龍卷風日本料理 葵芳

龍卷風日本料理 評價 相片

今日去開葵芳見客....每次來我都會去葵涌廣場呢間壽司店度食嘢....次次都食三個手卷.....點知今次比我發現咗佢哋推出左一個勁抵勁好食嘅海鮮丼飯真係抵到嚇死你只需要＄68.....已經可以食到一個分量十足嘅海鮮刺身丼飯重要嗰舊海膽出邊食都要成＄30.....又有甜蝦又有帶子又有希凌與又有三文魚....又有北寄貝又有泰式生蝦.....呢間壽司店位於葵涌廣場一樓大家樂對面平時食佢嘅壽司都覺得佢好抵食跟住見佢今次有個新餐牌....話＄68有成碗刺身食我心諗都唔方多得去邊不過＄68是但試吓啦點知當老闆娘比我嘅時候.....我當堂嚇咗一跳分量超級多....而且好新鮮呢個餐加多＄4仲可以有汽水飲淨係呢舊咁大舊嘅海膽都夠照啦而且魚生好新鮮帶子都好大粒同肥美最後我加多＄48食咗一碟三文魚腩刺身好冰凍好好食好老實講....我諗呢間壽司店嘅海鮮丼....都應該平通全港九

葵芳有唔少寫字樓, 間中都會去葵涌廣場搵下平野食, 但一到lunch, 周圍都要等位, 一個鐘既lunch time時限, 其實唔係好多選擇~ 工作量多時, 唔好話lunch等位食飯, 真係連坐低食餐晏都冇時間~今日見得閒少少, 經過葵涌廣場近大家樂既位, 有間食刺身便當、壽司、手卷同日式小食…張貼左好多優惠價錢, 所以就吸引左我地去一試! 呢度既壽司飯都係加左醋既珍珠米做飯, 飯質比較黏, 同一般日式餐廳既差不多, 而手卷其中一個與眾不同既地方就係手卷size比一般既為大, 單單係手卷, 食完都有些少飽肚感覺【海膽手卷】HK$38呢度既海膽有分唔同國家入口, 當然價錢亦都唔同, 今次我就order左呢個由韓國入口既海膽, 海膽份量都有成半板, 色澤金黃, 味道新鮮甘甜, 呢個價錢食到呢個質素, 真係抵啊!【卷之戀便當】HK$62便當可以轉外帶拎返公司食, 飯量非常多, 入面有三文魚、海膽、帆立貝刺身, 一個價錢, 三種享受, 雖然三文魚比較薄, 但肥美既帆立貝刺身同埋鮮甜既海膽都搶左唔少分數~ 食完成個飯, 很飽肚, 很滿足! 製作時間算幾快, 岩哂返工返學而又唔夠時間lunch等位既朋友, 呢個一定係速買而又飽肚既其中一個好選擇! 【炸軟殼蟹手卷】HK$24足足有半隻軟殼蟹, 份量十足, 即叫即炸, 炸到脆卜卜, 炸漿唔太厚, 而醋飯份量都好足~ 【三文魚飯卷】HK$18飯卷有六件, 每件既size比$5硬幣更為大, 三文魚粒粒都好厚身, 夠肥美夠新鮮, 都係抵食之選!

男朋友見到呢間手卷店有泰國版玉泉青檸梳打（$12）雙眼發光，所以我順便叫個手卷食。

軟殼蟹手卷即場製作，睇起上黎真係幾大隻。

因為即場炸，所以都一定脆口。

不過由於真係幾大隻下，所以食得有些少狼狽。

飯嘅份量一如其他葵廣嘅手卷，都係比較多，但就冇特別覺得酸。

因為軟殼蟹有一半突左出黎，所以食到後期會係白飯手卷，但情況都唔算嚴重。

建議再外加沙律醬，可以減低油膩感。

至於青檸梳打（罐裝），男朋友話居然呢度有得買，有加分。

龍卷風日本料理餐單提供日本菜, 壽司, 刺身等推介美食位於葵芳區，餐廳座位數未知人均消費約$50以下，結賬可以用現金。

您對於葵芳餐廳「龍卷風日本料理」有何 comment？

龍卷風日本料理餐廳詳細資料：

• 龍卷風日本料理地址:
  葵芳葵富路7號葵涌廣場1樓B60號舖
  龍卷風日本料理, Shop B60,1/ F, Kwai Chung Plaza,7 Kwai Foo Road, Kwai Fong
• 龍卷風日本料理電話:  
• 龍卷風日本料理價錢: $50以下
• 分類: 日本菜, 壽司, 刺身
• 座位: 未知
• 付款: 現金
• FB專頁: 龍卷風日本料理 Facebook

更多龍卷風日本料理相關資料:

• 龍卷風日本料理分店
• Youtube
• Facebook
• Twitter
• Google