Pizza-Q 西環

Pizza-Q 評價 相片

成日淨係食左果幾塊月餅, 兩粒糖同小小薯片碎, 夜晚肚餓起嚟就理所當然啦, 於是上左OPENRICE睇吓附近邊度有PIZZA送.求求祈祈揀左間打去問送唔送嚟西營盤, 佢地話得.佢地話要等半個鐘先會送到, 都算係咁啦, 廢事周圍問尼問去. 叫左個中HAWAIIAN PIZZA, 一份雞翼, 兩罐可樂 (兩個人分).其實真係唔多叫外賣咖, 住7樓又冇LIFT(唐樓)... 要人地送到上尼都唔好意思啦~ 不過今次真係太肚餓, 迫於無奈咁解姐. 咁我地就慢慢係度等.岩岩準備左錢, 預埋TIPS 就聽到出面有腳步聲. 比想像中快到! 仲有樣野出乎意料: 諗住佢行到上尼會黑哂面咁, 拿拿淋收完錢就閃咖啦, 不過一見到佢佢就已經笑笑口咁, 見我已經攞住錢比佢仲叫我唔洗急, 渣穩先添. 服務態度抵讚!個PIZZA佢本身就一般啦, 冇咩特別, 但又唔差囉. 雞翼都係一樣. 不過! 我最想強調既一點就係員工有禮貌, 食都食得開心D!

係隔離酒吧飲到一肚氣，要食番啲嘢補番吓。

之前見PizzaQ食評唔錯決定試吓,老闆好nice，舖仔細細，但個個都好有笑容和好有禮貌。

點了half & half：Margarita & Pepperoni，大概15分鐘便完成，一打開個盒已聞到芝士的香味，芝士豐富，薄底夠薄，茄醬酸溜溜好開胃。

依個宵夜好滿足！

出堅尼地城探個朋友.呢度我9幾年住過, 但隨住地鐵發展呢區, 我已完全唔認得呢頭咁滯~聽聞呢度係叫西環蘇豪; 得幾間吧都算蘇豪區?朋友個仔瞓左, 我們3個麻甩佬, 都係落街食喇.佢推介呢間pizza, 話係即叫即整, 好, 就一試個tuna pizza 喇~要等十幾分鐘喇. 其實都算快.就坐o係店子對面, 即"泓x" 下的公園食. 半溶芝士加上吞那, 熱辣辣, 真係好好食.足料. 3個麻甩佬, 對住個海食pizza, 渡過了一個好浪漫的晚上~

求求其其一餐，本來都懶得寫食評，食左兩啖，忍唔住要幫佢影張相讚一讚今次得第2次食佢d pizza，一次試pasta，即叫即做，等左15分鐘就有喇因為上次食過個 pepperoni pizza 食過番尋味，今日又買左個，細 Hawaiian，$78其實我食pizza要求好基本，只要餅底造得脆，base醬、芝士落得足，咁就已經好好味，如果基本達唔到標，話之你d材料落到天花龍鳳咁都唔會好味 (我講緊 pizza hut 果d _)我鍾意佢d pizza 係因為我上面講的3個基本要求佢地都做到了，尤其是個base醬真係好充足，食到好香番茄味Spaghetti Carbonara，又係一樣材料好簡單既pasta，其實只要個sauce調得好落得夠就已經好好，佢地既carbonara就好合格喇，個sauce好厚又落得多，好足料$68一個pasta只得煙肉磨菇，可能有人覺得唔抵食，不過我好滿意，一個似樣既carbonara 個sauce係好滯架，基本上一個人一餐係食唔晒Chocolate Mousse 原價$22 今日因為咁o岩佢地未有人送外賣所以我過去自取，咁個哥哥仔就送多左個甜品俾我，話唔好意思食左一啖，嘩，朱古力味超濃呀！再睇返張menu，竟然係無糖既?? 係真唔係呀!?環境方面，係一間細細既外賣鋪仔，話晒唔係開左好耐，見佢都好乾淨企理(p.s. 我兩次食都唔係繁忙時間，唔知佢地繁忙時間效率如何)service方面，so far 去過2次見佢地都幾nice，今次仲有甜品送添，算幾識做，希望佢地生意興隆啦！總括黎講覺得佢地d食物水準都不錯，比較似樣既pizza店黎講我覺得佢唔算貴啦，屋企附近有間咁既外賣店都真係幾高興，住堅尼地城既朋友得閒試下啦！

caesar salad : 自製醬汁幾好食, 起碼唔係出面度度都一樣的CAESAR 汁, 加$15有雞肉, 雞肉加香料煎過, 小處也見心思, 羅文菜夠新鮮, 無黑邊白汁煙肉mushroom 意粉: 這個很good, 西環食意粉無咩好地方, 以後可以來呢度lu, source夠味, 意粉夠咬口, 唔會over cookpizza: regular size 比較細, 一家四口一定唔夠...不過都成$148 蚊, 無咩特別的pizza賣呢個價秘製雞翼: 比較細隻, 不過好多香草, 又係心機加分。

賣得都幾貴, 四隻 $28蚊overall 係意粉最impress, 不過雖然貴少少, 但我下次都會幫襯呢間而唔係pizza hut, 畢竟pizza hut的味太standard,食得多會縑,幫襯下呢d小本經營好過啦~ 雖然仲有可以改善的地方, 不過食得出廚師同老闆都有誠意, 食物小處也見心思, service都ok~

Pizza-Q餐單提供意大利菜, 薄餅, 外賣店等推介美食位於西環區，餐廳座位數未知人均消費約$51-100，結賬可以用現金，Booking訂位可以電話致電 28189877 查詢。

您對於西環餐廳「Pizza-Q」有何 comment？

Pizza-Q餐廳詳細資料：

• Pizza-Q地址:
  西環堅尼地城爹核士街1號地下6B號舖
  Pizza-Q, Shop6 B,1 Davis Street, Kennedy Town, Western District
• Pizza-Q電話: 28189877
• Pizza-Q價錢: $51-100
• 分類: 意大利菜, 薄餅, 外賣店
• 座位: 未知
• 付款: 現金
• FB專頁: Pizza-Q Facebook

更多Pizza-Q相關資料:

• Pizza-Q分店
• Youtube
• Facebook
• Twitter
• Google