文仔記麵食店 西貢

文仔記麵食店 評價 相片

夜晚, 取道西貢墟回家, 由於上完Seminar, 叫了齋妹不用煮我飯. 坐巴士, 兜兜轉轉的來到西貢. 一見到未收工既食肆, 就不理好不好食, 入去坐低先算. 快快趣, 叫碗野食, 食完早點回家. 我入呢一間, 係一間叫做幾老字號下既麵檔仔. 不過有冇易過手就唔知. 我在門口, 問過正在收檯凳既姐仔, 得知仍然未關門之後. 看了一看餐牌, 即叫一個雲吞大腸粗麵.我是是日最後一位客人, 當然不想阻住人地收鋪啦, 麵來到便快快食完, 趕車回家. 所以沒有慢慢享受清楚佢既味道. 不過最令我記得的, 是鮮味的鮮蝦雲吞. 夠大隻之餘, 又夠味, 香香的蝦子同麻油味, 帶出正宗雲吞既出眾味道. 而且大腸, 非常之腍, 炆了一整天的內臟, 一定會腍, 而且乜野味道都吸收哂, 再加上腩汁, 成碗麵的表現不錯. 急急食, 收鋪前都有不少外賣客人, 而且很多是買生雲吞. 亦證明呢度既雲吞, 係西貢來說, 有返少少standard.

當天晚上10點幾, 好多舖頭都閂哂所以揀焗住入佐呢間店. 見門口已覺不乾淨, 但無辦法, 太夜了.跟友人叫了食物, 我自己點了雲吞河, 見到老闆娘煮野o既地方已dirty到得人驚(呢度俾分最底係1, 其實佢地衛生應該攞負分, 我無辦法). 食物來了, 溫度十分ok, 但渴了一口湯, 十分難飲, 不過我心想, 人家收19元一碗, 算吧.食食下, 見到有小昆蟲, 跟老闆娘查問, 她說是用羅漢果煲湯, 有冇搞錯, 係唔係當人傻o架, 仲叫我自己拎去化驗所check, 我唔洗check, 一望就知係小昆蟲. 我同佢講其他食物我照俾錢, 呢碗河粉我唔會俾, 否則我會打去食環署, 老闆同老闆娘隨即叫我打, 態度十分囂張, 咁我當然打啦, 夜咪夜囉, 我打時, 佢又報警.後來我跟食環署的inspector 在電話討論時, 差人亦來了. 他們兩家都唔想做呢單case啦, 講好多麻煩野俾我聽, 但我願意等佢地幾個鐘(佢地話要inpector o黎就要等), 去警局落口供, 入case告佢地, 將來上庭, 我咩麻煩野都肯; 就到底, 佢地唔想做, 但又無諗過我企得咁硬, 所以佢地就行"和解", 佢地係咁說服老闆同老闆娘唔好收錢. 原本老闆同老闆娘都以為我會放棄, 逼我俾錢, 但後來見我企到咁硬, 都唔想繼續, 就願意和解唔收我呢碗野o既錢, 我亦俾佐其他無事o既食物o既錢.講真, 幾難食都好, 我叫佐o既一定會俾錢, 唔食都會俾, 但有污糟野, 點解要我俾先? 俾個理由點解我要俾! 用羅漢果?! Don't fool me!!呢間野的食物質素差都未係最大問題, 佢地老闆同老闆娘的待客之道先至係最大問題!咁o既舖頭, 我在此真係祝佢地生意興隆囉!

於西貢某貴价餐廳食唔飽后, 想回市區之際,路見有個婆婆在門口好有心機包云吞的"文仔記", 申斗往內一看竟全店滿坐, 於是決定食番碗先.要了水餃加云吞面, 面質一流, 云吞D蝦好多好大隻, 水餃冇乜蝦, 但有好多云(木)耳同新鮮菜肉, 出奇的好吃.下次我一定会試埋馬蹄餃添!唯美中不足是老細兩公婆係咁講粗囗鬧交, 連門囗的婆婆(應該係奶奶)也鬧埋一份...唉.

文仔記麵食店餐單提供港式等推介美食位於西貢區，餐廳座位數未知人均消費約$0，結賬可以用現金，Booking訂位可以電話致電 27920813 查詢。

您對於西貢餐廳「文仔記麵食店」有何 comment？

文仔記麵食店餐廳詳細資料：

• 文仔記麵食店地址:
  西貢福民路58-72號高富樓D座地下
  文仔記麵食店,  
• 文仔記麵食店電話: 27920813
• 文仔記麵食店價錢: $0
• 分類: 港式
• 座位: 未知
• 付款: 現金
• FB專頁: 文仔記麵食店 Facebook

更多文仔記麵食店相關資料:

• 文仔記麵食店分店
• Youtube
• Facebook
• Twitter
• Google