。

真心覺得值得推介此餐廳👍🏻

「一起食堂」係觀塘新開嘅一間主打台日式便當嘅餐廳。

餐廳裝修行傳統古風，內有古色古香嘅青磚瓦房元素同埋一個個溫暖嘅竹編燈籠，都幾有意境！ 菜式方面既有台灣料理，都有一啲日式嘅飯類可以揀。

養生派今次就試咗個花雕麻油雞湯麵，雞肉好嫩滑，雞有雞味，花雕另上，係由客人自己淋落去，一入口就會感受到好濃烈嘅花雕味，吞下之後仲會有少少喉嚨發熱嘅后勁，都幾過癮！幾個配菜都唔錯，沙律菜海草同綠茶蕨餅呢個配搭我幾鐘意！

話說公司樓下開咗間新食堂，觀塘區一向都少台灣嘢食，一於同同事嚟試下，叫咗一個牛肉麵(正確嚟講係牛三寶麵，有牛丸牛展同埋牛腩)先試一啖個湯底，嘩，好鮮味，正到冇朋友，有啲料到，牛展炆得好林好入味，最堅係嗰粒牛丸，一食落口，我同我個同事異口同聲咁話，哇！呢粒咪爆漿瀨尿牛丸，堅正，好juicy，跟住再叫多杯燒仙草豆漿同埋炸花枝丸，好好味，好味到都唔記得影相，同某茶字頭嘅連鎖台灣食店價錢差唔多，不過質素一定贏佢九條街

一起食堂 (威利廣場)餐單提供台灣菜, 日本菜等推介美食位於觀塘區，餐廳座位數80人均消費約$50以下，結賬可以用AlipayHK,支付寶,現金，Booking訂位可以電話致電 66369003 查詢。

您對於觀塘餐廳「一起食堂 (威利廣場)」有何 comment？

一起食堂 (威利廣場)餐廳詳細資料：

• 一起食堂 (威利廣場)地址:
  觀塘開源道48號威利廣場地下G5號舖
  一起食堂 (威利廣場), Shop G5, G/ F, Westley Square,48 Hoi Yuen Road, Kwun Tong
• 一起食堂 (威利廣場)電話: 66369003
• 一起食堂 (威利廣場)價錢: $50以下
• 分類: 台灣菜, 日本菜
• 座位: 80
• 付款: AlipayHK,支付寶,現金
• FB專頁: 一起食堂 (威利廣場) Facebook

更多一起食堂 (威利廣場)相關資料:

• 一起食堂 (威利廣場)分店
• Youtube
• Facebook
• Twitter
• Google