元祖和風食堂虎藏 藍田

元祖和風食堂虎藏 評價 相片

今日落大雨，天陰陰咩都唔想做～又唔想行咁遠～所以就隨便落街食餐飯咁～叫左3個餐，2大2小食剛剛好～老公食左滑蛋豬扒飯～佢話好好食～豬扒一d都唔韌～蛋好滑之後的叫左個虎藏牛肉飯～😋好多汁、好味道小姐話要食拉麵，小先生話要食炸雞白飯！叫左個炸細拉麵定食，岩岩好！入面有碗小拉麵，有碗小白飯～仲有4件大大件既炸雞～咁之後小先生話要食煙肉腸仔卷！叫左串比佢食～老公又話要食忌廉蟹肉餅，我試左一啖，勁脆！最後跟餐叫左3杯檸檬茶～食左196蚊！唔洗加1...

無飯家庭今日嚟到食呢一間日本野。

首先，呢到環境舒適、好寬敞。

嚟到嘅時候，剛好人流唔多，可以安排到卡位俾我哋，令爸媽可以坐得舒服啲。

首先，要推介呢一個可樂新地。

可能剛好有啲熱，食雪糕特別好食。

雲呢嗱雪糕配上可樂，真係好匹配，而且仲好消暑🤣🤣🤣另外，值得推介就係呢一個滑蛋豬扒飯。

豬扒就不用提了不過不失，而且可能年紀大了，食多幾舊煎炸野，就會覺得膩。

反而係個滑蛋飯，好有驚喜，蛋煮得好滑好香，配飯食一流。

而且佢價錢十分抵，$38就食到，真係飽肚平民之選。

中華冷面都有驚喜，簡單得來好好食。

而且冇諗過會咁大碟，呢排天氣熱，依家食啱啱好，絕對係夏日之選。

爸爸鍾意食魚，所以叫咗鯖魚便當。

鯖魚新鮮可口，唯分量不多，而配菜味道一般，下次不會再叫。

呢個南瓜薯餅都好好食，新鮮即炸，熱辣辣，好脆口，幾個人食一份剛剛好，否則會覺得膩。

最後，就是這個日式餃子定食。

餃子味道一般，豬骨湯就不過不失，而木魚紫菜飯就好令人失望，好乾、淡而無味。

平民價錢，地方座位寬闊，座得舒服，我們3人吃了4份套餐「木魚紫菜飯+日式煎餃子+味噌湯拉麵」拉麵彈牙，叉燒一般，木魚紫色飯 飯質也煙靱，但因無汁，比較乾而無味「牛肉飯+豬骨湯拉麵+冷菜」大致上兩樣都不錯「帶子蟹肉飯+豬骨湯拉麵」帶子新鮮，但蟹肉撈飯也是比較乾，拉面不錯「紫菜串燒便當」有3隻雞翼+3件煙肉腸仔卷，味道一般，飯又也沒有汁，比較乾

今天相約家人到這餐廳小聚。

店員安排我地坐卡位。

好大好闊落。

我地點左拉麵，抹茶卷，滑蛋豬扒飯，仲加左3杯忌廉新地。

滑蛋豬扒飯，滑蛋好好味，係用上湯煮嫁😍豬扒都好香好脆😋新地係日式嘅牛奶雪糕🍦唔係cheap cheap 嘅新地味😍加埋忌廉飲新落好似飲緊忌廉溝鮮奶☺️跟餐好抵加18蚊就可以飲到喇😌甜品控可以一試☺️不愧係平民食堂😍

原先過黎藍田同朋友食個飯無諗住要寫食評但朋友想警剔下大家決定為大家寫篇食評📜係menu入面既相片都幾吸引🤩雖然寫左「圖片只供參考」但呢間野既圖片係完全參考唔到😑同實物差天共地🤯朋友叫左個北海飯$65個魚生飯都預左實物打個8折??????????????????????????around 8點都唔夠食材?!個飯黎到大家都以為自己眼花😅不停望下個飯 又望下個menu 再對望起碼5分鐘後我地問:個飯就係咁架喇？侍應面不改容答:係最後朋友話一定要講:「錯愕之後就係憤怒！！我係咪食緊廚餘呀？！？！？！？！我食一口飯.....頂丫，係熱既！白飯！不是醋飯！講粗口都表達唔到既憤怒！係咪我見識少呀！未食過魚生配熱白飯！唉算啦，係我倒霉，以後唔會再黎食。

仲難食過爭x！」上到openrice睇其他人個份北海飯…果然係我朋友當黑😂

元祖和風食堂虎藏餐單提供日本菜, 拉麵, 壽司, 刺身等推介美食位於藍田區，餐廳座位數未知人均消費約$51-100，結賬可以用現金，Booking訂位可以電話致電 27204891 查詢。

您對於藍田餐廳「元祖和風食堂虎藏」有何 comment？

元祖和風食堂虎藏餐廳詳細資料：

• 元祖和風食堂虎藏地址:
  藍田啟田道50號啓田商場地下1A舖
  元祖和風食堂虎藏, Shop1 A, G/ F, Kai Tin Shopping Centre,50 Kai Tin Road, Lam Tin
• 元祖和風食堂虎藏電話: 27204891
• 元祖和風食堂虎藏價錢: $51-100
• 分類: 日本菜, 拉麵, 壽司, 刺身
• 座位: 未知
• 付款: 現金
• FB專頁: 元祖和風食堂虎藏 Facebook

更多元祖和風食堂虎藏相關資料:

• 元祖和風食堂虎藏分店
• Youtube
• Facebook
• Twitter
• Google