嘗滿藝廚餐廳 西環

嘗滿藝廚餐廳 評價 相片

今日與2位好友去了朋友介紹的川菜的館，我地坐低左，d服務員態度好nice，叫左水煮烤魚，椒鹽九肚魚，辣子雞，麻辣皮蛋，金銀蛋浸時疏，3碟前菜青瓜，3罐汽水，買單$400，價錢公道，值得一試～～

有次係西環踢完波經過一間餐廳咪入去試下，吾知食咩好咪問下有咩好食，老闆娘話試下 黃金茄子，酥脆既外皮包住厚厚既茄子肉，仲有啫啫龍躉扣肉煲同其他野，食完真係好似佢話禁啲茄子真係好好味， 加上啲服務又好。

所以而家都好多時叫埋啲朋友一齊去果度食！

朋友話西環有間新鋪，佢無意間一班人經過，見價錢都幾平，咁就試下啦，估唔到啲川菜好正宗，而且有我鐘意嘅雞煲，連其他小菜都包你話正，無失望！我同班朋友都鐘意食雞煲，又鐘意食辣，約埋一齊去試試先，港島線香港大學站一出，無幾耐就到，對正萬怡酒店，都唔算難揾～一行9人，本來想要一隻雞嘅雞煲加7個小菜，但太多野想試，改咗要半隻，當試下味先，但當雞煲一上枱，一陣就無晒！我間中都會同朋友食雞煲，情意結嚟，呢度整啲雞肉好滑好滑，味好夠又正宗，加水再叫青菜肥手打下邊爐，正！可惜太快清晒，唔記得影相～川式涼拌皮蛋我好少食皮蛋，不過幾好味喎，蒜蓉辣椒絲蔥花加埋食落爽口，皮蛋滑滑的，一齊食口感好豐富金銀蒸勝瓜勝瓜軟硬度蒸得剛剛好，爽口得嚟容易咬，加蒜蓉一齊蒸，勝瓜吸收埋醬油嘅味，正！我細個好討厭勝瓜，如果咁整我就好鐘意，改變我對勝瓜嘅感覺！黃金茄子咸蛋黃包住茄子炸，咸蛋外層炸到脆卜卜，而茄子就軟棉棉，炸完就上，熱辣辣，外層睇唔出咁熱，小心辣親～咬落去茄子軟軟的，相對外層，我諗起心太軟嘅感覺，新鮮感同口感味道都另我加分！椒絲腐乳通菜呢個唔洗多講，菜唔老，又有獲氣，味道都唔洗多講！梅菜蒸肉餅我近期開始學整肉餅，由唔識到而家都整過好多次，雖然明顯有進步過，味道還算不錯但始終用過唔同方法都整唔到好軟屬嘅質感，呢個肉餅賣相唔算靚，但包你話正，肥瘦肉比例剛好，蒸嘅時間又剛好，調味又剛好，咬落軟屬，送飯良伴！京都骨 ( 咕嚕肉，無骨 )大大舊，居然舊舊都無骨，絕無呃稱，良心之作！韭菜花炒咸肉我唔食韭菜，但朋友都話好食Ps:女店員好nice，講野好幽默

對西環人生路不熟的我，打算是但入一間企企理理的茶記醫飽個肚就算，點知呢間餐廳係唔錯喎！抵食又好味！雖然係普通茶記，但佢幾多元化，有雞煲，川菜的口水魚煲/酸菜煲，亦有普通小炒！最欣賞佢的黃金茄子‼️仲有冰鎮花螺（有wasabi 加豉油），這是一般茶記沒有的！另外，叫了個酸菜魚煲加手切肥牛，也不錯，如果湯底加點辣味就更惹味。

飲品是免費的，因為我和朋友都like 和分享了佢的facebook!好抵食，兩個人買單大約二百幾蚊，有魚煲又有小菜同白飯。

最後，想讚一讚員工，好親切咁介紹有咩好食，亦十分有禮貌！

上次去食咗口水雞同黃金茄子同小抄王， 口水雞值得一讚既係唔會過辣之餘，味道仲可以保持原有風味！ 黃金茄子同小抄王係一定要推介，兩個各有特色，黃金茄子，酥脆既外皮包住厚厚既茄子肉，咬落去口感一流！而小抄王最岩就係同一家人或一大班朋友去個時點，一碟裡面有着各色各樣既抄菜，有魚有肉有菜，實唔驚點咗無人食！

嘗滿藝廚餐廳餐單提供粵菜, 廣東, 川菜, 四川, 中菜館等推介美食位於西環區，餐廳座位數未知人均消費約$51-100，結賬可以用現金，Booking訂位可以電話致電 28032383 查詢。

您對於西環餐廳「嘗滿藝廚餐廳」有何 comment？

嘗滿藝廚餐廳餐廳詳細資料：

• 嘗滿藝廚餐廳地址:
  西環西營盤干諾道西168號地舖
  嘗滿藝廚餐廳, G/ F,168 Connaught Road West, Sai Ying Pun, Western District
• 嘗滿藝廚餐廳電話: 28032383
• 嘗滿藝廚餐廳價錢: $51-100
• 分類: 粵菜, 廣東, 川菜, 四川, 中菜館
• 座位: 未知
• 付款: 現金
• FB專頁: 嘗滿藝廚餐廳 Facebook

更多嘗滿藝廚餐廳相關資料:

• 嘗滿藝廚餐廳分店
• Youtube
• Facebook
• Twitter
• Google