味匠車仔麵專門店 西環

味匠車仔麵專門店 評價 相片

嚟到厚和街車仔麵鋪, 我竟然叫咗個”日式蛋卷配鹽酥雞槌飯”. 一來有啲餓, 另外車仔麵店竟然有日式蛋卷, 好想試吓咩味道. 碗飯幾大碗, 有四件雞槌, 同埋三件貌似豆腐卜嘅日式蛋卷. 雞槌調味非常唔錯, 好惹味. 至於日式蛋卷, 入面係甜嘅, 但係加咗醬油喺面, 配合埋其他都係鹹嘅味道, 感覺有啲格格不入. 不過整體嚟講呢間鋪都值得推介, 下次嚟一定試主打嘅車仔麵. 個飯加埋Zero, 盛惠HK$50, 抵食!

聖誕節🎄長假留港消費，來來去去都係樓下半徑二百米範圍搵食，見到飲食男女推介就入去試下牛湯車仔麵。

街外降溫又落住細雨，一碗熱騰騰的牛湯麵帶著香味的蒸氣已令我全身醒神，幾口入肚心中充滿🍜猶如家的溫暖。

三十八蚊街坊價，份量上足夠，味道也不錯，推薦飲牛湯，獨特的氣味清香而過癮，真係有似有種魔力令人一直回味。

見到對面有人試小食推介，又真係幾惦，可惜我一個小女子一餐食唔到咁多，下次帶埋啊媽來再試下佢其他款式。

近日午餐時間都嘗試搵下唔同車仔麵食，嚟到小街見到有間車仔麵食，就入去試吓。

內部裝修都有自己風格，車仔麵比平時食開的種類雖然差不多，但都會花一些心思去諗不同的配搭。

今次我就嘗試名為牛魔王的車仔麵，味道都唔錯，值得下次再嘗試其他款。

西環有間車仔麵我好鍾意食，係响士美非路，原來附近嘅厚和街最近開咗間好有特式車仔麵，當日去覓食先發覺，特式在於一個牛肉湯底，而餸就分開另上，保證原汁原味，價錢又非常親民，CP值高，好快會再去幫襯。

三餸麵 $38 (凍檸茶加 $8) 牛筋、冬菇、大腸配牛腩汁跟油麵牛肉湯底非常濃郁，一d都唔油膩，入口感覺有藥材味道，好味！油麵爽口彈牙，唔會有油饐味，牛筋好膠、冬菇厚實、大腸超腍，全部都入味，讚！另外檸茶無冰唔會變淡，有檸味又唔會太甜，不錯。

三餸麵 $38 (汽水加 $8) 魚腐、豬腩肉、大腸配牛腩汁跟粗麵粗麵爽口吸湯一流，魚腐有口感、腩肉肥瘦平均，全部都可一試。

經典韮菜豬紅 $20豬紅唔會一夾就散，有少少煙韌口感，入味兼味濃，份量唔少非常抵食。

孜然鷄搥 $28得意之作，鷄搥面包了雲吞皮，香脆可口，咬落有鹼水味之餘亦不失孜然味，多重味道同口感，而且鷄肉炸完仲有肉汁，不錯小食！二人共消費: $140

一間只容納不夠三十個座的鋪頭，確係令我印象深刻。

我已經連續去左好幾次，仲要帶埋家人和朋友。

我係第一次食車仔麵，係麵和餸分開上，甘就一定唔會錯過麵和餸用不同湯汁。

我最鐘意就是牛肉湯底的麵配辣汁的餸，辣辣地，好野味。

簡簡單單的餸，食完都已經好滿足，再配上自家製的檸檬茶(仲有一片檸檬)，正， 而且性價比高完全體會到師傅對這車仔麵的講究和堅持，果然獨具匠心

味匠車仔麵專門店餐單提供港式, 車仔麵等推介美食位於西環區，餐廳座位數未知人均消費約$50以下，結賬可以用現金，Booking訂位可以電話致電 36195486 查詢。

您對於西環餐廳「味匠車仔麵專門店」有何 comment？

味匠車仔麵專門店餐廳詳細資料：

• 味匠車仔麵專門店地址:
  西環堅尼地城厚和街38號持平大廈地下B號舖
  Tasty Noodles, Shop B, G/ F, Chi Ping Building,38 Hau Wo Street, Kennedy Town, Western District
• 味匠車仔麵專門店電話: 36195486
• 味匠車仔麵專門店價錢: $50以下
• 分類: 港式, 車仔麵
• 座位: 未知
• 付款: 現金
• FB專頁: 味匠車仔麵專門店 Facebook

更多味匠車仔麵專門店相關資料:

• 味匠車仔麵專門店分店
• Youtube
• Facebook
• Twitter
• Google