Sai 2 西貢

Sai 2 評價 相片

今日同狗仔們去左西貢，同佢地去行完一輪大家都開始肚餓喇，經過呢間 Sai 2 餐廳o既外賣部，原本諗住食燒賣就算，聞到好香燒野食味，見到原來隔離個檔口有埋串燒於是就係串燒系列度揀野食，檔口o既牌寫住大墨魚串好吸引而且仲有美國黑椒豬肉腸都幾特別，於是我地叫左呢兩樣，再睇下其他，見到雞翼大有細，旁邊燒起o既都好似好靚咁，卜鎚叫左串細雞翼串，正當姐姐燒串燒時，我見到有串腎係隔離，唔爭在食埋啦xd1. 串燒大墨魚$ 17唔似得其實肉類咁係事先燒好 , 有人點就再放埋爐加熱而係由白雪雪開始燒 , 所以唔係幾夠時間燒至焦香不過肉質爽口有嚼勁，味道鮮甜 , 再加埋新鮮檸檬汁更能帶出墨魚o既香甜，此外，再加左少少辣粉，味道唔算太辣 , 少少似孜然粉 , 幾惹味 , arm 晒我地  2. 美國黑椒豬肉腸 $ 10~ 起初以為黑椒豬肉腸係類似台灣腸咁，紅卜卜裏面有肥粒但原來係白白地色o既 , 食落味道同台灣腸好都唔同，豬肉腸肉汁豐富，而且燒後個皮係脆o既，但無過燶 ,外脆內軟好有口感，黑椒味唔重，顯得好突出肉汁o既味道   3. 燒雞翼 ( 細 )$ 13見到細雞翼串o既外表有少少燒焦o既痕跡，好有燒烤風味，雞皮香脆而且帶少許蜜糖香甜味 , 雞翼肉質鮮嫩而無雪藏味，並無因為燒過而感到乾身，我好喜歡食雞鎚頂部舊軟骨，軟骨唔會燒到痴實主骨 , 有時係出面食o既會痴住咬唔開添雞翼位置同樣香嫩多汁 , 燒得均勻 , 水準不比串燒專門店差4 . 雞腎$ 10~ 相對之下雞腎唔係特別出色 , 厚度適中 , 不過都有少少韌 ,略嫌燒得乾身左 d , 無 juicy o既感覺 , 味道就只係調味粉味## $ 50 四串 , 份量唔少 size 唔細o既下午茶 ,以呢個打正其號做遊人生意o既西貢小食店黎講 , 唔算貴嫁喇 , 我見雞蛋仔賣 $ 13 都好多人買 , 出黎玩 , 有 d 錢係要比人賺下o既 , 何況係咁好味 ^^

星期六, 個天有啲灰濛濛, 汙染指數偏高, 勝在秋高氣爽, 下午入到西貢, 為免浪費大好陽光, 眾人決定捨棄冷氣間,到公眾碼頭對開的茶座搵食. 其實得兩間, 是但行入間冇咁多人的, 餐牌好簡單, 見左右隔離都有人叫炸魚薯條, 就咁決定啦. 五個人, 叫了四份, 每份連飲品一百蚊多啲, 估計係現炸的, 都要等十幾分鐘, 先嚟飲品, 男人叫了啤酒, 女士們叫了青檸梳打, 極大杯, 冰冰凍, 有非常新鮮的青檸味.主角終於出場了哇哇哇, 每份有兩大塊, 仲有好多炸薯角,好在叫了四份啫, 炸魚用的是石班,切開後, 魚肉好潔白,魚身有清晰的紋理, 非常新鮮,外層脆漿唔算厚, 不油不膩, 跟餐的醬汁有茄汁 + 他他汁, 但就唔見有白醋, 問待應攞醋, 佢拎咗套食沙律用的油醋架嚟,要捉住佢特別強調是白醋, 佢特登入去廚房拎兜出嚟, 服務態度好好, 真係唔該哂, 嗱, 嚟多個近鏡真係好靚靚㗎,連伴碗薯仔都好味到暈,正!

今日公眾假期, 約咗朋友係西貢度hea 番餐...要食得輕鬆, 又可以睇下狗仔吹下海風, 呢度會係一個幾好的選擇lunch set其實普普通通, 來來去去豬扒飯, 牛腩飯就係意粉, 雖然悶d, 不過可以欣賞下海景, 睇下狗仔, 都幾開心, 而且冇比人趕走... 我同朋友足足坐咗四個鐘..hehe!講番個通粉, 其實水準都唔差, 汁都足夠, 三文魚雖說是罐頭, 都起碼有一定份量, 不錯的選擇!如果再夜d, 仲有live band 呀 ^^

Sai Kung is always crowded on weekends, especially now with the fame of Hong Kong Geopark. It's a nice place to relax with families, kids, the elderly and the pets as well~We chose this cafe because of its nice view and decoration. We ordered for lunch: 咖喱牛腩飯: 牛腩有點韌, 但咖喱卻很特別, 不是一般大路的行貨口味, 配飯吃非常開胃的~沙爹: 肉質不俗, 點醬也不錯~芝士漢堡飽: 等了約15分鐘才送上的hamburger, 賣相不俗, 味道算中上~ 扎肉米粉: 朋友覺得很好味, 我看賣相也算不錯~Overall, the atmosphere and the decoration was really relaxing and cozy, and the food quality is better than average~It is a decent place for spending the weekend time~

記得多年前同兩位朋友專程入來西貢,目的想輕鬆悠閒食個午飯,最後選了這家餐廳,因為店內環境極度開揚,又面對海傍,看著個海景,應該極之寫意,可惜食物就麻麻.今日原本想去一家朋友介紹話食pizza幾好的店,不過那裡不太近海傍,妹妹想讓小姨甥女有大些空間活動,所以還是決定來海傍這邊,最後還是選擇了這間.我們四個人隨意選了三個午餐一齊分享,因為想留些空間待有時間可以試吓其他食店.這裡的午餐都是一般餐廳大多數有的菜式,我們選了白汁栗米魚柳飯~~燒汁雞扒飯~~三文魚長通粉不知是否已沒有太大期待,所以反之而有唔錯的結果,食物上枱時間都好快,份量足又夠熱,最重要是三款食物的味道都得到大家一致讚好.最值得讚一下的是小姨甥女,自從懂得自己行路,今日由這家餐廳行到海灣酒店那邊,途中沒扭計要我們抱,好叻女~~~

Sai 2餐單提供意大利菜, 海鮮, 西餐廳等推介美食位於西貢區，餐廳座位數未知人均消費約$101-200，結賬可以用現金。

您對於西貢餐廳「Sai 2」有何 comment？

Sai 2餐廳詳細資料：

• Sai 2地址:
  西貢惠民路西貢海濱公園
  Sai 2, Waterfront Park, Wai Man Road, Sai Kung
• Sai 2電話:  
• Sai 2價錢: $101-200
• 分類: 意大利菜, 海鮮, 西餐廳
• 座位: 未知
• 付款: 現金
• FB專頁: Sai 2 Facebook

更多Sai 2相關資料:

• Sai 2分店
• Youtube
• Facebook
• Twitter
• Google