嚐囍煲仔小菜 西環

嚐囍煲仔小菜 評價 相片

疫情下外賣變成大家既日常，好食既堂食同好食既外賣又真係好唔同勞蘇食就轉轉個外賣mode做個，疫市之中搵下生活快樂點子嚐囍既點心同煲仔飯正就好出名，今次用外賣小菜試試佢，睇吓質素如何大部分諗到既小菜都有，煮法亦可配唔同食材先食椒絲腐乳唐生菜，通菜食得多而其實唐生菜咁整有兩個優勝之處，一就係唔會咁咸，由於本身個質地硬身啲，葉既部唔會吸晒汁二就係口感爽而味道仍然惹味，佢既依道小菜完全發揮到依兩點，味道相當唔錯另外食埋椒鹽九肚魚，賣相好好大大舊，而外賣都年淋晒或者出油脆得黎蒜香濃，魚肉好滑溜，好正好想送下酒滑蛋蝦仁，香氣十足，海鮮咸香一食就知係鮮蝦，蝦肉口感爽，相當好味蛋雖然厚身但都好滑，大部分都仲係半熟，配埋九王好正份量夠晒多，蝦都好多最後既粟米班塊，粟米汁偏薄身，班塊唔硬，好多好多舊肉質幾鮮口感唔錯，加埋粟米汁香滑微甜成個外賣質高(好高，三四樓咁高)量多(好多，多左幾舊魚)，價錢直迫茶記，料又靚，完全諗唔到原因唔再食估唔到以點心同煲仔飯為首都仲可以炒得一手好小菜，無得輸#誓要試晒佢既小菜#外賣完全無損佢嘅好味西利

嚐囍煲仔小菜 呢間煲仔飯好味到係米之蓮推薦，原因炭烤煲仔飯，原汁原味又香噴噴😀😀😀🔹臘味排骨煲仔飯 ，臘腸味道香濃，米飯帶有臘腸香和油香，而且掛骨的鮮肉汁也充滿在飯粒裡，炭香味撲鼻，非常惹味！飯粒煲至粒粒分明，但不會過硬，最重要的是飯焦香脆，可以整塊起出來，起出一大塊金黃色的飯焦，飯焦充滿焦香，但沒有過於焦黑！😋😋😋 非常喜歡嚐囍煲仔小菜地址：西環堅尼地城北街25號地下 電話：2819 6190

嚟到堅尼地城當然要試吓呢間以煲仔飯聞名嘅食店，未夠7點已經有不少人排隊，不過等一陣就可以入座望一望點餐紙，淨係煲仔飯嘅選擇已經有33款😂如果有選擇困難症會好大鑊，最終聽阿姐推介點咗其中兩款➡️白鱔排骨飯 $90 飯焦好香脆，鱔肉好肥美，排骨無半點肥肉，果然無介紹錯➡️黃金臘味撈飯 $90 都係好有飯焦香味，但所謂嘅臘味只係隱約食到臘腸同潤腸粒，略嫌失色少少➡️椒鹽鮮魷 $88 小菜都做得唔錯，炸得夠脆之餘又不會太油整體來講煲仔飯個飯底做得好好，有煲仔飯應有嘅飯焦之餘又夠香，誇張啲可以話唔使理會啲餸料，淨食個飯底都值得，真係出名唔係無原因佢啲小菜都好多選擇，一般大排檔有嘅佢都有，另外就係佢有做夜茶，即係話食煲仔飯之餘，亦可以叫啲小炒再加幾款點心，一次過滿足晒三個願望😂

之前已經食過嚐囍，啲煲仔飯真係幾正，但可惜多人排，無訂位應該有排等今次膽粗粗咁星期五晚walkin，好彩等咗幾個字就有位入🔶豉椒味菜炒鮮魷($82)呢到嘢食都偏向大碟，所以最好就叫一班人一齊食味菜原來就係酸菜，食落都幾夾鮮魷無乜海鮮味，但叫借對得住價錢🔶黃金糕(中點)第一次食黃金糕，聽講係差唔多失傳嘅點心切開中間睇落似蜂巢，食落味道有啲似年糕但無咁痴牙強烈建議一定要襯熱食，凍咗會變硬🔶蒜蓉粉絲蒸娃娃菜($72)鐘意食蒜蓉嘅一定要點❗️❗️蒜蓉粉絲加娃娃菜超夾，蒜香味勁重🔶白鱔排骨飯(+臘腸)($88)(+$20)主角煲仔飯終於出場喇呢到嘅飯焦真係做得唔錯臘腸食落唔會勁多肥豬肉，下次會試埋潤腸🥰______________________________💛嚐囍煲仔小菜 (西環)💛西環堅尼地城北街25號地下

本來只係去廟街食飯 , 但最後去咗呢間…試下佢哋嘅煲仔飯… 雖然有訂位… 但我哋都等咗15分鐘左右… 一坐低我哋就睇下邊隻煲仔飯好食…友人鍾意食雞… 我哋就點咗臘味滑雞飯, 果然名不虛傳 , 飯焦唔會黐底 , 而且仲好脆 , 另外再嗌咗椒鹽鮮魷同 咕嚕雞球, 味道都不過不失 , 煲仔飯先至係呢間嘅嘅王度 !!

嚐囍煲仔小菜餐單提供港式等推介美食位於西環區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 28196190 查詢。

您對於西環餐廳「嚐囍煲仔小菜」有何 comment？

嚐囍煲仔小菜餐廳詳細資料：

• 嚐囍煲仔小菜地址:
  西環堅尼地城北街25號地下
  Sheung Hei, G/ F,25 North Street, Kennedy Town, Western District
• 嚐囍煲仔小菜電話: 28196190
• 嚐囍煲仔小菜價錢: $51-100
• 分類: 港式
• 座位: 未知
• 付款: AlipayHK,支付寶,現金
• FB專頁: 嚐囍煲仔小菜 Facebook

更多嚐囍煲仔小菜相關資料:

• 嚐囍煲仔小菜分店
• Youtube
• Facebook
• Twitter
• Google